ملاقات صادق قلاتی صاحب

بشکریہ کسوٹی جدید پٹنہ بہار

منقول

تعارف و تبصرہ

!!ادھر ڈوبے ادھر نکلے کا تجزیہ

والد مرحوم الطاف پرواز ایک دفعہ فرمانے لگے کہ جب ریٹائر ہو گے تو اپنی یادداشتیں ضرور قلم بند کرنا۔ میں نے ڈرتے ڈرتے کہا، ابا جی لوگ شفیق الرحمٰن اور کرنل محمد خان کو پڑھ چکے ہیں، میری تحریر کو کون گھاس ڈالے گا؟ انھوں نے ایک مختصر بات کی کہ ہر کام کا ایک وقت ہوتا ہے اور ہر کتاب کی پسندیدگی کی کوئی خاص وجہ ہوتی ہے برخوردار۔ جب دو ساتھیوں بریگیڈئر صولت رضا اور کرنل اشفاق حُسین نے ”کاکولیات“ اور ”جنٹلمین بسم اللہ“ لکھیں تو فرمانے لگے دیکھ لو… شفیق الرحمٰن اور کرنل محمد خان کو پڑھنے والے قاری اب ان فوجی مصنفوں کو بھی تو پڑھیں گے۔ کہنے لگے اس میں دیر سویر کا کوئی عمل دخل نہیں۔ تمھارا مشاہدہ جتنا زیادہ ہو گا کتاب اتنی ہی اچھی لکھی جائے گی۔ بس اس بات کا خیال رکھنا کہ تمھاری کتاب کا مواد دیگر تصنیفات سے مختلف ہو۔ ان میں جھلک بھلے محمد خان کی بھی ملے اور ضمیر جعفری کی بھی، بےشک شفیق الرحمٰن بھی نظر آئیں اور صدیق سالک بھی لیکن تحریر سہیل پرواز کی بولے

۔ ہم دل ہی دل میں سوچنے لگے کہ ہمارے بزرگوں جنرل شفیق الرحمٰن اور میجر سیّد ضمیر جعفری نے تو نہایت دانش مندی کا مظاہرہ کیا اور مزاح رقم کرتے سمے فوجی زندگی کو بھاری پتّھر کی طرح چُوم کر چھوڑ دیا۔ رہ گئے بریگیڈئر صدیق سالک تو انھوں نے سیاست کے تڑکے والا تلخ مزاح تحریر کیا اور جس ہنستے مسکراتے صدیق سالک کو ہم نے مشرقی پاکستان بھیجا تھا واپسی پر جب ان کا واہگہ بارڈر پر استقبال کیا تو ان کی مسکراہٹ کو تلخیاں سمیٹے پایا۔ جبکہ بریگیڈئر صولت رضا نے محض کاکول کی صعوبتوں کی دہائیاں دیں اور کرنل اشفاق نے معلم ہونے کے ناتے اپنی تحریروں کو تعلیم و تربیت کا رنگ دیے رکھا۔ آ جا کے رہ گئے ہمارے پیارے اور واجب الاحترام کرنل محمد خان جن کی تحریریں پڑھ کر دل میں اِک ہُوک سی اٹھتی کہ کاش ہم دوسری عالمگیر جنگ کے زمانے میں فوج میں کیوں نہ بھرتی ہوئے۔ موصوف نے اپنی کتابوں ”بجنگ آمد“ اور ”بسلامت روی“ میں باوردی گوری حسیناؤں کا ذکر ایسے کیا کہ کیا کسی نے پولٹری کی حَسین و جمیل اُجلی اُجلی گوری چٹی مرغیوں کا تذکرہ کیا ہو گا۔ ہر دوسرے صفحے پر ایک نئے دل پھینک عشق کا تذکرہ یا اس سے ملتے جلتے جذبات کا اظہار، جنھیں بالفاظِ دیگر ٹھرک پن بھی کہہ سکتے ہیں اور اس کے باوجود موصوف دوسری عالمگیر جنگ کے عذر کو ”دھوئیں کی آڑ“ (Smoke Screen) بنا کریوں صاف بچ کر نکل گئے جیسے کوئی میدانِ جنگ کی سموک سکرین سے نکلتا ہو گا اور ہمارے لیے چھوڑ گئے موجودہ حالات میں ایک ایمان کی دلدادہ فوج پر لکھنا۔ بہت کوشش کی کہ ایک سپاہی کے اس رُخ کو بھی چھیڑا جائے جسے کرنل محمد خان نے یوں بیان کیا جیسے فوج میں کسی بھی افسر کے لیے رنگینیوں اور عشوہ طرازیوں کے جلو میں فرائضِ منصبی ادا کرنا معمول کی بات تھی لیکن ہم ناکام و نامراد رہے۔ تاہم اپنے تئیں پوری کوشش کی ہے کہ کسی بھی افسر کی ذاتی زندگی کے اس گوشے کو بھی اجاگر کریں کہ پاک فوج کا ہر افسر اور جوان معاشرے کے کسی بھی دوسرے نوجوان سے منفرد نہیں اور نہ ہی اس سے یہ توقع رکھی جانی چاہیے کہ پیشہ ورانہ سرگرمیاں اس کے لیے لازم اور دلبرانہ سرگرمیاں شجرِ ممنوعہ ہیں۔

