کچھ عرصہ قبل ذکر کتاب کے چینل پر ہم نے ایک تعارفی پروگرام ڈالا تھا جو دکن کی غیر مطبوعہ تاریخ کے بارے میں ایک آنے والی کتاب کے بارے میں تھا آج یہ اس کتاب پر اس کتاب کو شائع کرنے والے قاضی مظھر الدین صاحب پر مکمل پروگرام ہے جس کا دورانیہ 30 منٹ ہے

اس کتاب کو تحریر کیا تھا حیدرآباد دکن کے ایک وکیل جناب بدرالدین صاحب نے جسے قلمی نسخے کی مدد سے کمپوز کر کے طبع کرونے کا اعزاز ملا ہے ان کے پوتے جناب قاضی مظھر الدین طارق صاحب کو

اس کتاب کے سلسلے میں ہم نے ذکر کتاب کے لیئے قاضی مظھر الدین صاحب کا تفصیلی انٹرویو ان کے گھر جا کر کیا جہاں ان کی لائبریری اور اس میں موجود قدیمی مخطوطات کو دیکھنے کا بھی موقع ملا قاضی مظہر صاحب خود کئی صلاحیتوں کے مالک ہیں وہ ایک اچھی ادیب بھی ہیں اور بہت اچھے آرٹسٹ بھی ہمیں ان کے گھر ان کی گیلری میں آیل پینٹنگ سے لے کر فائبر گلاس تک میں تیار کیئے ہوئے ان کے آرٹ کے نمونوں کو دیکھنے کا موقع ملا جس کی وہ کسی دور میں سولو نمائش کیا کرتے تھے قاضی صاحب کی اپنی چار کتابیں شائع ہو چکی ہیں جس میں بچوں کے ناول اور سائنس فکشن تک شامل ہیں ان کتابوں کی کمپوزنگ اور اس میں موجود تصویری خاکے اپنے ہاتھ سے بنا کر قاضی صاحب نے اپنے ہاتھ سے بنا کر اپنے ان بزرگوں کی یاد کو زندہ کر دیا جو اپنے مخطوطے اپنے ہاتھ سے لکھتے تھے اور ان مخطوطوں میں رنگین تصاویر اپنے ہاتھوں سے بناتے تھے قاضی صاحب کے گھرانے کا پرانا تعلق علم و ادب سے ہے اگر ان کے قدیم بزرگوں کا ذکر چھوڑ بھی دیا جائے تو خود قاضی صاحب کتابوں سے محبت کرنے والوں اور کتابیں لکھنے والوں کی چوتھی پشت ہے یہ الگ بات کہ قاضی صاحب کے پرانے کتابیں وہ پڑھ نہیں سکتے ہیں کیونکہ وہ کتابیں فارسی زبان۔ میں تھی جس سے برصغیر کے مسلمانوں کی طرح خود قاضی صاحب کا رشتہ ٹوٹ چکا ہے اور۔ وہ زبان اب متروک ہو چکی ہے ادب سے یہ رشتہ اگلی نسل کو بھی منتقل ہو چکا ہے ان کی بیٹی تنزیلہ حسن اور ان کے نواسے اور نواسیوں کی بھی کتابیں شائع ہوچکی ان کی کچھ بیٹیاں اگرچہ اردو میں بھی مضامین لکھتی ہیں لیکن دیکھا جائے تو تنزیلہ حسن نے اپنی انگریزی کتابوں سے شہرت پائی ہے نہ صرف یہ کہ ان کی اور ان کے بیٹوں کی کتابیں انگریزی زبان میں شائع ہوئی ہیں بلکہ تنزیلہ حسن نے جو اشاعتی ادارہ قائم کیا ہے اس کی وجہ شہرت بھی انگریزی زبان میں درجنوں کتابوں کی اشاعت ہے ۔ سچی بات ہے مجھے یہ بات عجیب سی لگی کہ جیسے قاضی طارق صاحب اپنے پردادا کے مخطوطے کو دکھا کر حسرت سے کہتے ہیں کہ کاش مجھے فارسی آتی مجھے نہیں معلوم کہ اس میں کیا لکھا ہے ۔کہیں ایسا تو نہیں چند پشتون کے بعد ان کی اولاد بھی ان کی کتابون کو دیکھ کر حسرت سے کہے گی کہ ہمیں کیا معلوم اس میں کیا لکھا ہے ہمیں اردو نہیں آتی مگر قاضی صاحب نے بتایا کہ ان کی بیٹی نے بہت سوچ سمجھ۔ کر یہ فیصلہ کیا ہے

