weder übel no hart

Hello zeme
S git wieder moll öpis uf d Ohre. Dasmol ischs chli e lockeri Plauderfolg worde, in dere mir euri Froge beantwortet hei.  Viel Spass bim lose und mir si bald wieder zrug mit eusere erschte Gästin! 

Timestamps:
03:05: Was studieret ihr und warum?
09:12: Uf was freuet ihr euch im Moment am meischte? (Nit mit "de Summer" oder "Zit nach Corona" antworte)
13:47: Vo wo, wem oder was holet ihr Inspiration, Motivation und Kraft?
22:24: In wellem Punkt, in welle Theme sinder euch uneinig?
27:20: Macht euch dr Klimawandel Angscht und wie gönget ihr drmit um?
33:38: Wenn Geld, gsellschaftlichi Erwartige und Verpflichtige kei Thema wäre, was würde mir mit eusem Lebe afoh, anderscht mache.
39:28: Chönnet ihr euch vorstelle, moll zemmezwohne?
42:12: Was für e Person bzw. Bruef wäret ihr vor 1800 gsi?


"weder übel no hart" uf Instagram:
@annauebelhart
@larauebelhart

Hoi zeme!

Mir rede die Wuche über eis vo euse absolute Lieblingstheme: s Gym, euse Fitnessjourney und welle Stellewert das Ganze in eusem Lebe ihnimmt. Sit bald zwei Johr isch s Chrafttraining e wichtige Teil in eusem Lebe, wo grosse Uswürkige uf eus gha hett, sowohl körperlich als au mental. S Thema isch viel tiefer als me vilicht chönnt meine und sicher nit numme für Gym Rats spannend. Wie immer gilt: Bi Froge dörfet ihr euch gern an eus wende. <3

Timestamps:

00:00-02:03: Intro und Überleitig zum Episodethema
02:03-10:38: Wie s Training im Moment grad lauft und wie s während em Lockdown gsi isch
10:38-12:15: Für sich selber die richtigi Sportart finde
12:15-18:36: Was isch euses "Why", wieso mache mir Krafttraining?
18:36-23:55: Wie d Lara zum Krafttraining cho isch
23:55-26:20: Dr Anna ihre Gymjourney
26:20-30:57: Trainingsfrequenz und -plan
30:57-34:48: vegan lebe und Kraftsport
34:48-38:30: s Gym isch für ALLI do
38:30-42:37: Wie mir eus mental durch s Krafttraining veränderet hend
42:37-53:18: Wie mir eus körperlich veränderet hend
53:18-55:05: Schlusswort

"weder übel no hart" uf IG:
@annauebelhart
@larauebelhart

Hei zeme!
Mir melde eus nachere churze Pause zrugg miteme chline Life-Update und dr gwünschte Episode über s Thema Veganismus, wo eus sehr am Herze lit. Mir verzelle euch, wies drzue choh isch, dass mir vegan lebe und was eusi bisherige Erfahrige drmit si. Drzue hemmer vo euch au es paar cooli Froge bechoh, wo in dere Episode beantwortet werde. Es wir uf jede Fall e zweite Teil geh, also falls euch bim lose no witeri Froge ifalle, chönnet ihr die eus sehr gern per DM zuechoh lo. 
Folgend no d Time-Stamps vo de Froge, damit ihr euch bi Bedarf chönnet durenavigiere:

19:20: Wie gönget ihr drmit um, dass viel Mensche nit/nonig vegan lebe?
24:00: Wie machet ihrs an Familiefescht? Nehmet ihr eures eigene Esse mit?
27:58: Was und wie dünd ihr supplementiere?
33:54: Was isch eures Lieblingsesse, wo eifach isch und schnell goht?
37:48: Wieso wird vegans Fleisch so dargstellt, als obs echt isch? (Also Form, Gschmack und so witer)

Viel Spass bim Lose und bis bald!

weder übel no hart uf IG:
@annauebelhart
@larauebelhart

(TW: Tod, Verluscht vo nochstehende Mensche)

Hello hello, schön bisch do.

In dr hütige Folg rede mir über Verluscht und Truur. Das si Theme, wo leider oft tabuisiert werde, zum Lebe aber drzueghöre. Für eus ischs nid ganz eifach gsi drüber z rede, wills doch recht persönlich isch, aber mir findes sehr wichtig, dass offe drüber gsproche wird. Das hilft, um e guete Umgang drmit z finde. Unter anderem hei mir folgendi Froge beantwortet: Wie si mir drmit umgange, wo mir mit 17ni euse Papi verlore hei und plötzlich Halbwaise gsi si? Wie gohts eus hüt, fascht fünf johr spöter, drmit? Was macht eus am meischte Müeh? Wie cha s Umfeld unterstütze? Wie lauft sone Truurprozess ab? 
Falls nach em Lose no Froge uftauche: gern e DM schicke.
Take care!

