Faggudu e ɓamtaare Afrik

Tedduɓe heɗiiɓe rfi fulfulde, onoon e jam. On calminaama, on njettaama kala ɗo mbaawuɗon taweede e heɗaade e oo wakkati, ndee yeewtere, Faggudu e ɓamtaare Afrik. Hannde en njewtan e dow kabaaru kuran e ley leyɗe men ɗe. Eɗen anndi ko ɓuri jaalaade e leyɗe ɗe taƴugol kuuran ana taykee e keewal.

Ko woni sabaabu ngol taƴugol kuuran wakkati fuu? Ko saabi jaati coggu kuuran ana tiiɗi e leyɗe men ɗe? E hoɗum saabi kuuran huuɓaali nokkuuje ɗe fuu? En njaɓɓoto Abdoulaye DIA koolaaɗo kuuɓal WAPP, ndee gollirde hiirnaange Afrik daraniinde reendinde gollirɗe kuuran Afrik hiirnaange.

Nii woni yewtere nde, bisimilla moon !

Tedduɓe heɗiiɓe rfi fulfulde, onon e jam. On calminaama, on njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik. Hannde yeewtere nde ana fawii e tiiɗallaaji ɗi awooɓe njogii e gollal mum en. Hakkunde 10, 11 e 12 lewru nayoɓordu hitaande 2026, hawriinde mawnde hakkunde awooɓe immiiɓe e leyɗe keewɗe : Sénégal, Mali, Gambie, Guinée e goɗɗe.

Enɗam Subalɓe noddi ndee hawriinde, nde e muuɗum eɓe njiɗi anndinde kala tiiɗallaaji ɗi ɓe njogi e noddude dabareeji laatiiɗi yalla eɓe keɓa ɓamtaare e ngal gollal. Eɗen njaɓɓi Amadou Tera Sarr ardiiɗo waalde Enɗam subalɓe e Balla Sall, oo awoowo jooɗiiɗo Kanel, ɗoo e Sénégal. Nii woni yewtere nde, bisimilla moon !

Tedduɓe heɗiiɓe rfi fulfulde, onoon e jam. Oon calminaama, oon njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik.

Hannde en njewtan e dow ɗii cumuuji gaɗooji bonanndaaji mawɗi e ley gese, e cumuuji duubonnooji ladde.

E keɓe jawdi torra majjum ana mawni. To Guinée, e wakkati fuu cumu immoto

e gese, bonna jawdi maɓɓe fuu. En keɗoto heɓuɓe ɗii torraaji e hono ɗum waawirta sakkeede? En njaɓɓoto Bekaye Keita e Mouctar Sylla, ɓee ɗiɗon fuu remooɓe Kindia to Guinée.

Tedduɓe heɗiiɓe rfi fulfulde, onoon e jam. Oon calminaama, oon njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik. Hannde en njewtan e dow ndema maro.....e ñalaaɗe ƴaɓɓiiɗe ɗe, tefooje anndini ndema maro ɓeydiki e ley leyɗe Afrik hiirnaange ɗe. E majje leydi Guinée ana tawa. Ngol ɓeydagol ndema
maro e taweede haɗaali cogguuji maaro remeteengo e leyɗe menɗe ana heddi e tiiɗude illa e maro itteteengo caggal leyɗe. Hannde miɗon njaɓɓii Al hadj Mamadou Bobo Diallo ɓurɗo lollirde Bobo Denken, demoowo
maro innde anndite Guinée. Nii woni yewtere nde, bisimilla moon ! Abdoulaye Dicko

Hannde en njeewtan e alhaali Simandou, ndee nokkuure wonde to leydi Guinée nde jamɗe ittee e muuɗum. E jonte ƴaɓɓiiɗe ɗee golle majje puɗɗii e dow yamiroore laamu nguu. Ɗaminaare ana woodi golleeji Simandou mballan sanne faggudu leydi ndii. Koɗo men hannde yo Mamadou Lamarana Diallo, oo jeyaaɗo e ndee waalde "Action Mine", daraniinde laaɓal e golle oogirɗe.

