【怎樣去愛人馬座】最新一集如何愛系列，三位主持會分享三招秘訣，教你點樣捉住呢隻自由奔放嘅人馬座！第一係要識「放養」！唔好成日問佢去邊、同邊個，更加唔可以講「你唔應該咁做」，一講就玩完！第二係要「同佢癲」！人馬座最愛冒險同吹水，人馬座想去跳笨豬跳？就算你驚高都要扮勇，鼓勵佢自己去跳！第三你要做個「神秘獵物」！人馬座天生係獵人，你追得太急佢即刻走！要保持有趣、層次豐富，慢慢俾佢發掘你嘅不同面，佢先會主動走埋嚟追你！