"Stress" ma mbi'en ɓittaare wonki walla cañol,  ko huunde ndee heewɓe keewi woytaade e nguu jamaanu. Won heɓooɓe ɗum e nder golle mumen, woɓɓe ko ɓesnguuli mum en woni sabaabu majjum e dow  maɓɓe, won hen ko baasal jiiɓii hakkilaaji mumen. Mboni kala, ina jogii ko wonani ɗum stress.

Jooni, holko ɗum waawi battinde e hakkile neɗɗo oo haa e cellal ɓanndu mum? Ko ɗum njeewtaten altine hannde 6 lewru 1ɓuru, yeewtere men adiinde e ndee hitaande 2025. Heɗiiɓe meɗo wiyor on ni hitaande jam, kisal e cellal.

"Hemorrhoide", wodbe no wi'i ɗum ŋuuro walla buuri ñawu ngu heewɓe cuuɗata wonndude hen, sabu jogaade hen gacce, ina waawi saabaade muuseeki maawki, kadi ina waawi jibinde caɗeele goɗɗe. Ko e ngu ñawu njeewtuten altine hannde 30 lewru 12ɓuru. E nder ndee yewtere,en kumpitoto maale ñawu nguu, sabaabuuji mum, safaaraaji mum, e peeje ngam haɗde ɗum.
Ko Dr Kajatu JALLO, hertoriiɗo ñawu "hemorroïde", wonata koɗo men e o taskaram.

 Yeewtere men hannde, piilɗen nde ko to diiwal Kolda senngo worgo Senegaal e nder suudu safiirdu wuro wi’eteengo Mampatim. Suudu nduu ina wonani ɗoon ko jaasaani yimɓe ujunnaaji sappo e jeegom. En njeewtidi e ardiiɓe suudu nduu e ko feewti e
caɗeele maɓɓe. Maa en ndokku konngol kadi arooɓe safraade ɓee. Tedduɓe, ko nih woni mbaadi yeewtere men hannde, bisimillah mo

Ko holno golleeji nduu safrirdu yahrata?

Holno cafaaje ɗee keɓirte?

Holko woni caɗeele nduu safrirdu? Jewtiden e safooɓe ɓen e aruɓe ngam safraade

Caggal nde njeewtuɗen altine jawtuɗo  ko holno ɓee yimɓe wonduɓe e Sida nguurdi e ñawu nguu,  altine hannde 16 ndu lewru 12ɓuru toɓɓere men ndee no yewta ko yowitii e alhaali ñawndiigu nawnaare Sida ndee, cafaaje mayre. Gila wiriis (geeɗum) cabatooɗo ñawu SIDA yiitaa, ɓurii duuɓi 40 jooni. Wiɗtooji paatuɗi e haɓude ñawu nguu, ina njaara yeeso no feewi. Cafaaje paayodinɗe (wonnduɗe e nafa) keɓaama, kadi pesorgal ( markal) no moƴƴineede. Yaakaare walla ɗaminaare moƴƴere ina jogaa ngam folde nawnaare SIDA en njaɓɓoto jooni, Dr Kuro BUSO, hertoriiɗo ñawu Sida. Oo anndina en, ko holto wiɗtooji ɗii tolni hannde e ko holɗe e peeje kese haanaa ɓameede ngam haɗde layugol nawnaare ndee?

Yeewtere men hannde faati ko e alhaali VIH/Sida. Jooni, wuurdude e ñawu nguu ina waawi wonnde sabu ƴellitaare cafaaje ɗee. Kono wonaa ko weeɓi. Cafaaje ɗii ina mballa gonnduɗo e nguu ñawu wuurde no fotiri hay so tawii ma woodo ko ŋakki. Nde tawno, caɗeele goɗɗe ina tampina wonnduɓe e ñawu nguu, wonannde ƴeewki renndo ngoo faade e maɓɓe gila e nder galleeji haa e nder gollorɗe…

E yeewtere men ndee altineere 09 12ɓuru ma en ndaara, holno ɓee yimɓe wonnduɓe e Sida nguurdi e ñawu ngu ? En njaɓɓoto jooni Kajatu BALDE, mo ardi fedde wallitoonde wonnduɓe e Sida e Dr Kuro BUSO, hertoriiɗo ñawu nguu.

Cuuɗi keblorɗi dendaaɗi/ piilorɗe/taarorɗe, ina haani kadi ina moƴƴi e nder nokkuuji ɗo yimɓe keewi hono jeereeji/luumooji, darorɗe otooji, walla lekkolaaji, ekn. Kono, caɗeele ɗee ngonni, laaɓal majji ina welsinnda. Cuuɗi keblirɗi e nder ɗii nokkuuji ɗi limuɗen toppitaaka no moƴƴiri walla no fotiri. Ko ɗii nokkuuji ɗi mikrobaaji tesketee. E te ɗum, ina waawi addande huutortooɓe ɗii cuuɗi keblirɗi ñabuuli bonɗi.

Cella ko Ngallu ina yeewtan on hannde e o altine 2 lewru 12ɓuru, caɗeele jowitiiɗe e

ŋakkeende laaɓal e nder cuuɗi keblorɗi dendaaɗi. Ma en njuurnitoo kadi peeje potɗe huutoreede ngam moƴƴitinde laaɓal ɗi cuuɗi keblorɗi.

