【阿门粤语课零基础版第114期】

今日词语/句子：

讲嘢太细声，顶多都系令到听你讲嘢嗰个人唔妥你，但系讲嘢太大声，就会令到成屋人唔妥你。只有动物先至用呼喊去令自己听起身更加有力量，而人类咁样做，只不过系证明紧自己冇存在感。

今日俗语 ：

一身蚁

【阿门粤语课零基础版第113期】

今日词语/句子：

嗌交系人之常情，每个人都有自己嘅价值观同埋利益点，但系嗌交有一个底线，就系唔好攻击人哋嘅人生立足点。例如有个人摆到明中意某个明星，咁哩个明星其实就相当于佢对自我嘅一种投射，你去侮辱佢嘅偶像，其实相当于叫佢去死。

今日俗语 ：

牛噍牡丹

【阿门粤语课零基础版第112期】

今日词语/句子：

与其晒气力去固守嗰啲令你同其他人一样嘅事情，咁样不如，去寻找嗰啲令你睇上去唔一样嘅事情啦。

今日俗语 ：

观音兵

【阿门粤语课零基础版第111期】

今日词语/句子：

冇知识冇见解冇幽默感，哩啲可能要等一段时间先可以改进。但系对生命里面出现嘅人，事，物，怀抱热情同深感兴趣，哩个係你一念之间就可以改变噶。

红楼梦入面完全未见过世面嘅刘姥姥，係乡下突然间嚟到锦衣玉食嘅大观园。哩样又惊讶，嗰样又惊讶，搞到好似太后咁嘅老祖宗史太君好开心。哩个唔系因为刘姥姥嗰把咀有几甜，而系因为佢嘅热情充满感染力。

今日俗语 ：

姐手姐脚

【阿门粤语课零基础版第110期】

今日词语/句子：

说话功底强，相当于绽放系夜空中嘅烟花；而比较无人注意嘅倾听能力，就好似透明嘅空气。虽然烟花绽放嘅时候，冇人会去留意空气，但系如果冇空气，烟花无论点样都点唔着，更加冇可能绽放。

今日俗语 ：

神仙肚

【阿门粤语课零基础版第109期】

今日词语/句子：

我同老板讲，点解你哩条香肠贵过火车站嘅一蚊鸡，系咪以为我好虾？老板立即送多咗条香肠比我。以暴制暴，其实都系响度折磨紧弱者啫。

今日俗语 ：

打荷包

【阿门粤语课零基础版第108期】

今日词语/句子：

对于好多人嚟讲，朋友摞嚟揾笨，老婆摞嚟生仔。任何一段感情，一段关系，当你摆佢系天平上面秤下值唔值嘅时候，其实就已经变晒质。

今日俗语 ：

风水佬呃你十年八年

【阿门粤语课零基础版第107期】

今日词语/句子：

系人群入面静鸡鸡唔出声嘅，往往系幕后渣Fit嘅。岳到个头高高嘅，内心其实好鬼死自卑，吓两吓就滕晒鸡。带晒金链，下下食中华嘅，玩下手可能底裤穿窿。

今日俗语 ：

晒月光

【阿门粤语课零基础版第106期】

今日词语/句子：

讲嘢有纹有路嘅关键就系，有头有尾。特别系宜家哩个浮躁嘅社会，大部分人其实冇咩耐心去慢慢听你噏乜。所以你讲嘢最好先讲结论，再陈述理由。

今日俗语：

口水多过茶