ከትናንት በስተያ የተገደሉት የኦሮሞ ነጻነት ግንባር ፖለቲከኛ በቴ ዑርጌሳ ስርዓተ ቀብር ዛሬ በትውልድ ከተማቸው መቂ ተፈጸመ። በትግራዩ ጦርነት ወቅት ሞተዋል ተብለው ቤተሰቦቻቸው የተረዱ የመከላከያ ሠራዊት አባላት ፣በቀይ መስቀል በኩል ከቤተሰቦቻቸው ጋር በስልክ መገናኘታቸውን ቤተሰቦቻቸው ለዶቼቬለ ተናግሩ። እነዚህና የኢትዮጵያ የውኃ መማክርት ጥሪ፣ የአውሮጳ ፓርላማ ያጸደቀው አዲስ የፍልሰት ሕግ እንዲሁም የአሜሪካን ፕሬዝዳንታዊ ምርጫ ዘመቻ በጆርጅያ የዓለም ዜናን የሚከተለው የዜና መጽሔት የሚዳስሳቸው ጉዳዮች ናቸው።

የዛሬው የዜና መጽሄት በአመዛኙ የኢድ አልፈጥር ክብረ በዓል ላይ ያተኩራል። አምስት ልዩ የበዓል ዘገባዎችን ከአዲስ አበባ፣ ከአማራ ክልል የተለያዩ ተፈናቃዮች፤ ከመቐለ እና ከሐዋሳ፤ አካተናል። በኢትዮጵያ ሙዚቃ ጉልኅ አሻራ ያሳረፈውን የሙሉቀን መለሰን ሕልፈተ ሕይወት የሚመለከት ቅንብርም አለን ።