Ko saabi ndee sattende jannde wonande sukaaɓe jukkuɓe ina heewi ko tawde mahanteeriiji duuɗi ɗii weɓaanaa sukkaaɓe jukkuɓe ɓee. Jannginooɓe heewɓe keblaaka ko faati jannde heeriinde wonnande ɓee jukkooɓe.

Kooreeji walla jinnaaɓe jukkuɓe ɓee ina njiɗi ɓe reende haa ɓee mbassa natnude lekkol… ngam ɓurtude faamde alhaali jannde sukaaɓe jukkoɓe njahen to worgo Senegaal to Welingara, eɗen ngonndi e dental wonduɓe e jukko diiwan oo haa teeŋti e Abib Sabali jannginoowo kono kadi gardiiɗo ngal dental e Marietou Badiane jinnaɗo janngooɓe gooto e tawaaɓe e ngal dental.

Tedduɓe heɗiiɓe taskaram Laawol Ganndal e Needi on calminaama hannde ko batte hakkille tafaaɗe e wiɗtooji, gannde njeewteten, ko Souada DIALLO kertorɗo hakkille tafaaɗe woni koɗo men e ndee toɓɓere. 

Nder duunde Afrik leyɗe hono Senegaal e Togo haɗii huutoraade telefoŋaaji e nder duɗe janngirɗe ɗee laamu e ɗe ngonaa laamuyankooje. Faandare ndee e wiide halfinaaɓe jannde ko ngam dartinde fijiirde, haa teeŋti waɗateende e nder internet, kono kadi ngam wallude sukaaɓe ɓee. Tedduɓe heɗiiɓe Rfi Fulfulde on paami wonde toɓɓere taskaram men Laawol Ganndal e Needi e ndee yontere, ko kutorogol telefoŋ e nder duɗe janngirɗe. Ko duɗal CEM dalifort mbaɗen ndee yeewtere eɗen ngondi e Hamidou DIENG gardiiɗo ngal duɗal e Djeinaba BA jinnaaɗo janngooɓe toon. Bismillah mon.

Mali : Ŋakkere karbiran, tawo sabu mum ko uddere nde kulliyankooɓe mbaɗi e leydi ndi, ina jokki tampinde leydi ndi. Laamu ngu hollitii dartinde jaŋde e nder duɗe jaaɓi haaɗtirde kam e duɗe tokkoose goɗɗe, fotde jonte ɗiɗi. Ngal pellital ko ngam foftinde janngooɓe e jannginooɓe, jogiiɓe caɗeele yaade to lekolaaji walla ɗuɗe tawɗe sabu ndee ŋakkere
karbiran. Holko ngal pellital battinde e jannde sukaaɓe ɓee. Tedduɓe heɗiiɓe Taskaram Laawol Ganndal e Needi ko Massata CISSE jinnaaɗo janngooɓe e Hamadoun BAH jannginnowo ngoni hoɓɓe men e ndee yeewtere. Bismillah mon !

Golle tiiɗɗe, jokaade needi, tawtoreede ekkol e kala sahaa, e anndude no njuɓɓinirtaa waktuuji maa ɗi a gollaani, ko geɗe teeŋtuɗe ngam tabitinde hitaande jaŋde moƴƴere.
Ko ɗum woni toɓɓere ko ɗum woni toɓɓere taskaram men Laawol Ganndal e Needi ndee yontere. Ko duɗal CEM dalifort mbaɗen ndee yeewtere eɗen ngondi e Hamidou DIENG gardiiɗo ngal duɗal e Samba Djibril BA hooreejo dental jinnaaɓe janngooɓe toon . Bismillah mon.

