E oo ɗoo taskaram men yewtay ko yowitii e tuuɗe elektronik e nder Afrik. Ko saabi ndee toɓɓere, ko ñannde tati nduu lewru go’aɓuru ardiiɓe Espaañ holliti wonnde  ɓe yiiti njuɓɓudi fedde neldoonde ɗee tuuɗe elktronik e nder yoga e leyɗe Afrik, tawa aldaa e sariya, wano Senegaal, Najeriya haa Moritani. Mbela kuule walla pehe no darnaa e ndin leydi ngam haɓude ɗum? Holko ɗum waawi battinde e dow taarindi ndin ? Mbela ɗee tuuɗe elektronik no waawi wayleede waɗtee piiji ɗi jamaa on huutortoo e nder Moritani ?Ngam yaajinaade e ndee toɓɓere en bismoto koɗo men Abdu Latif Sow, Moritaaninaajo, hertorɗo baŋŋe taarindi

Ko adii  yewtere ndenn en heɗoto jantoore nde Aamadu Baro Bah waɗani en on alhaali waɗuɗo to Espaañ. En joofniray Bussura TALLA, ardiiɗo suudu gollirdu  dillooru e baŋŋe waylugol tuuɗe elektronik, wi'eteendu Setlik. Ɗum non bisimilla mon.