آئی ایس پی آر میں ملازمت کے باوجود میری اس کتاب میں آپ کو کسی غیر پیشہ ورانہ مشغلے کی جھلک نظر نہیں آئے گی کیونکہ ”اباؤٹ ٹرن“ دراصل کسی بھی فوجی کے فوج میں بھرتی ہونے سے لے کر کٹ جمع کرانے یا ریٹائر ہونے تک کی داستان ہے۔ اس کا نوکری پوری کرنے کے بعد گھر آنا، پریڈ کی کمانڈ ”پیچھے پِھر“ یا About turn سے مماثلت رکھتا ہے اور میرا ارادہ بھی اس کتاب کا نام ”پیچھے پِھر“ یا ”اُلٹا پِھر“ رکھنے کا تھا کہ ہمارے زمانے میں یہی کمانڈ چلتی تھی لیکن برادرم بریگیڈیئر صولت رضا کی شدید مخالفت، برادرانہ سرزنش اور ”پیچھے پِھر“ یا ”اُلٹا پِھر“ کی فصیح و بلیغ وضاحتوں کے بعد اس کا نام ”اباؤٹ ٹرن“ رکھنے کا فیصلہ کیا۔ ان کا کہنا تھا کہ پیچھے پھر کمانڈ کی حد تک تو ٹھیک ہے لیکن عام زندگی میں کسی کو پیچھے پھرنے کو کہا جائے تو وہ کہیں کو بھی منہ اُٹھا کر چل سکتا ہے جبکہ ”اباؤٹ ٹرن“ کا مطلب ہے کہ آپ مُڑ کر پھر سے وہیں پہنچ جائیں جہاں سے سفر شروع کیا تھا یعنی… ^

