Faggudu e ɓamtaare Afrik

Hannde yeewtere ndee ana fawii e dow ngol laawol kesol ngol e yamiroore leyɗe UEMOA fuɗɗii gollireede gilla ɗiɗi nduu sappo e go'oɓordu hitaande 2026, ko noddirte PI-SPI. Immaaɗe oo systeme yo newnude neldol kaalisi hakkunde bankuuji e hakkunde duu bankuuji e mobile money. Hoɗum woni nafoore majjum ? Ko woni tiiɗallaaji ɗi ? En njaɓɓoto koɗo men hannde
Barka Dia keertaniiɗo keɓe jawdi.

Hannde yewtere men nde en ndokkiinde rewɓe, rewɓe gollanooɓe hoore mum. Ɓe golleeji mum duu caabii ngollini woɓɓe, mbaawi ɓamtaade e keɓe jawdi. E timmooɗe hitaande ƴaɓɓiinde nde hawriinde mawnde waɗii Welingara noddiraande SIAWEL. Immaaɗe mayre yo wallude ɓamtaare remooɓe, marooɓe e waylooɓe ndeemaandi. E majjum, mi yewtidii e ɓee rewɓe remmoɓe waylooɓe duu ko ndemi cotta. Gollal ngal e mum ɓe keɓii ɓamtaare.

Heblo cakkitiingo ina jokki, yontere caggal Fijooji Olympique Dakar 2026 fuɗɗaade. To Saly,

Gootal e diiwe tati potɗe jaɓɓaade fijooji ɗii caggal Dakar e Diamniadio, ñeeñɓe ina heblaade kadi no feewi. Faandaare maɓɓe, caggal jalbintinnde mbaadi turism senegal, ko koɗo aroowo kala yo naɓoru siftinorde labaande e ɗii fijooji JOJ ...Keɗoɗen jantoore Habib Diao.

Hannde yewtere nde ana fawii e dow ɗii fijooji JOJ puɗɗooji 31 nduu sappoɓordu jokka faa 13 sappo e go’oɓordu hitaande nde. Ko foti atlete en ujinaaji ɗiɗon e teemede njeɗɗon ngoni doomaaɓe. Tawtude turist en e jinnganooɓe ɓee atlete en. Ana laaɓi, kaalisi woni ko waɗaa hen, jonnon ɗaminaare duu ana woodi ɗum walla ɓamtugol faggudu Sénégal.
Faa njewten e ndee toɓɓere eɗen njaɓɓii hannde Mamadou Ndiaye fagguduyanke e Arouna Dem keertaniiɗo coftal ɓalli. Abdoulaye Dicko.

Caggal laabi keewɗi ko ɗum riwtaa, kaalis denndinoowo leyɗe fedde CEDEAO, hono ECO, maa teeŋtine e ndee hitaande 2027. Ngal pellital ɓamtaa ko e kawrital hooreeɓe leyɗe e guwernamaaji juɓɓinaangal ñande 19 lewru 7ɓuru hitaande 2026, to Freetown, laamorgo Sierre Leone. Ngol wonnoo jonnde cappanɗe jeegom e njeenaɓiire hooreeɓe leyɗe hirnaange
Afrik. Yoga e leyɗe maa njeye heen gila e fuɗɗoore, kono won e majji maa pada, tuugnaade e toɓɓe kaɓɓodiiɗe e ngalu leyɗeele ɗee e mbaadi walla mbiyen ngonka ngalu mum en. En nguudittan hannde yeewtere yaajnde e oo alhaali. Puɗɗortoɗen hannde ko haalde e holko woni oon kaalis eco, ngam addude faamaamuyya e oo monnaie diwaan leyɗe cedeao ? Ngam yewtude heen eɗen njaɓɓii Safayou Diallo, keertoriiɗo ngalu e faggudu, jooɗiiɗo leydi men Guinée.