اس نے انگریزی میں ناول سفرنامے بچوں کی کتابیں اور تربیتی لٹریچر اس لیئے تحریر کیئے اور دوسروں کی انگریزی میں لکھی بچوں کے لیئے کتابیں شائع کرنی شرو ع کی کہ وہ یہ سمجھتی ہیں کہ ہم چاہیں یا نا چاہیں ہماری نئی نسل کے بچے اب اردو سے زیادہ انگریزی کتابیں اور انگریزی ادب پڑھتی ہے ۔ بہت ضروری ہے کہ ان بچوں کو اپنی اقدار کے نزدیک رکھنے کے لیئے انگریزی زبان میں لٹریچر تخلیق کیا جائے تاکہ وہ مغربی لٹریچر کے زیر۔ اثر اپنی ثقافت اور اپنی روایات سے دور نا ہو جائیں ۔ بہت اچھا جذبہ ہے اللہ اس خاندان کو اپنے ارادوں میں کامیابی دے

تاریخ دکن ایک حیرت انگیز کتاب ہے تاریخ کے کئی گوشے اس میں بے نقاب کیئے گئے ہیں اس میں۔ حیدرآباد کے اس نظام کا بھی ذکر ملے گا جسے انگریزوں نے صرف اس لیئے کروادیا کہ وہ چھپ کر انگریزوں کے خلاف مغل حکمرانوں کی مدد کر رہے تھے چنانچہ ان کے قتل کے بعد ان کی جگہہ انگریزوں اس شخص کر نظام حیدرآباد بننے میں مدد دی جو انگریزوں کا وفادار تھا

اس کتاب کا انتظار کیجیئے

غالب کے جعلی خطوط

معروف ادیب اور مزاح نگار  جناب انور احمد علوی صاحب کی۔ کئی کتابیں شائع

جملہ حقوق غیر محفوظ، غالب کا

انکی کتابوں میں ایک نیا اضافہ حال

ایک عام خیال یہ ہے کہ کتابیں پڑھنا کوئی اچھی بات ہے لیکن حقیقت یہ ہے 

کہ کتابیں پڑھنے کے لئے اگر اچھی کتابوں کا انتخاب نہ کیا جائے تو بجائے فائدے کے نقصان کا اندیشہ بھی ہو سکتا ہے  

جب ہم کتابیں پڑھتے ہیں تو کبھی ہم ان سے بہت کچھ حاصل کرتے ہیں  اسے  ہم کماؤ مطالعہ کہتے ہیں 

مگر جب مطالعہ ان کتابون کا کیا جائے جو گھٹیا طریقے سے قاری کے جذبات کو بھڑکاتی ہوں یا کسی طبقے کی خلاف نفرت پھیلاتی ہوں تم ہم میں بھی منفی جذبات پیدا ہوتے ہیں جسے ہم گنواؤں مطالعہ کہتے ہیں  دیکھا جائے تو اکٹر لوگ زیادہ تر بغیر مقصد ذہن میں رکھے اوراق گردی شروع کر دیتے ہیں جس کا مقصد صرف وقت ٹالنا ہوتا ہے اسے ہم ٹالو۔ مطالعہ کہتے ہیں 

اس قسم کے مطالعہ کا حاصل وصول کچھ نہیں ہوتا صرف وقت کا ضیاع ہوتا ہے 

اس کلپ  میں کتاب پڑھنے کے تیس بڑے  فائدے اور دس بڑے نقصانات بتائے  گئے ہیں  کیونکہ اگر کتابیں پڑھنے میں ہمارا مقصد پہلے سے  واضح ہوگا تو یقینا ہم اس میں کچھ حاصل کر لیں گے لیکن اگر ہم صرف وقت ٹالنے کے لیے مطالعہ کرتے ہیں تو اس میں نقصان ہی نقصان ہے