پہنچی وہیں پہ خاک جہاں کا خمیر تھا

فخر  عالم صاحب  خون جگر ہونے تک کے بارے میں لکھتے ہیں  منقول    متحدہ ہندوستان کے بٹوارے کے بعد پاکستان میں جو ناول تخلیق ہوئے ان میں فضل کریم فاضلی کے ناول خون جگر ہونے تک کو خاص مقام حاصل ہے۔ کہانی تقسیم سے پہلے کے بنگال کے غریب دیہاتی زندگی کے اردگرد گھومتی ہے۔ یہ دوسری جنگ عظیم کے بنگالی دیہاتی معاشرے ،قحط مصائب اور سیاسی اور نظریاتی چپقلشوں کی داستان ہے۔ کہانی کا اسٹیج گھوڑا مارا نامی ایک گاؤں ہے جس پر افلاس اور بیماریوں سے دم توڑتے ،انسانوں، گھاؤ کھاتی روحوں اور خود غرضی، لالچ اور بے حسی کی موجوں میں ڈولتا ڈوبتا اخلاقی اقدار کے سفینے کی کہانی سجتی ہے۔ گھوڑا مارا تیسری دنیا کا ایک پسماندہ معاشرہ ہے جو نووارد سیاسی ،سماجی نظریاتی اور فطری تغیرات کا سامنا کرنے کیلئے بالکل بھی تیار نہیں۔ کہانی کا مرکزی کردار جمعدار صاحب ہے۔ بھوک، مصائب، انسانی ہوس اور نت نئے نظریات کی وجہ سے یہ کردار اندرونی تذبذب اور انتشار کا شکار ہوجاتا ہے۔ ایک طرف جلودھر اور مخلص کے نظریات ہیں جن کی افادیت پر اسوقت کے حالات مہر تصدیق ثبت کر رہے ہیں۔ دوسری طرف مدافعت میں جو قوت برسرپیکار منبع درونِ ذات کی گہرائیوں میں واقع ہے۔   ناول میں افلاس کی دو صورتیں ایک دوسرے سے لپٹی ساتھ ساتھ چلتی ہیں۔ ایک طرف بھوک اور غربت کا اثر جسموں پر ہو رہا ہے تو دوسری طرف روح اور اخلاقی قدروں پر۔ جیسے جیسے قحط کی وجہ سے انتڑیاں سکڑتی، پیٹ پیٹھ سے لگتے اور ہاتھ پاؤں سوجتے جا رہے ہیں، ویسے ہی کرداروں کے روحانی خدوخال تشکیل واضح ہو رہے ہیں۔ آفات و مصائب بیرونی دنیا میں تخریب کا بازار گرم کیے ہوئے ہیں مگر ساتھ ساتھ انسانوں کی روحانی اخلاقی اور نظریاتی بنیادوں کی تعمیر بھی کر رہے ہیں۔ یہ اٹھتیں بنیادیں کہانی کے اختتام پر مکمل طور پر نمایاں ہوچکے ہوتے ہیں۔ ابتدا میں جمعدار اور پھول محمد سمیت کایک چھوٹی موٹی انسانی کمینگیوں اور خامیوں کے حامل دیہاتی لوگ ہیں مگر کہانی کے کینوس پر اترنے کیساتھ ساتھ ان کے کردار اور فکر میں پختگی آتی رہتی ہے۔ گویا شروع میں سب ایک چوراہے پر مجتمع ہیں مگر بدلتے حالات کیساتھ ساتھ وہ اپنے لیے منزلوں کاتعین کرتے ہیں اور اپنی راہ لیتے ہیں۔  کہانی میں پیش آنے والے واقعات جمعدار کیلئے ٹریجک ضرور ہیں مگر کہانی کا اختتام انکے لیے ٹریجک نہیں۔ انہیں اس ساری ٹریجڈی میں مات ہونے کے بجائے انکے ہاتھ زندگی اور اسکے مصائب کو دیکھنے اور پرکھنے کا ایک نیا زاویہ آتا ہے۔ برے دنوں میں اسکا گھر بار لٹ جاتا ہے۔ انکا اکلوتا اور جان سے عزیز تر بچہ چھانو میاں ماں سمیت افلاس اور وبا کی نظر ہوجاتے ہیں۔ پھر انکا ہمدم دیرینہ نوجوان پھول محمد جان سے گزر جاتا ہے۔ حالات انہیں سرکاری غریب خانے پہنچاتے ہیں۔ ان سب کے باوجود وہ مرجھانے کے بجائے زندگی کی اذان بن کر گونجتی ہے اور موت اور شکست کے خلاف مدان میں اتر آتا ہے۔   ہے وہ انگریزی استعماریت، عالمی سیاست اور انکا تیسری دنیا کے ایک افلاس ذدہ معاشرے پر اثرات ہے۔ ایک علمگیر جنگ کے نقوش ہی نہیں مٹے کہ دوسری جنگ شروع ہوگئی ہے۔ نوجوان نئے نظریات میں صدیوں کے جبر و استحصال سے نجات ڈھونڈ رہے ہیں۔ سیاسی جماعتیں سر اٹھا رہی ہیں۔ دوسر جانب  حاکم اپنی حاکمیت برقرار رکھنے کی کوشش میں جتا ہوا ہے۔ ایسے میں شاطر لوگ ہوا کا  رخ دیکھ رہے ہیں مگر غریب عوام اس تمام گہما گہمی کے بیچوں بیچ کھڑا ہے۔ ہر کوئی انہیں ہانکتا اپنے باڑ میں لے جانے کی کوشش کر رہا ہے۔ انکے سلگتے پیٹ، بیٹھتی سانسوں اور ڈوبتی رگوں کی شاید ہی کسی کو پرواہ ہو۔ ان حالات کی داستان مصنف بغیر کسی غیر حقیقی رجائیت کا سہارا لیے کرتا ہے۔اسکے علاوہ جس موضوع کو اس ناول نے اپنی گھیرائی میں سمونے کوشش کی  سے کوئی اس میں یہ ناول اپنی زبان میں نہایت ہی سلیس ہے۔ اس حوالے انفرادیت نہیں۔ البتہ جو چیز اسے اردو کے لازوال ناولوں کی صف میں لاکھڑا کرتی ہے وہ یہ ہے کہ مصنف نے جس کہانی کا انتخاب کیا ہے اسے اسکی روح کے ہمراہ قاری تک پہنچانے میں کامیاب ثابت ہوا ہے۔ کہانی کیساتھ اس سے بڑا انصاف اور کچھ نہیں ہوسکتا۔ فکشن نگاری کی پیچیدگیاں اپنی جگہ لیکن سب سے ضروری کہ کہانی کو اسکی روح کیساتھ پیش کیا جائے۔ بعض اوقات فکشن نگار مرصع نگاری کے خبط میں کہانی کی روح گنوا بیٹھتا ہے۔ مگر اس ناول میں کہانی کی روح موجود ہے جو پڑھتے ہوئے قاری کے اندر حلول کرجاتی ہے اور وہ اس کہانی کو اپنے رگ و پے میں دوڑتی دل میں دھڑکتی اور آنکھوں سے چھلکتی محسوس کرتا ہے۔ بات یہ ہے  یہی اس ناول کی اہم خوبی ہے۔