"weder übel no hart" uf Instagram:
@annauebelhart
@larauebelhart

Hallo ihr Hübsche! Schön, dass dr wieder dri loset.

Hüt hei d Anna und ich e netti Plauderrundi über s Erwachsewerde ufgnoh. Zimlich spontan und vilicht e bitzeli verpeilt hemmer drüber gredet, was  für eus zum Erwachsewerde drzue ghört und wie mir eus in dem ganze Prozess selber schlönd. S Ganze isch no chli mit ritualtheoretische Konzept us mim Kulturanthro-Studium agricheret und mir hei au probiert euch es paar Tipps für euri eigeni "Adulting-Journey" mitzgeh. Wie immer freue mir eus über e Ustusch mit euch! :)

"weder übel und hart" uf IG: 
@annauebelhart
@larauebelhart

You ask, we deliver. Mir präsentiere euch hüt die gwünschti Zwillingsepisode mit eurne Froge, wo mir spontan und ehrlich beantwortet hei. Es isch thematisch e bunte Mix: Ifersucht, Gedankeüberträgig, Gossip, Sexualität und und und. Als chlini Hilf heimer euch die einzelne Froge inkl. Timestamps usegschriebe. Ihr sid aber natürlich sehr gern drzue iglade, euch die ganzi Episode z gönne, damit dr die ufregendschte Antworte au uf kei Fall verpasset. Grosses Merci für dr Ustusch, s Feedback und, nid z vergesse, die aregende Froge. Mir hei eus beschtens unterhalte gfühlt und hoffe jetzt, dass es euch au so goht. Enjoy!

Timestamps:

00:00-03:40: Begrüessig und Bezug uf die letschti Folg zum Thema Selfcare
03:50: Wo sind ihr euch ähnlich, wo verschide?
07:39: Sinder ame ifersüchtig ufenand?
08:28: Chönnet ihr euri Gedanke lese? Denket ihr s gliche?
09:54: Hend ihr euch scho moll für die anderi usgeh?
11:21: Sind ihr eieiig? Und gspürt me, wenn sich dr ander Zwilling nit guet fühlt?
15:04: Hend ihrs scho als störend empfunde, nit als individuell wohrgnoh zwerde? Wie gönget ihr drmit um, eure eigeni Weg z finde?
19:22: Wie isches gsi, wo d Anna uszoge isch?
24:46: Wie gsehts us mit Konkurrenz zwüsche euch?
29:45: Ischs in dr Chindheit schwierig gsi, sini eigene Interesse z verfolge?
31:29: Hend ihr jemols Minderwertigkeitskomplex gha, wills euch zweimoll git?
33:22: Was isch euri Meinig zu Zwilling, wo sich glich ahziehnd?
37:35: Stöndet ihr ufe glich Typ Mensch? Isches komisch für euch, dass ihr beidi au uf Fraue stöndet?
41:17: Wie sit ihr drmit umgange, wo eini vo euch e Beziehig gha het? Het sich öpis zwüsche euch gänderet?
43:14: Falls es Downsides git, was wär eurer Meinig noch s Blödschte am Zwilling si? Was s Beschte?
47:23: Erkennt d Face-ID euch als glichi Person?
51:24: Abschluss

"weder übel no hart" uf Instagram:
@annauebelhart
@larauebelhart

Herzlich willkomme zunere neue Folg vo "weder übel no hart". Und in dere gohts jetzt au inhaltlich moll chli ab. In dere knappe Halbstund rede mir über s grosse Thema "Selfcare". Das Wort wird mittlerwile sehr oft benutzt und euserer Meinig noch teilweis auch chli missbrucht. Mir verzelle euch hüt, was mir unter Selfcare verstönde, wie eusi persönlichi Selfcare usgseht und gebe euch au es paar einfachi Tipps, wie ihr euch öpis Guets chönnet due.  Usserdem erkläre mir, wieso Selfcare überhaupt wichtig isch und wieso sich jedi Person drmit sött usenandersetze. Mir hoffe euch gfallt die Episode und freue uns au das Mol über e rege Ustusch. 

"weder übel no hart" uf IG:
@annauebelhart
@larauebelhart

Es isch endlich so wit! Eusi allererschti Episode isch online. Mir starte mitere Intro-Folg, in dere mir eus eifach moll bitz vorstelle und vor allem au erkläre, was "weder übel no hart" überhaupt söll und will. Mir hei eus fescht zemmegrisse, nid z viel ume heisse Brei zrede und s möglichscht churz z halte, will Qualität>Quantität. Nöchscht Moll starte mir denn richtig dri und denne gits au meh und spannendere Inhalt, versproche. Aso, möchet euch e starke Kaffi oder e heisse Tee und machets euch bequem oder nehmet eus mit ufe Spaziergang und gönnet euch die churzi und knackigi Episode. 

"weder übel no hart" uf Instagram:
@annauebelhart
@larauebelhart