Darorɗe lewru 10ɓuru 2025 woni sahaa udditgol duɗe jaŋngirɗe ɗee e nder yoga e leyɗeele hirnaange Afrik yeru Senegaal, Mali, Guinée, Burkina e ko nanndi heen. O sahaa ko welamma wonande sukaaɓe jaŋngooɓe ɓee, kono ko satteende wonande won e jinnaaɓe ɓeen jaŋngooɓe. Ɗum saabi hannde Toɓɓere taskaram men Laawol Ganndal e Needi ina yowitii e heblogol udditugol duɗe jaŋngirɗe . E ndee yeewtere eɗen ngonndi e Kadidia DIALLO, jinnaaɗo jaŋngooɓe to Burkina Faso e Kadiata TALL jaŋnginoowo e nder leydi Senegaal.

Tedduɓe heɗiiɓe taskaram Laawol Ganndal e Needi on calminaama ɗee jonte ɗiɗe ɓennuɗe ina njeewta ko faati e udditgol duɗe janngirɗe nder hirnaange Afrik, hannde rogere men wattandiiɗe e ndee toɓɓere ko to Senegaal e Guinee yaha teen ƴeewen ɗo ngol udditol woori toon. E ɗen ngonndi e Amadou NDIAYE jannginoowo to rewo Senegaal e Fatimatou BARRY jinnaaɗo janngooɓe to Guinee e taskaram men. Bismillah mon. Olel TALL

Banndiraaɓe musiɗɓe, tedduɓe, on calminaama e inɗe, on manaama e jettooɗe.
Onmbismaama e ndee yeewtere Laawol ganndal e needi. Hannde en njokkat e daawal
udditgol duɗe janngirɗe baŋŋe hiirnaange Afrik.

Burkina Faso e Mali ko ñannde Talata 1 lewru 10 ɓuru wonno udditgol duɗe janngirɗe. To

Burkina Faso eɓɓooje maantinɗe mbaɗaama ngam wallitde udditgol duɗe ɗee e nder

ngonkaaji ɓurɗi moƴƴude, huunde ndee UNICEF welti no feewi. E saha to Mali udditgol ngol

hawri ko e dillere. Jannginooɓe, haa teeŋti noon e jannginooɓe to duɗe katolik en, mbaɗi

woppere golle. Hoɓɓe men e ndee yeewtere inɗe maɓɓepeññinaaka sabu kisal maɓɓe.

bismillah mon.

Darorɗe lewru 10 ɓuru 2025 woni saha udditgol duɗe janngirɗe nder yoga leyɗe hirnaange
Afrik yeru Senegaal, Mali, Guinée, Burkina e ko nanndi heen. O sahaa ko welamma wonde
janngooɓe ɓe kono ko sattende wonande won e jinnaaɓe janngooɓe ɓe. Ɗum saabi hannde
Toɓɓere taskaram men Laawol Ganndal e Needi ina yowitii e Heblo uddigol duɗe janngirɗe . E
ndee yeewtere en ngonndi e Kadidia DIALLO jinnaaɗo janngooɓe to Burkina Faso e kadiata
TALL jannginoowo to Senegaal. Bismillah. Olel Tall

Jaŋde(alphabétisation) ko mbaawka jannde e winndude, anndude, faamde, firtude, sosde, jokkondirde, e hiisaade, huutoraade geɗe binndaaɗe e binndol, kam e waawde safrude caɗeele e nder sahaaji ɓurɗi heewde karallaagal e humpitooji. Pellitii ko faati e binndol, e hol ɗemngal, hol no, e hol faandaare renndooji, duɗe, cuuɗi janngirɗe, galleeji, e yimɓe mbaɗata ina teeŋti. Ɗum saabi haa Jeynaba DEME o suɓɓi kanko ko wonde jannginnowo mawɓe ɓe keɓaani fartaŋŋe janngude e cukaagu maɓɓe, kono wona ko weeɓi. Musiɓɓe tedduɓe bismillah mon e taskaram men laawol Ganndal e Needi. Hannde ko ngartam jannde wonnande jannginooɓe walla huutortooɓe jannde njewtaten. On njaraaama. Olel TALL