ایک عام خیال یہ ہے کہ چونکہ  لوگوں کو اردو میں امتحانات  خصوصا سرکاری ملازمت کے لئے اردو میں مقابلے کے امتحانات دینے کی اجازت نہیں ملتی ہے لہذا اردو دان طبقہ اچھی ملازمت سے محروم رہتا ہے جبکہ حقیقت یہ ہے کہ معاملہ نہ اردو کا ہے نہ انگریزی کا 

بلکہ نظام تعلیم کچھ ایسا ہے کہ لوگوں کو نہ اردو آتی ہیں نہ انگریزی اور تحریری اظہار دونوں ہی زبانوں میں ان کے لئے کرنا ممکن نہیں شاید اسی لیے جو مقابلے کے امتحانات ہوتے ہیں اس میں امتحان پاس کرنے والوں کی تعداد پورے پاکستان میں صرف دو فیصد بلکہ اس سے بھی کم ہوتی ہے جبکہ یہ امتحانات دینے والے وہ ہوتے ہیں جن کا تعلق ان گھرانوں سے ہوتا ہے جنہوں۔ نے  سولہ سال تک اچھے  انگریزی اداروں میں تعلیم حاصل کی ہوتی ہے وہ  بھی پاس نہیں ہو سکتے ہیں 

اس عام خیال کے برعکس حقیقث یہ بھی ہے کہ  کہ اگر کسی کو اردو آجائے تو وہ اپنی فیلڈ میں بہت کامیاب رہتا ہے  فارن سروس  کے بارے میں کہا جاتا ہے کہ نہ صرف یہ کہ فون سروس اس میں جانے والے لوگ اشرافیہ سے تعلق رکھتے ہیں بلکہ اس میں اچھی پوسٹنگ کی صرف ان لوگوں کو ملتی ہے جو  نیلی آنکھوں والے شہزادے ہوتے  ہیں آج میں اقتباس پیش کر رہا ہوں ایک ایسی کتاب  کا  جس میں کہانی ہے اس شخص  کی جس نے 35 سال سے زائد فارن سروس میں ملازمت کی بہت اچھی اچھی پوسٹنگ لی  پاکستان کے کئی سربراہان مملکت کے ساتھ مل کر کام بھی کیا وہ یہ کہتے ہیں کہ فارن سروس  میری کامیابی کا راز یہ ہے کہ میری اردو بہت اچھی ہے یہ اردو کی کرامت جو کرامت اللہ غوری صاحب کے بیان کی ہے آئیے اس سنتے ہیں

ذکر کتاب یوٹیوب چینل کو سبسکرایب کرنے کے لیئے 

http://YouTube.com/c/zikrekitab?sub_confirmation=1

ذکر کتاب یو ٹیوب اور پوڈ کاسٹ چینلون کی تمام پوسٹوں کے لنکس کے لیئے  پریس کریں    https://rb.gy/hbcayf

فوج اور عدلیہ کے اعلی حکام میں ایک عجیب سا رشتہ پایا جاتا ہےء جس میں ایک دوسرے کے لیئے احترام بھی ہے اور اپنے پیشے کا احساس برتری بھی۔

خاکی سائے کے مصنف جنرل کے ایم عارف  صاحب کے انتقال کر سابق چیف جسٹس پاکستان جناب ارشاد حسن خان نے لکھا کہ