"جھکنے والوں نے رفعتیں پائیں "

یہ اقتباس ہے بریگیڈیئر بشیر آرائیں صاحب  کی کتاب "خاک سا خاکی سے 

 آپ کو یاد ہوگا کہ اس سے قبل میں نے اسی کتاب سے آپ کو ایک ااقتباس سنایا تھا بہت دل چسپ اور جس کا عنوان تھا" بی بی سنتی نہیں تھی اور  میاں سمجھتا نہیں ہے 

جھکنے والوں نے رفعتیں پائیں " چترال اسکاؤٹس کے کمانڈنٹ کرنل مراد خان کے بارے میں ہے جنہیں اپنی وردی کی عزت کا بڑا خیال تھا " جھکنے والوں نے رفعتیں پائیں مین کرنل مراد  خان کو فوجی کہ وردی کی حرمت کا بڑا پاس تھا اور یہی بات خود ان کی اپنی وردی اترنے کا سبب بن گئی ۔بشیر آرائیں صاحب لکھتے ہیں کے آصف زرداری صاحب چترال آئے تو انہوں نے  میدان میں عوام کے سامنے پولو بھی جب وہ پولو کھول کر گھوڑے سے اتر رہے تھے تک ان کا محافظ کو فوج میں میجر تھا سب کے سامنے زرداری صاحب کی بوٹ اتارنے لگا جو کرنل مراد سے برداشت نا ہوا اور وہ چیخے کہ اس میجر سے کہو کہ اپنی نہیں تو اپنی وردی کی عزت کا خیال کرلے 

اس جرم میں ایک سال بعد کرنل مراد خان کو ہتک آمیز طریقے سے ریٹائر کر دیا گیا  کرنل مراد جس دس سے سے چترال اسکاؤٹس کے کمانڈنٹ تھے  چترال سے اور چترال کے عوام ان سے بڑا پیار کرتے تھے ۔ کرنل مراد نے اس توہین کے باعث خودکشی کرلی 

ایک عبرت انگیز وصیت جو کرنل مراد نے خودکشی کے نوٹ میں تحریر کی پڑھنے سے تعلق رکھتی ہے

خاک سے خاکی

https://youtu.be/lehiooCpeHM

دیس دیس کی کہانیاں  دیس دیس کی کہانیوں میں  انتخاب پیش خدمت ہے سہیل احمد صدیقی صاحب کی کتاب سارک کہانی سے   اس کتاب کے دو حصے ہیں چھوٹے بچوں اور بڑے لڑکوں کے لیئے الگ الگ کہانیاں منتخب کہ گئی پیں  مر  پہلا  گروپ جماعت اول تا پنجم کے  چھوٹے بچوں کے لیئے ہے جس میں پاکستان ہندوستان بنگلہ دیش سری لنکا نیپال مالدیپ کوٹ اور افغانستان کی کہانی اکٹھی کی گئی ہیں  ان کہانیوں  کے عنوان ہیں دو دوست دو دوست دو دشمن ، مغرور لومڑی ،  دریا پار، پنجرہ,، کالو چھوٹو اور اماں جی، دھوکے باز شوہر، عقاب کی بیٹی، جادوئی قالین، نمسکل  اور خرگوش، شیر اور نئی گائے ،تحفہ، چھپکلی اور چیتے کی لڑائی، کدومیں بڑھیا  گڑ بڑگھر انہ ، ہرنی اور لومڑی  اسی طریقے سے اس کا دوسرا سیشن بڑے بچوں کے لئے ہیں جس میں پاکستان سے کہانی ہے عجیب خوشی ،سونا درزی ،بارش کی شرات ،بلیوں کی حکومت ،گائے کی دستک ، ہندوستان سے جو کہانیاں منتخب ہوئی ہیں وہ ہی جھگڑا، سیکڑوں بندر، خیرات ،آدھا ڈراما، دیش کی کہانی ہےفلگون کی مہم ، راجہ، سات عقلمند جولا ہے ، بٹھوا                گھوڑا۔  سری لنکا کی کہانی کیوں  اپوّ کا مفلر ،نیپال کی کہانی ، کرسی ،متحمل مزاج بیوی ،جادوئی بادل ،ایک سے بڑھ کر ایک ،بھوٹان کی کہانی کوے کا انتقام، اور افغانستان خیالات کی بھرمار ذکر کتاب میں ہم نے اس کتاب سے دو کہانیاں منتخب کرکے آپ کو سنائی تھی جس میں ایک تھی جادوئی بادل اور دوسری تھی خیالات کی بھرمار  https://youtu.be/XXNIB2wx6EA  آج اس سلسلے کی تیسری کہانی پیش خدمت ہے اس کا نام ہے خیرات  یہ ہندوستان کی کہانی ہے اور جسے تحریر کیا ہے سو کمار رائے  نے آئیے سنتے ہیں

