Ons kyk aan die hand van twee luisteraarsbriewe na wat jou te doen staan as die mense om jou jou sielkundige toestand of diagnose teen jou gebruik. Wat kan jy byvoorbeeld doen as werkgewers jou met afdanking dreig as gevolg van jou gediagnoseerde depressie, of wanneer jou ma jou selfbeeld afbreek nadat jy gediagnoseer is met skisofrenie.

Die wet het verander, en nou mag jy jou seksuele molesteerder, na soveel jare as waarmee jy gemaklik voel, aankla. Ongelukkig is daar diegene wat graag hierdie stap wíl neem, maar te bang is vir die implikasies daarvan. Louis Awerbuck en Lise Swart bespreek 'n vraag van 'n luisteraar wat juis hieroor handel. Moet sy haar seksuele molesteerder na 32 jaar aankla?

Wat het die volgende vrae in gemeen? 1. Wat maak 'n persoon uniek? 2. Wat is die simptome van Alzheimer's? 3. Hoe forseer ek my man om sy medikasie te neem? 4. Hoe weet ek wie ek is? Louis Awerbuck en Lise Swart beantwoord díe vraag, maar ook 'n verskeidenheid vrae deur die luisteraars.

Het tieners wat hul eie lewens wil neem as gevolg van hul seksualiteit, en afwesige pa-figure iets in gemeen? Lise Swart en Louis Awerbuck beantwoord díe vraag aan die hand van twee luisteraarsbriewe.

Hoekom verduur slagoffers van mishandeling die emosionele en fisieke pyn? Wat keer hierdie slagoffers om nie hulle lewensmaats aan te kla nie? Luister na Susan (skuilnaam) se verhaal van jare se emosionele, fisieke en seksuele mishandeling deur haar groot liefde - haar man. Waarskuwing: die inhoud van Susan se storie mag sensitiewe luisteraars ontstel.

Wat veroorsaak depressie? Is medikasie nodig? Diagnoseer dokters te maklik depressie? Mag jy 'n depressie-diagnose ignoreer as jy voel dis onwaar?

Ons almal ervaar druk van die lewe. Sommige van ons kry dit reg om hierdie spanning en angstigheid vining te verwerk. Ander sukkel jare lank, en baie van ons ignoreer dit. Wat is die langtermyn implikasies as mens die tekens ignoreer?

Louis en Lise bespreek twee luisteraarsbriewe wat handel oor paartjies wat as gevolg van omstandighede, steeds hulle spasie en tyd moet deel nadat hulle verhoudings beëindig is.

Voel jy hulpeloos, of dalk hopeloos? Hoe lank voel jy al so? Net vandag, die afgelope week, of dalk al jare? Louis en Lise kyk na die verskil tussen hulpeloosheid en hopeloosheid, waar depressie in die prentjie inpas, en hoe jy kan terugveg.

Ons hoor gereeld hoe ouers kla oor hoe moeilik of geheimsinnig hulle tieners is, maar hoe ervaar tieners hulle ouers? Louis en Lise bespreek twee briewe van tieners, wat handel oor algemene situasies oor tiener-ouer-verhouding.