منقول

جنرل ضیاء خوش قسمت تھے کہ جنہیں میجر جنرل عارف کی زندگی بھر کی معاونت ملی ۔انہیں جنرل یحیٰی کے دور حکومت میں مارشل لاء آفیسر کی حیثیت سے کاروبارمملکت چلانے کا تجربہ تھاچنانچہ اس تجربے اور اپنی خداداد صلاحیتوں کے بل پر اُنہوں نے بحیثیت وائس چیف آف آرمی سٹاف ، بنیادی اوراہم کردار ادا کیا اور انہوں نے پیش آمد ہ معاملات و امور کو بہ حُسن و خوبی چلایا انہیں ایک بہت ہی اعلیٰ اور سخت فوجی آفیسر کے طور پر پہچانا جاتاتھا۔انہوں نے اپنے پورے کیرئیر میں کبھی بھی اپنے اخلاق اور اصول پر سمجھوتہ نہیں کیا۔ انکی ممتاز خدمات کے پیش نظر ، انہیں ستارئہ بسالت اور دیگر بہت سے اعلیٰ سول اور فوجی ایوارڈز اور اعزازات سے نوازا گیا۔ ریٹائرمنٹ کے بعد انہوں نے شاعری کی طر ف بھی توجہ مرکوز کی اوروہ اپنی ذاتی سوانح اور فوجی امور سے متعلق تصانیف کے مصنف کی حیثیت سے فوجی مورخ بن گئے۔وہ جنرل ضیاء الحق کے ساتھ سات سال تک رہے۔اس حوالے سے انہوں کتاب ـ"Working with Zia ul Haq"لکھی جو اس دور کی تاریخ کو اجاگر کرتی ہے۔اس کتاب میں جنرل کے ایم عارف نے صاف گوئی سے کام لیتے ہوئے سودو زیاں کی بات کی ہے۔وہ کہتے ہیں:میرا تعلق ایک ایسی نسل سے ہے جو سربلند بھی ہے اور مجرم بھی۔ سربلند اس لیے کہ اس نے آزادی کی جدوجہد میں حصہ لیا اور پاکستان تخلیق کیا اور مجرم اس لیے کہ اپنی نااہلی کی وجہ سے مشرقی پاکستان گنوا دینے کا ’’اعزاز‘‘ حاصل کیا۔ ہماری ناپختگی کی یہ ایک روشن دلیل نہیں تو اور کیا ہے کہ 1971ء کے سانحہ کے صرف چھ سال بعد ملک ایک اور مارشل لا کے گڑھے میں دھکیل دیا گیا۔‘‘

یہ تو تھی ایک جنرل کے ایم عارف کے بارے میں سابق چیف جسٹس سپریم کورٹ کی رائے   خود جنرل صا حب عدلیہ کے ججز کے بارے میں کیا رائے رکھتے تھا یہ آپ کو خاکی سائے میں جسٹس صمدانی صاحب کے بارے میں جنرل کے ایم عارف کی رائے سن کر معلوم ہوگا