" میاں سمجھتا نہیں تھا بی بی سنتی نہیں ہے"  یہ انتخاب ہے بریگیڈیئر بشیر ارائیں  صاحب کی کتاب "خاک سے خاکی " سے  اس کتاب پر تبصرہ کرتے ہوئے   ڈاکٹر اشفاق احمد وردک صاحب نے روزنامہ دینا نیوز ۹۲ کی اشاعت میں   اپنے کالم " تین آفیسر ، تین کتابیں "    میں لکھا  کہ

منقول

"خاک سا خاکی  " نواب شاہ سے تعلق رکھنے والے جناب بریگیڈیئر بشیر ارائیں کی فوجی زندگی کے نشیب و فراز کی دل گداز داستان ہے۔ ایک غریب لیکن محنت اور خدمت پہ یقین رکھنے والے گھرانے میں پیدا ہونے والے بچے کے تعلیمی، سماجی، سیاسی اور بری فوج کی ملازمت کے تجربات کا نچوڑ ہے۔ عجز، خلوص اور سادگی اس کے اسلوب اور بیان کا خاصہ ہے۔ عمر بھر انھوں نے ماں جی اور میاں جی کو مرشد نیز پورے خاندان اور ضرورت مندوں کی خدمت کو اپنا منشور بنایا۔ کتاب طربیہ، المیہ واقعات اور دلچسپ کرداروں سے بھری پڑی ہے۔ 1991ء میں جب یہ سیاچین بیس کیمپ میں تعینات تھے تو ان کی نئی نویلی دلھن نے شکوہ کیا کہ کیسے سنگ دل فوجی ہو، بندہ فون پہ کبھی آئی لوّ یو ہی بول دیتا ہے۔ انھوں نے سمجھایا کہ ایسا ممکن اور مناسب نہیں کہ ایکسچینج والے ہمارا فون سنتے ہیں۔ دوسرے دن سگنل کمپنی کے افسر کا فون آیا کہ ’سر آپ الزام نہ لگائیں، ہم کسی کا فون نہیں سنتے، آپ بے دھڑک بھابی جی کی فرمائش پوری کریں۔‘ پھر میجر اطہر صدیقی کی دو بیٹیوں کے کینجھر جھیل میں ڈوب جانے کا وقوعہ بھی نہایت دل خراش ہے، جسے انھوں نے بھاری دل کے ساتھ لکھا ہے۔ بعض کردار تو ڈراؤنی فلموں اور ٹریجک افسانوںسے بھی زیادہ چونکا دینے والے ہیں۔ خاص طور پہ چترال کہ جہاں کے قیام کے زمانے کو بریگیڈئیر صاحب شدت سے یاد کرتے ہیں، چترال، جو اپنی منفرد ثقافت اور پُر فضا مقام ہونے کی وجہ سے نہایت اہم ہے اور قومی و بین الاقوامی شخصیات کی توجہ کا مرکز بھی ہے۔ مصنف نے چترال کا دورہ کرنے والی سیاسی شخصیات، بالخصوص نواز شریف اوربے نظیر کے لالچی ساتھیوں اور فوائد بٹورنے والے خوشامدی افسران کی ذہنیت کو نہایت عمدگی سے اجاگر کیا ہے۔ بالخصوص وہاں کے کمانڈنٹ افسر کرنل مراد خاں نیّر والا واقعہ تو دل دہلا دینے والا ہے۔ واقعہ یوں ہے کہ پھالیہ کے گاؤں کا ایک نوجوان مراد خاں عرف مادی ملک، میٹرک کے بعد گھر والوں سے لڑ جھگڑ کے چپکے سے فوج میں بھرتی ہوجاتا ہے۔ پچیس سال بعد جب وہ کرنل کے عہدے پر پہنچتا ہے تو اچانک اُس کی ملاقات اپنے لنگوٹیے دوست حیدر کاظمی سے ہو جاتی ہے، جو اس کی منت سماجت کے بعد اسے گاؤں جانے پہ راضی کر لیتا ہے۔ اسی دوران نئی شادی شدہ وزیرِ اعظم بے نظیر بھٹو کی شندور میلے میں شرکت کا چرچا ہوا، جہاں مردِ اول نے پولو کھیلنے کی خواہش ظاہر کر دی۔ کھیل کر جب زرداری صاحب گھوڑے سے اُترے تو ایک میجر قدموں میں بیٹھ کر جمِ غفیر کے سامنے اُن کے بُوٹ اتارنے لگا۔ کرنل مراد چیخے کہ اسے کہو اور کچھ نہیں تو اپنی وردی کا خیال کرے۔ یہ آواز حکام کے کانوں تک بھی پہنچ گئی، پھر کیا تھا، کرنل کی جبری ریٹائرمنٹ کے آرڈر آ گئے۔ ریٹائرمنٹ والے دن یعنی 3 اگست 1989ء کو کمرے سے کرنل مراد کی لاش ملی۔ گولی ان کی دائیں کنپٹی سے آر پار ہوئی تھی"

