የኦሮሚያ ክልል በአዲስ አበባ በስድስት ሄክታር መሬት ላይ ሊያስገነባ ያቀደውን ዘመናዊ ቤተመንግስት ግንባታ በይፋ ማስጀመሩን አሳውቋል፡፡ በቤተ-መንግስቱ ግንባታ ዙሪያ በድጋፍም በተቃውሞም አስተያየቶች እየተሰጡ ናቸው፡፡ ተቃውሞአቸውን ከገለጹት መካከል የገዢው ብልጽግና ፓርቲ አባልና የሰላም ሚኒስትር ዴኤታ አቶ ታዬ ደንደአ ይገኙበታል፡፡

በትግራይ የሚንቀሳቀሱ 72 ሲቪል ማሕበራት ዓለምአቀፍ ሰብአዊ እርዳታ ለጋሽ ድርጅቶች ለትግራይ ያቀርቡት የነበረዉን የምግብ እርዳታ እንዲጀምሩ ጥሪ አቀረቡ። ሲቪል ተቋማቱ በትግራይ እርዳታ ላይ የተፈፀመ ስርቆት ካለ እንዲጣራ እና ጥፋተኞች ለሕግ ሊቀርቡ ይገባል፤ ለትግራይ እርዳታ ያቆሙ ለጋሽ ተቋማትም ውሳንያቸውን ደግመው እንዲያጤኑ ጠይቀዋል።

የፌደራል የመንግሥት ጽንፈኛ ያላቸው ሃይሎች ላይ የሕግ ማስከበር እርምጃውን አጠናክሮ እንደሚቀጥል አስታወቀ። አንዳንድ ወገኞች እና ፖለቲከኞች እንደሚሉት ግን በኢትዮጵያ ዘለቄታዊ ሰላም እንዲሰፍን ሁሉም ኃይላት ወደ ምክክር የሚመጡበት መንገድ ላይ በትኩረት መሰራት አለበት።

በቅርቡ በትግራይ ዳግም ትምህርት ቢጀመርም በርካታ ተማሪዎች ደብተር፣ እስክርቢቶ፣ መፅሐፍ የመሳሰሉ የትምህርት መሳርያዎች እጦት እየተቸገሩ ነው። በጎ ፍቃደኛ የማሕበራዊ ሚድያ ተጠቃሚዎች፥ በትግራይ ለሚገኙ ህፃናት ተማሪዎች ከሰላሳ ሺህ በላይ የመማርያ ደብተር እንዲሁም ሌሎች ቁሶችን በዘመቻ አሰባስበው ለክልሉ ትምህርት ቢሮ አስረክበዋል።

ከኮቪድ 19 ጋር ተያይዞ የወጣው የስደተኞች እገዳ መነሳቱን ተከትሎ አሜሪካ በስተኞደተኞች ማዕበል ቀውስ ውስጥ ገብታለች። ችግሩ ከድንበር ከተሞች አልፎ ሌሎች ግዛቶችንም የተለያዩ ቀዉሶች ውስጥ እየጨመረ መሆኑ ተገልጿል። የጆ ባይደን አስተዳደርም ሆነ የህግ አውጪ አካላት ችግሩን በዘላቂነት ለመፍታት የሚያስችል የጋራ መግባባት ላይ አልደረሱም።