Kristín Þórhallsdótir er líklega sterkasti dýralæknir Íslands og klárlega ein af sterkustu konum landsins. Hún fann sig í kraftlyftingum eftir að hafa eignast langveikt barn árið 2018. Hún byrjaði að dútla í venjulegri rækt og Crossfit en áttaði sig fljótlega á að hún var mjög sterk og var hvött til að reyna fyrir sér í kraftlyftingum.

Kristín hefur unnið til fjölda verðlauna á skömmum tíma en hún hefur staðið á palli á nær öllum mótum sem hún hefur keppt í, nú síðast var hún í 3. sæti á Evrópumótinu í Eistlandi í desember.