Holno haani waɗeede yalla nafoore ana heɓee e Simandou ?

Tedduɓe heɗiiɓe rfi fulfulde, onoon e jam. Oon calminaama, oon njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik. Hannde en njewtan e dow moƴƴingol gasiije to leydi Bénin…en njaɓɓiki Djeynabou Sambou Sa’idou oo ardiiɗo ndee waalde adigawa golloore gasiije rewo leydi Bénin. Ndee waalde ana
darii e golle e njeygu e wallude jaati ɓamtaare gasiije. Nii woni yewtere nde hannde Bisimilla moon.

Hannde en njewtan e dow tiiɗallaaji ɗi marooɓe daabaaji(aynaaɓe) keɓata e waylitere hawaalu nde(waylo-waylo weeyo ngo). Eɗen anndi, ndee waylitere e wakkati ana saabo toɓooji ƴaɓɓiitiiji caabotooɗi bonannda. E wakkati duu, yoorooji mawɗi gaddooji rafi nguure e ndiyam saabo duu baatol daabaaji keewɗi. Ɗii torraaji ana ngaddana marooɓe tiiɗallaaji mawɗi e banngal faggudu mum en.

Tedduɓe heɗiiɓe rfi fulfulde, onoon e jam. On calminaama, on njettaama kala ɗo mbaawuɗon taweede e heɗaade e oo wakkati, ndee yeewtere, Faggudu e ɓamtaare Afrik. Hannde en njewtan e dow kabaaru kuran e ley leyɗe men ɗe. Eɗen anndi ko ɓuri jaalaade e leyɗe ɗe taƴugol kuuran ana taykee e keewal.

Ko woni sabaabu ngol taƴugol kuuran wakkati fuu? Ko saabi jaati coggu kuuran ana tiiɗi e leyɗe men ɗe? E hoɗum saabi kuuran huuɓaali nokkuuje ɗe fuu? En njaɓɓoto Abdoulaye DIA koolaaɗo kuuɓal WAPP, ndee gollirde hiirnaange Afrik daraniinde reendinde gollirɗe kuuran Afrik hiirnaange.

Nii woni yewtere nde, bisimilla moon !

Tedduuɓe heɗiiɓe rfi fulfulde, on calminaama. Bisimilla mon e yeewtere Faggudu e Ɓamtaare Afrik, hannde yeewtere nde ina nawra en to Mali. So on ciftori e ɗii dumunnaaji ɓennuɗi fof, njannguuji limlimtiinɗi mbaɗi faade e entreprisaaji Mali, ɗum waɗi ko bannge hirnaage leydi ndii e nder ɗii lebbi ɗiɗi paltiiɗe. Yanti hen kadi, ɓee kuliyankooɓe JNIM hollitnooɓe wadde
ɗiin njannguuji, ina mbaɗa kadi njannguuji faade lappi mobilaaji naawooji carburant e nder Mali. Ɓee kuliyankooɓe kolliti woni anniya maɓɓe ko wadde uddere fagguduyankoore faade e Mali. E nder ɗum holko ɗii njannguuji mbawi battinde to bannge faggudu. Koɗo men e ndee yeewtere ko Yaya Barry, fagguduyanke. Tedduɓe, bisimilla mon e ndee yeewtere.

Tedduɓe heɗiiɓe rfi fulfulde, onoon e jam. Oon calminaama, oon njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik. Hannde en tawete Saly, seraaji Dakar e hawriinde haɓɓodiinde e ballol marol daabaaji, golle kosam e kala ko haɓɓodii e mum. Marooɓe immoriki nokkuuje keewɗe taweede, tawtude
wittooɓe. Immaaɗe mum yo dawrude ko waawi wallude ɓamtal ngaynaaka e ley leyɗe men ɗe fuu. Nii woni yewtere nde hannde Bisimilla moon. Abdoualaye Dicko winndi.