የዓለም ዜና

በሱዳን በምትገን የዲሊንጅ ከተማ በሚገኝ አንድ ሆስፒታል በተፈጸመ የድሮን ጥቃት 7 ስቪሎች መገደላቸውን የሆስፒታል ምንጮች አስታወቁ። የእስራኤል ጦር በደቡብ ሊባኖስ «በኢራን ይደገፋል» ያለው የሒዝቦላህ አባላት ናቸው ያላቸውን 3 ታጣቂዎች መግደሉን አስታወቀ። በአውስትራልያ ቦንዲ በተበለ የባሕር ዳርቻ 2 ጠመንጃ የታጠቁ ግለሰቦች ዘመናት ያስቆጠረውን ባሕላዊ ክብረበ ዓላቸውን ሲያከብሩ በነበሩ ይሁዲዎች ላይ ዛሬ በፈጸሙት የተኩስ እሩምታ ቢያንስ 12 ሰዎች መሞታቸውን ተሰማ።

የኢትዮጵያ እና የኤርትራ “ሉዓላዊነት፣ ነጻነት እና የግዛት አንድነት እንዲከበር” ብሪታኒያ እና ቱርክን ጨምሮ አምስት ሀገራት በጋራ ጥሪ አቀረቡ። ሁለቱ ሀገራት “ማንኛውንም ውጥረት ወይም አለመግባባት በሰላማዊ እና በዲፕሎማሲያዊ መንገድ እንዲፈቱ” የአውሮፓ ኅብረት ጠይቋል። ኤርትራ ከምሥራቅ አፍሪካ የልማት በይነ-መንግሥታት ድርጅት አባልነት ራሷን ለማግለል ያሳለፈችው ውሳኔ እንዳሳዘናት ጅቡቲ አስታወቀች። ርዋንዳ በምሥራቃዊ ዴሞክራቲክ ሪፐብሊክ ኮንጎ የወሰደችው እርምጃ በዶናልድ ትራምፕ አሸማጋይነት በዋሽንግተን የተፈረመውን የሰላም ሥምምነት እንደሚጥስ የአሜሪካ ውጭ ጉዳይ ሚኒስትር ማርኮ ሩቢዮ አስታወቁ።

-ዶይቸ ቬለ (DW) ሁለት ዘጋቢዎቹ በኢትዮጵያ መገናኛ ብዙኀን ባለሥልጣን በቋሚነት መታገዳቸውን አጥብቆ ተቃወመ። ሰባቱ ጋዜጠኞች ስራቸዉን ቀጥለዋል።

-ኢትዮጵያና ኤርትራ አንዳቸው የሌላውን የግዛት አንድነት እንዲያከብሩ የተመድ አሳሰበ። በሁለቱ ሀገራት መካከል“እንደገና የተቀሰቀሰዉ አዲስ ውጥረት” እንዳሳሰበውም ገልጿል። በሌላ በኩል ኤርትራ እራስዋን ከኢጋድ አባልነት አገደች።-የትራምፕ አስተዳደር በዩናይትድ ስቴትስ ለሚኖሩ ኢትዮጵያዉያን ህጋዊ መኖርያ ፈቃድን በግዚያዊነት ማገዱን አስታወቀ።-ጀርመን በሰሜን ኢትዮጵያን ለሰላም ግንባታ፣ ለማረጋጋት እና ለግጭት መከላከል ጥረቶች የሚውል ተጨማሪ የ5 ሚሊዮን ዩሮ ድጋፍ አደረገች።

ጋዜጠኛ እዮብ ሽመልስ በአስቸኳይ እንዲፈታ CPJ ጠየቀ፤ ከ400 በላይ ንፁሀን ዜጎች በምስራቃዊ ዴሞክራቲክ ሪፐብሊክ ኮንጎ ተገደሉ፤ ዩናይትድ ስቴትስ የደቡብ ሱዳንን መንግሥትን አስጠነቀቀች፤ በክሮኤሺያ-ቦስኒያ ድንበር አቅራቢያ ጀልባ ሰምጣ ሶስት ስደተኞች ሞቱ፤ ዩናይትድ ስቴትስ ነዳጅ የጫነች የቬንዙዌላ መርከብ በቁጥጥሯ ስር አዋለች፤በዩክሩን ሰው አልባ አይሮፕላኖች የሩሲያ አይሮፕላን ማረፊያዎች ስራ ተስተጓጎለ

በከባድ የሙስና ወንጀል ጥፋተኛ ሆነው የተገኙት የኢትዮጵያ አደጋ ስጋት ሥራ አመራር የቀድሞ ኮሚሽነር አቶ ምትኩ ካሣ የ13 ዓመት እስራት ተፈረደባቸው።

በዓለም የሰብዓዊ መብቶችን ለማስከበር የሚውለው የገንዘብ ድጋፍ እየቀነሰ፤ ፀረ መብት ለሆኑ እንቅስቃሴዎች የሚደረገው የገንዘብ ድጋፍ እየጨመረ መሆኑን የተመድ አመለከተ።