اگرچہ کے ایم عارف صا

یہ سچی کہانی ہے نظام حیدرآباد کی آنکھوں کے تارے حیدرآباد کے کمشنر نواب نثار یار جنگ کی اکلوتی بیٹی ے افسر عرف پاشی کی جس نے آنکھ کھولی تو باپ کے بڑے گھر کو ہمیشہ مہمانوں سے بھرا دیکھا۔ جہاں  تین افراد کے خدمت کے لئےبیس تیس مختلف عمر کے لوگ اس لیئے ملازم تھے کہ نواب صاحب کو نوکروں کی نہیں بلکہ ان نوکروں کو نوکری کہ ضرورت تھی  نواب نثار یار جنگ کی اکلوتی بیٹی پاشی کی شادی صرف 15 سال کی عمر می ایک دوری رشتہ دار قمر مقصود سے کردی جو اس وقت کالج میں طالب علم تھاوقت پلٹا اور حیدرآباد دکن کے حالات خراب ہوئے تو حیدرآباد کے نظام نے نواب نثار یار جنگ کو مشورہ دیا کہ آپ اپنے متعلقین کو لے کر پاکستان چلے جائیں یوں چالیس پینتالیس افراد کا قافلہ پانی کی جہاز سے خوابوں کی زمین پاکستان پہنچا۔ یہ اتفاق تھا کہ وہ دو اونٹ گاڑیاں تو جہاز سے سامان اتار کر منزل تک پہنچ گئیں جس پر کتابین لدی تھیں البتہ وہ تیسری اونٹ گاڑی راستے سے غائب ہو گئی جس پر گھر کا قیمتی سامان زیورات اور لڑکیوں کے جہیز لدے تھےنواب صاحب کی غیرت نے گوارہ نا کیا کسی متروکہ جائیداد پر قبضہ کرتے اور کلیم مین اپنے نام لکھواتے اس لیئے کھلے میدان میں خیمے لگا کر سب کے ساتھ مقیم ہوگئے نواب صاحب کا دسترخوان پھر سے وسیح ہوگیا اور حیدر آباد سے آئے لوگوں کے لیئے دیگوں میں کھانا پکنے لگا ۔ پھر ایک دن ایسا ہوا کہ اتنا برسا ٹوٹ کے بادل کے خیمے اڑ گئے سارہ سامان بہہ گیا نواب صاحب کی اولاد پی آئی بی کالونی کے چھوٹے سے کرائے کے کورٹر میں منتقل ہو گئی جس میں نہ بجلی تھی نا پانی تھا ۔ پھر یوں ہوا کہ پاشی بیوہ ہو گئی اس کے شوہر جن سے دس اولادیں تھیں 42 سال کی عمر میں جہان فانی سے کوچ کرگئے پاشی نے اپنے بچوں کی ایسی تربیت کی کہ ان میں سے ہر ایک نے اپنے اپنے میدان میں شہرت کی بلندیوں کو چھو لیا اور یوں وہ گھر این خانہ تمام ہمہ آفتاب است کہ مثال بن گیا ان ہی میں سے ایک انور مقصود بھی تھے جنہین گھر کی دیواروں پر کوئلہ اور چاک سے تصویری بناتا دیکھ کر ان کے پڑوسی مشہور آرٹسٹ شاکر علی نے تصویر کشی میں ان کی لیاقت کو بھانپ کر حوصلہ افزائی کی۔ انور کے شوق کی تکمیل کے لیئے کاشی کی پرانی ساڑھیوں کا پھاڑ کر کینوس بنائے گئے کہ کاغذ خریدنے کے پیسے نا تھے یہ کہانی ہے انور مقصود کی جو لکھی ان کہ اہلیہ عمرانہ مقصود عرف عمو نے جنہوں نے بتایا کہ انور مقصود پاکستان میں اتنے ہی مقبول ہیں جیسے ہندوستان میں فلمی ستارے جہان سے گزرتے ہیں لوگ ان کے مداح انہیں گھیر لیتے ہیں مگر انور اپنے ساتھ کبھی کوئی گارڈ یا ڈارائور نہیں رکھتے ہیں ہمیشہ خود ہی چھوٹی سی گاڑی ڈرائیو کرنے کو ترجیح دیتے ہیں جس کے شیشے پر ٹھک ٹھک سن کر وہ گاڑی کے شیشے اتار کر اپنے مداح سے مسکرا کر مصاحفہ کرتے ہیں ۔یہ کہانی ہے خود عمرانہ مقصود کی جسے اس بات پر فخر ہے کہ اس کے پاس جتنے سونے کے زیورات تھے وہ اپنی بہو اور بیٹی جو تحفے جو بچے وہ بیچ ڈالے اور اب محفلوں میں ہا چاندی کے ورنہ ،ذ،Artificial زیورات پہن کر جاتی ہےیہ کہانی ہے " دوسری ملاقات" کی جس میں۔ انور مقصود کے سوانح حیات بھی ہے اور عمرانہ مقصود اور انور مقصود کی کئی متفرق خوبصورت تحریریں بھی سن 2022 میں مکتبہ دانیال سے چھپنے والی 236 ,صفحات پر مشتمل یہ کتاب عام قاری کو 1200 روپے میں مہنگی لگے گی ۔ مگر !اس کتاب کو پڑھ کر جینے کا جو سلیقہ آتا ہے وہ انمول ہے یہ ان کتابوں میں۔ اے ایک ہے جسے گھر میں نئی روایت کا حصہ بننا چاہیئے کہ ہفتے میں ایک دن سب گھر والے ٹی وی انٹرنیٹ وائی فائی بند کرکے چند گھنٹے ایک ساتھ بیٹھیں چائے کی بھاپ اڑ رہی ہوں درمیان میں مونگ پھلیاں رکھی ہوں اور باری باری کوئی ایک اس کتاب کے اپنے پسندیدہ اوراق پڑھ کر سنائے باقی اسے شوق سے سنیں تاکہ۔بچوں کو معلوم تو ہو کہ زندگی ہے کیا اور اسے گزارہ کیسے جاتا ہے یہ وہ سبق ہیں جو نہ ہمیں کسی تعلیمی ادارے میں ملتے ہیں نا نصابی کتاب میں