Faggudu e ɓamtaare Afrik hannde, en njokkitat yeewtere yontere yawtunde ndee fawinoonde e ndema e ɓamtaare hotolo e nder leyɗeele men. Toɓɓere hannde ndee, ina fawii e dow tiiɗallaaji teskaaɗi e yaltingol hotolo remaako e hitaande yawtunde ndee e nder leyɗeele Afrik. Otooji mawɗi keewɗi ndaakii Abidjan to Cote d'Ivoire, goɗɗi nana ndaakii Cameroun. Leyɗeele baaɗe no Mali ina njogii caɗeele hay yaltinde hotolo mum en yottaade pooruuji. Holko saabii ɗum? Holno haani waɗeede? En njaɓɓoto koɗo men hannde Abdoul Nasser Ousmane keertaniiɗo keɓe jawdi Cameroun. 

Hannde yewtere nde ana fawii e dow ndema hotol e ley leyɗe meeɗen afrik ɗe, faggudu mum, ekn. Eɗen anndini jeɗɗi lewru sappoɓordu hitaande yo ñalaande heertanaande adunaaru ndu hokkaande hotol. E ley afrik, hotol ana jeyaa e ndemaandi ɓurndi fuu wallude faggudu leyɗe ɗe. Fayi so tawii won leyɗe taaɓiiɗe sanne e ndema hotol, golle majjum ana heddii laƴude.
Remooɓe ɓe ana noddii ardiiɓe leyɗe ɗe tewta ijinaaji baylooji ko remete ko, ɗum ɓuri illa, reme ɗoo naɓee leyɗe goɗɗe wayle. Hannde eɗen njaɓɓii Moussa Sabaly ardiiɗo deental remooɓe hotol Sénégal…omo e teddiniraaɓe duu waalde afrik remooɓe hotol. Abdoulaye Dicko

Hannde ndee yewtere faggudu e ɓamtaare afrik ko rewɓe ndokkaa. En njaɓɓoto Idiatou Ba, oo yo jokko koolaaɗo kuuɓal ndee waalde noddirteende inter profession daraniinde marol e kala ko jokki e golle kosam. Kasen en njaɓɓoto Note Sow, oo ardiiɗo GIE ɓirdugal kosam daara jolof. Ɓee rewɓe ɗiɗon fuu, miin kawrii e mum e hawriinde nde immaaɗe mum yo wallude golle kosam.

Toɓɓere yeewtere men yowitii hannde ko e ɓeydagol cogguuli teewu e nder yoga e leyɗe men e
nder doŋre Afrik. E ɗee leyɗe, kilo teew ɓurii hannde 5000 kaalis cfa. Holko woni sabaabu
majjum ? Holno renndo ngoo wuurdi ɗum ? Hol peeje kaanɗe ƴetteede e majjum ?
Ngam yewtude heen, eɗen njaɓɓii Aminata barro, jeyaaɗo e fedde nde wonaa laamuyankoore
daraniinde ƴeewngo cogguuli nguure, inniraande MODIEC, Mouvement pour la défense,
l'Information et l'Education des Consommateurs.
Kozo men goɗɗo ko ismaïla Sow, hooreejo fedde aynaave wiyateende Conseil National de la
Maison des Eleɓeurs du sénégal.

En ngaran hannde e toɓɓere tataɓere e sakkitiinde e alhaali Kaalisi Eco mo leyɗe Cedeao anniyii fampaade e hitaande 2027. Ɗum teeŋtinaa ko jonnde hooreeɓe leyɗe e guwernamaaaji fedde ndee, ñannde 19 lewru 7ɓuru yawtundu, to Freetown, laamorgo Sierra Leone. Yoga e leyɗe tawateeɗe e dental Cedeao njeyetaake heen e fuɗɗorde. Won heen ina njogii kaalis ko’e mum, won heen ko e dental Uemoa njeyaa, leyɗe huutortooɗe kaalis Cfa. Leyɗe AES ñaamata ko CFA kono njaltii e Cedeao e maayirɗe hitaande 2023. Holko jogori wonde darnde majje so oo ECO darnaama ? Holko ɗum waawi battinande ɓe to baŋŋe ngalu ? Mbele aɗe mbaawi jeyeede e ECO hayso ɗe nattii jeyeede e Cedeao ?
Ngam addude jaaabuule e ɗee naamɗe em njaɓɓoto hoɓɓe men heertoriiɓe ngalu e faggudu. Ousmane Ly jooɗii ko leydi Mauritanie, wonndude mussiɗɗo men Tidiani barry mo leydi men Guinee.