የሰሜን ሸዋ ዞን አስተዳደር«አጣየን ለማጥቃት የተዘጋጀ እና የተደራጀ ኃይል በኦሮሞ ብሔረሰብ አስተዳደር ውስጥ አለ» ይላል።በአማራ ክልል የኦሮሞ ብሔረሰብ አስተዳደር ደግሞ በዞኑ የተደራጀና የታጠቀ ኃይል ፈፅሞ የለም ባይ ነው።ካለፈው ቅዳሜ ጀምሮ በሰሜን ሸዋ ዞን አጣየ አካባቢ በተፈጠረው ግጭት 8 ሰዎች መገደላቸውና 13 መቁሰላቸው ተነግሯል፡፡

የቦርዱ ሰብሳቢ ወይዘሪት ብርቱካን ሚዴቅሳ መጪው ምርጫ በራሳችን ሲቪል ማህበራት ሊገመገም ይገባል ብለዋል።ሆኖም የምርጫ ጉዳይ ተንታኝ ለዶቼቬለ እንደተናገሩት ምርጫውን እንዲታዘቡ የሚፈለጉ የሲቪል ማህበራት አቅም አናሳነት እና  በምርጫው የሚሳተፉ የፖለቲካ ፓርቲዎች እንደ ልብ መንቀሳቀስ አለመቻል የምርጫውን ስራ  ከባድ እንደሚያደርገው ጠቁመዋል።