የዜና መጽሔት ዝግጅታችን

የኦሮሚያ ፕሬዚዳንት የአቶ ሽመልስ አብዲሳ የሰላም ጥሪ፣

የአውሮፓ ህብረት የሰብዓዊ መብት ተሟጋቾች የሰጠው ሽልማት ፣

ዓረና ትግራይ በክሉ ለሚታየው ሕገወጥ የመንግስት ባለስልጣናትን መወቀሱን፤

እንዲሁም የቀድሞው አሜሪካው ፕሬዚዳንት ዶናልድ ትራምፕ በተከሰሱባቸው 34 ክሶች ጥፋተኛ መባላቸውን የሚያስቃኙ ዘገባዎችን አካቷል

የቀድሞው የአሜሪካ ፕሬዝዳንት ዶናልድ ትራምፕ በኒዮርክ በቀረቡባቸው 34 የክስ መዝገቦች ሙሉ በሙሉ ጥፋተኛ ተባሉ። ውሳኔው የተሰጠው ከዚህ ቀደም ባሸነፉበት ምርጫ ከትዳራቸው ውጪ የነበራቸው ግንኙነት እንዳይታወቅ አፍ ማስያዥያ ገንዘብ በመስጠትና፣ የተጭበረበረ የሂሳብ ሰነድ ከማዘጋጀት ጋ በተያያዘ በቀረቡባቸው ክስ ነው።

የአውሮፓ ኅብረት ልዑክ በኢትዮጵያ "ሹማን" የተባለውን ሽልማት ለመጀመሪያ ጊዜ ለስምንት ኢትዮጵያዊያን የመብት ተሟጓች ግለሰቦች እና ድርጅቶች ሸለመ። ከተሸለሙት መካከል የኢትዮጵያ ሰብዓዊ መብቶች ኮሚሽን ዋና ኮሚሽነር ዶክተር ዳንኤል በቀለ እና የኢትዮጵያ የሰብአዊ መብቶች ተሟጋቾች ማእከል ዋና ዳይሬክተር አቶ ያሬድ ኃይለማርያም ይገኙበታል።

በኦሮሚያ ሰላም እንዲሰፍን እና የክልሉ ህብረተሰብ ወደ ሰላማዊ እና የተረጋጋ ህይወት እንዲመለስ የኦሮሚያ ክልል ርዕሰ መስተዳድር ሽመልስ አብዲሳ አሳሰቡ፡፡ርዕሰ መስተዳድሩ በይፋዊ ማህበራዊ ገጻቸው ባስተላለፉት ዘለግ ያለ ፅሁፍ ህገወጥነት የሚያስተዳድሩትን ክልል መፈተኑን ጠቁመዋል፡፡

በትግራይ በሴቶች ላይ የሚፈፀሙ ጥቃቶች እና ግድያ እንዲሁም ሕገወጥ የማዕድናት ማውጣት እና ዝውውር ተግባራት መንሰራፋታቸው በክልሉ በተቃዋሚነት የሚንቀሳቀሰው ዓረና ትግራይ ለሉአላዊነት እና ዴሞክራሲ አስታወቀ። በእነዚህ ወንጀሎች ላይም የመንግስት ባለስልጣናት ተሳትፎ አለ ሲል ዓረና ከሷል።

በአማራ ክልል ምዕራብና ምስራቅ ጎጃም ዞንች በሚገኙ አንዳንድ አካባቢዎች ሰሞኑን በኢትዮጵያ መከላከያ ሰራዊትና በፋኖ ታጣቂዎች መካከል ውጊያ መደረጉን ነዋሪዎች አስታወቁ።ዉጊያዉ ዛሬም መቀጠሉን ነዋሪዎቹ ተናግረዋል።በትግራይ ክልል 4 ነጥብ 5 ሚልዮን ሕዝብ የምግብ እርዳታ እንደሚሻ የክልሉ አደጋ ስጋት ስራ አመራር ኮምሽን አስታወቀ።ከዕርዳታ ፈላጊው ለ3 ሚልዮን ዜጎች ዓለምአቀፍ ተቋማትና ሌሎች አጋዦች እርዳታ እየቀረበ ቢሆንም የተቀሩት 1 ነጥብ 5 ሚልዮን ግን አሁንም ያለ ምንም ድጋፍ ችግር ላይ መሆናቸው ተገልጿል።

DW Amharic በዚህ ዝግጅታችን

የኢትዮጵያ መንግሥት የአስቸኳይ ጊዜ አዋጁን እንዲያነሳ መጠየቁ ፤

በራያ አላማጣ አካባቢዎች እየተከሰተ ያለዉ አፈና መዋከብ፤

የግንቦት 20 አዎንታዊ እና አሉታዊ ፍሬው ስታወስ፤

የመንገድ መዘጋት በምዕራብና በምስራቅ ጎጃም ዞኖች እንዲሁም

የአዉሮጳ ህብረት የዉጭ ጉዳይ ሚኒስትሮች በጋዛ ጉዳይ ላይ ስለመምከራቸዉ የተሰኙ ርዕሶችን እናስተነትናለን።