۔

شاہ محی الحق فاروقی صاحب کا کالم لکھے کالم بھی اگر کوئی تو لازم ہے مشعور 19 ستمبر1997 کو شائے  ہوا تھا

شاہ محی الحق فاروقی صاحب کے تمام کالم پڑنے کے لیے یہ ربط کھولیں

shorturl.at/dpFS2

شاہ محی الحق فاروقی صاحب کا کالم دوڑو زمانہ چال قیامت کی چل گیا 14 ستمبر1997 کو شایے ہوا تھا

جسٹس (ریٹا ئرڈ) ظفر احمد خان شروانی کی "ہاں میں انکاری ہوں "  آپ بیتی کی آپ بیتی

قسط نمبر 1

https://youtu.be/pAcE79aw-qc

قسط نمبر 2

https://youtu.be/X8Jwjc6vsmU

قسط نمبر 3

https://youtu.be/yNmaxEAIipA

قسط نمبر  4

https://youtu.be/GM8ap4zOAZE

قسط نمبر 5

https://youtu.be/V0jes4tA6rE

قسط نمبر  6

https://youtu.be/TRRbQXM9cCA

قسط نمبر  7

https://youtu.be/o1DyXrDc0Yg

قسط نمبر 8

https://youtu.be/sh25tXD0GUo

قسط نمبر 9

https://youtu.be/Ge3T9KoLqp4

قسط نمبر  10

https://youtu.be/EDX-VUNFGjs

قسط نمبر 11

https://youtu.be/skn6t5vDyTw

قسط نمبر  12

https://youtu.be/Zb_3pl3Xk50

قسط نمبر 13

https://youtu.be/ETYM9ZOdTTs

قسط نمبر 14

https://youtu.be/J3HN0vLzWOc

قسط نمبر 15

https://youtu.be/RARW7RhJDBM

قسط نمبر 16

https://youtu.be/mdVvExnIk5k

قسط نمبر 17

1https://youtu.be/ouGCDbRzZF4

قسط نمبر 18

https://youtu.be/uGdKy6dFPXg

قسط نمبر 19

https://youtu.be/ULQt-V3ujIA

قسط نمبر 20

https://youtu.be/Fjq7kT_W02A

قسط نمبر  21

https://youtu.be/8AH_WFPsnAc

قسط نمبر 22

https://youtu.be/9N58GZUje1Y

قسط نمبر 23

https://youtu.be/gWCnZdleOvI

قسط نمبر 24

https://youtu.be/bR7n483Dd1Q

قالم شاہ محی الحق فاروقی کے اوّل ہو بکری ہے نہیں 21ستمبر 1997