ሩዋንዳ ዴሞክራቲክ ኮንጎ እና ቡሩንዲ ሆን ብለው የሰላም ስምምነቱን እየጣሱ ነው ስትል ከሰሰች። ዴሞክራቲክ ኮንጎ በበኩላ ዩናይትድ ስቴትስ ሩዋንዳን አደብ ታስገዛልኝ ብላለች።

ሩሲያ የአሜሪካው ፕሬዝደንት ዶናልድ ትራምፕ ከምዕራብ ሃገራት መሪዎች ብቸኛው የሰብአዊ መብቶች ጉዳይ የሚገዳቸው መሪ ናቸው አለች።

ኢትዮጵያ የተመድ የሰብዓዊ መብቶች ም/ ቤት ምክትል ፕሬዚዳንት ሆና መመረጧ፤

ከአማራ ፋኖ ሕዝባዊ ድርጅት አፋሀድ ሰብሳቢ እስክንድር ነጋ የተደረገ ቃለ መጠይቅ ፤

ብሔራዊ የምርጫ ቦርድ የመጪውን ምርጫ ቀን ይፋ ማድረጉ

አፋሕድ ከመንግስት ጋር ተደራደረ መባሉን የድርጅቱ ዋና ሰብሳቢ አቶ እስክንድር ነጋ ውድቅ አደረጉ፤ አ.አ፥ በኢትዮጵያ 7ኛው ጠቅላላ ምርጫ የሚከናወንበት ቀን ይፋ ሆነ፤ ፓሪስ፥ በጎርጎሪዮሱ 2025 በርካታ ጋዜጠኞችን በመግደል እሥራኤል ቀዳሚ ናት፤ ሞቃዲሹ፥ ሶማሊያ ውስጥ ድርቅ በዐሥር ሺህዎችን ለስደት መዳረጉ ተገለጠ፤ ኪዬቭ፥ ዩክሬን እና የአውሮጳ ኅብረት የተጣራ የሰላም እቅድ ለአሜሪካ እንደሚያቀርቡ ዐሳወቁ፤ ኮሎኝ፥ አንጋፋው ጋዜጠኛ ቦጋለ መኩሪያ ከዚህ ዓለም በ85 በሞት ተለየ፤

አርስተ ዜና፤ የጀርመኑ የውጭ ጉዳይ ሚኒስትር ዮሃን ቫዴፑል የቻይና መንግስት በዩክሬን ያለውን ጦርነት እንዲያቆም ሩሲያ ላይ ጫና እንዲያደርግ ጠየቁ። ቻይናን የሚያህል በሩሲያ ጫና ሊያደርግ የሚችል ሌላ ምንም አይነት ነገር የለም ሲሉ ቫዴፑል ወደ ቤጂንግ ከማቅናታቸዉ በፊት ተናግረዋል። የ20ኛው የብሔር ብሔረሰቦች ቀን በሆሳዕና ከተማ ጠ/ሚ ዶ/ር ዐቢይ አሕመድ በተገኙበት በደማቅ ተከበረ። በሚቀጥለዉ ዓመት እለቱን ጅማ ከተማ እንድታስተናግድ ተመርጣለች። የሶሪያው አምባገነን በሽር አል አሳድ ከስልጣን ከተወገዱ ዛሬ አንድ ዓመት ሞላቸዉ። በሱዳን የሰው አልባ አውሮፕላን 63 ህጻናትን ጨምሮ 114 ሰዎች ተገደሉ።

የዛሬው የዓለም ዜና፤ በቤኒን መፈንቅለ መንግስት መክሸፉን እስራኤል ከሃማስ ጋር ወደ ሁለተኛው ምዕራፍ የተኩስ አቁም ስምምነት እደምትሸጋገር መገለፁን፣ጀርመን በእስራኤል ታሪካዊ ሃላፊነት አለባት ሲሉ መራሄ መንግስት ፍሬድሪሽ ሜርዝ መግለፃቸውን፣ እንዲሁም ሩሲያ ፤በዩክሬን ክሬሜንቹክ ከተማ የአየር ጥቃት መፈፀሟ የሚያስቃኙ ዜናዎችን አካቷል።

ዩናይትድ ስቴትስ በኢትዮጵያ፣ ኤርትራ እና ሶማሊያ መካከል “አዲስ ግጭት እንዳይቀሰቀስ መከላከል” ላይ ማተኮር እንዳለባት የፕሬዝደንት ዶናልድ ትራምፕ አስተዳደር ይፋ ያደረገው የብሔራዊ ደሕንነት ፖሊሲ ሰነድ አሳየ። ኢትዮጵያ ከመጪው ሰኞ ጀምሮ የማርበርግ ቫይረስ የሙከራ ክትባት መስጠት ልትጀምር ነው። የሱዳን ፈጥኖ ደራሽ ኃይል በድሮን በፈጸመው ጥቃት 33 ሕጻናትን ጨምሮ 50 ሰዎች መገደላቸውን የሐኪሞች ቡድን አስታወቀ። በደቡብ አፍሪካ በርካታ ተጠርጣሪዎች በከፈቱት ተኩስ ሕፃናትን ጨምሮ 11 ሰዎች መገደላቸውን ፖሊስ ገለጸ። የጀርመን መራኄ መንግሥት ፍሬድሪሽ ሜርስ ወደ እስራኤል እና ዮርዳኖስ አመሩ።