Wat het gebeur gedurende Jesus se laaste week op aarde? Kom stap saam vandat Jesus Saterdag in Betanië aangekom het tot Donderdagaand voor die kruis. In Sy krisis los Hy vir ons Sy vrede! Jesus leer ons dat geloof die onstuimige storms in jou gemoed bedaar!

So baie kere lees ons dat Jesus OP PAD erens heen Sy bediening uitgeleef en wonders gedoen het. Hy was nooit te besig om te help nie, selfs al was Hy op pad na Golgota. Wanneer ons mooi gaan kyk sal ons sien wanneer ons OP PAD is, ons ook lewens kan aanraak.

Jesus het wondertekens gedoen en mense het geglo! Tog lees ons in Joh.2:24 dat Hy mense se harte ken en daarom het Hy hulle nie sommer vertrou nie. Vir eeue al volg mense Jesus om iets te ontvang, ons soek die wondertekens. Jesus soek egter nie net skares se oppervlakkige geloof nie. Hy soek indivdue wat Hom met uitverkoopte harte sal volg, selfs al kos dit 'n prys. Glo jy net of volg jy regtig?

Jesus kom wys ons 'n NUWE STANDAARD van liefde. Hoe kan ons dan regtig liefhê soos Jesus ons liefgehad het?

Wanneer ons dink aan 1 is dit baie min. Wanneer die Here dink aan 1 sien Hy hoe die wêreld kan verander. As God 'n impak in die wêreld wil maak roep Hy altyd die 1 wat bereid is bly om te staan vir wat reg en waar is. Dis die Wonder van 1.

Vat jy houe wat jy nie verdien nie? Ly jy al is jy onskuldig? Selfs in die donker en moeilike tye kan ons bly HOOP! Jeremia 15:15 sê: "U weet alles, Here: dink aan my, neem my onder u sorg".

Moenie ophou inkleur nie want elke dag is 'n nuwe prentjie uit God se hand vir elke individu

Hierdie lewe het 'n manier om soms jou wind uit te slaan. Die Bybel leer dat ons in 'n geveg betrokke is. Jesus is die Een wat altyd daar is vir ons. Hy is soos 'n ‘Cornerman’. Hy glo in jou en jy gaan dit maak!

Ons bewonder mooi dinge en talentvolle mense. MAAR Jesus verdien ons grootste bewondering. Hy het Sy koningskroon verruil vir 'n doringkroon sodat ons ook krone mag dra as prinse en prinsesse in God se koninkryk! Ons bewonder die liefde van 'n doringkroon en die gesag en krag van Sy koningskroon.

In hierdie lewe wonder ons baie kere oor baie goed - wonder of ek dit gaan maak, wonder of ek hierdeur sal kom? Die Here het 'n manier om ons wonder in wonder te verander! Hy wil, in ons wonder, wys hoe wonderbaar Hy is en wat Hy kan vermag. Wonder is nader aan ons as wat ons besef.