Jewtiden ɗoo e Dokteer Amadu BAH

Holɗe ñabbuuli baawɗi heɓtaade huutortooɓe ɓee ɗii cuuɗi keblirɗi ɗi laaɓaani?

 Holɗe geɗe ɓeydooje ɓiɓɓe ñawu (mikrobaaji) e nder ɗii cuuɗi keblirɗi mo jamaa fof renndi?

Hitaande kala, tuggi 25 hannde oo haa 10po lewru 12ɓuru faandu ndu, kirjinooji ina mbaɗe e winndere nde ngam haɓaade bonanndeeji baɗeteeɗi e dow rewɓe. E ɗum, yeewtere men Cellal ko Ngalu naayorii ko bannge rewɓe dolaaɓe woɗɓe ina mbi'a ƴeeɓeede: Holno ɓe kaani jaganoreede ngam deeƴnude hakkilaaji maɓɓe haa ɓe keɓta hoolaare maɓɓe?

Bandiraaɓe heɗiiɓe, mi salminii mon ! Eɗen jokkondirɗo e Siniya Aidara, mo tawe e fedde wallitoore rewɓe dolaaɓe wonnde Mortani. Mi salminiima Siniya Aydara, Holko woni darnde fedde mon ndee faade e rewɓe dolaaɓe? Holɗe caɗeele ɗe ɓeen reewɓe keewi hawrude?

Holno wurduɓe e ñawu jabet toppitiiri cellal maɓɓe ? Altine hannde 18 lewru 11ɓuru, yeewtere men Cellal ko ngalu adii ko alhaali Jabet. Yimɓe miliyonje yimɓe ina ngonndi e ñawu ɓurtugol suukara nder ƴiiƴam ɓanndu e winndere ndee. Ñannde 14 ndu lewru wonno ñalawma hertinaaɗo ñawu nguu, ko ɗum ni woni sabu ngaduɗen nde toɓɓere : Holno wonnduɓe e jabet nguurdi e ñawu nguu ?  En keɗoto gooto e maɓɓe, bi'eteeɗo Jeynaba CAAM, caggal nden en  njeewtida e Dr BAH, hertorɗo ñawu jabet

Simmugol ina jeyaa e ko addata maayde yaawnde e nder winndere ndee. Ko ujune ujune porodiiji simik (kuule gooduɗe tooke) ngonni e nder cuurki simme tawi heen keewɗi ko tooke baawɗe saabaade kanseer. Hay so tawii kirjinooji ina waɗee, haɗaani miliyoŋaaji yimɓe taw ko sukaaɓe e mawɓe simmude. Holko woni battane simmugol e cellal neɗɗo ? Ko ndee toɓɓere ngannduɗen hannde e yeewtere men Cellal ko Ngallu, tawo faandaare ndee ko ɓeyduude faamnude yimɓe ɓee torlaaji gonɗi e yarude simme.

Koɗo men e yeewtere hannde nde ko Dokteer El Hadj KAAN

Mi salminiim Dr,

  Hol geɗe ɓurɗe bonde gonɗe e yarugol simme kadi holko woni battane majjum e cellal neɗɗo ?

  Ko holno yarugol simme battinirta e becce neɗɗo? Manam pamina amen hono ɗum bonnirta becce... kadi hol ñabuuli ɗe simmugol waawi addude?

Momtugol pali ma rafi jontinooje e nder Afrik : holko leyɗe ɗe ñawu nguu woni kaani waɗude ngam sertude e maggu ? Ko ndee
toɓɓere ngaɗuɗen altine hannde 4 lewru 11ɓurdu e yeewtere men Cellal ko Ngallu. Koɗo men ko Dr Hawa NJAY, Heɗiiɓe
tedduɓe, bismila mon !

Dr, wona goo hannde ko enen njeewta e alhaali rafi jontinooje, kono woni sabu kadi njiɗɗen haaltude e ñawu ngu ko to Ejipt, ngu follaama ton. Leydi ndi tawti leyɗe 40 ɗe fedde tambiinde cellal winndere woni OMS holli wonnde ceerti e rafi jontinooje.

E te ɗum, Dokteer Hawa Jaay, ina hollita wonde momtugol ñawu nguu wonaa ko ronki wonnde, namni tan ko pellital.

Holto ñawu nguu tolni hannde e nder Senegaal, teenŋti nder Dakar?

E nder Senegaal, e oo saha, hol paandaale leydi ndii ƴetti e ɗii duuɓi garooji ngam ustude ñawu nguu ?

 Hol peeje taw ko e fanu cellal ɓurɗe waawde huutoreede ngam ustude ɗaɓugol ñawu ngu?

Jooni Hol ko mbaaw-ɗon janngunde e leydi Ejipt haa e leyɗe goɗɗe ɗo ñawu nguu foola, ngam huutoraade ɗum e nder leyɗe ɗo ñawu nguu heddii tawo?

Hol peeje e golle ɗe leyɗe Afrik goɗɗe mbaawi ƴettude ngam ɗaminaade kadi momtude oo rafi?