Faggudu e ɓamtaare Afrik

Tedduɓe heɗiiɓe rfi fulfulde, onon e jam. On calminaama, on njettaama kala ɗo mbaawuɗon taweede e heɗaade e oo wakkati, ndee yeewtere, Faggudu e ɓamtaare Afrik. Hannde, eɗen Welingara ngoo wuro yo laamorde diiwaan jogiiɗo ndee innde wootere e ley diiwal Kolda. Mbiɗo jaɓɓii Demba Mballo, oo ɓiɗɗo diiwal ngal caggal duuɓi 23 yaa ngarta hakkunde France e maggal, no felliti jooɗaade e ley leydi makko.

Caggal nde mo udditi jannginirdu, Demba Mballo udditii jippinirdu hoɓɓe. E wii makko kala ana waawi golleede ɗoo e ley leyɗe Afrik ɗe. Hono ngoo miijo heɓira? Hol Tiiɗallaaji Demba Mballo heɓi ? Mo yeewtan ɗum fuu. Nii woni yeewtere nde, bisimilla moon!

Tedduɓe heɗiiɓe rfi fulfulde, onoon e jam. On calminaama, on njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik. Hannde en njewtan e dow tiiɗallaaji ɗii fitinaaji hakkunde Iran-Israél e Amerik caabi e banngal keɓal engrais. Eɗen anndi ɗii fitinaaji caabiki tiiɗallaaji mawɗi e banngal faggudu e ley leyɗe adunaaru ndu.

Ɗoo Sénégal, heertanaade e ley Cayar, ndee nokkuure nde kilometeruuji 58 woni hakkunde mum e Dakar, rafi engrais e ɓeydagol coggu mum woni ko remooɓe heewɓe tayki e ɗee jonte. E ɗum saabi kulol mawngol e banngal maɓɓe. RFI tawaama toon yewtidinde e maɓɓe.

Nii woni yeewtere nde, bisimilla moon.

Tedduuɓe heɗiiɓe rfi fulfulde, on calminaama. Bisimilla mon e yeewtere Faggudu e Ɓamtaare Afrik, hannde yeewtere nde ina nawra en to Mali. So on ciftori e ɗii dumunnaaji ɓennuɗi fof, njannguuji limlimtiinɗi mbaɗi faade e entreprisaaji Mali, ɗum waɗi ko bannge hirnaage leydi ndii e nder ɗii lebbi ɗiɗi paltiiɗe. Yanti hen kadi, ɓee kuliyankooɓe JNIM hollitnooɓe wadde
ɗiin njannguuji, ina mbaɗa kadi njannguuji faade lappi mobilaaji naawooji carburant e nder Mali. Ɓee kuliyankooɓe kolliti woni anniya maɓɓe ko wadde uddere fagguduyankoore faade e Mali. E nder ɗum holko ɗii njannguuji mbawi battinde to bannge faggudu. Koɗo men e ndee yeewtere ko Yaya Barry, fagguduyanke. Tedduɓe, bisimilla mon e ndee yeewtere.

Ngonɗen ko Cote d’Ivoire, e nder ɗee galle pinal woni Palais de Culture mo Abidjan ngam tawtoreede MASA hitaande 2026. MASA, ko koolol ñeeñal Afrik. Mo wiyi haala ko faati e jime e gami, kono kadi faggudu ndu heedataa heen caggal. MASA ko jeere yeeyoore ɓeen yimooɓe, amooɓe ... ekn. MASA kadi ko jeere ɗo geɗe keewɗe njeeyate (comci, paɗe,
laafaaji, e geɗe keewɗe goɗɗe tawo ko ñeeñe Afrik). Ko ɗum woni mbaadi walla toɓɓere yeewtere men hannde e nder taskaram faggudu e Ɓamtaare Afrik. En njeewtidii e yeyooɓe  heewɓe, ummiiɓe e leyɗeele goɗɗe, ngari ɗoo e MASA.

Tedduɓe heɗiiɓe rfi fulfulde, onoon e jam. Oon calminaama, oon njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik. Hannde en njewtan e dow keɓe jawdi jayndeeji men…eɗen anndi, ndeen mballiigu laamu, publiciteeji e mballa heɗetooɓe, ƴeewooɓe e janngooɓe ɗiin jaayndeeji mballanno no ɗi nguurdi. Hannde, annde keɗe ɗe, facebook, youtube, tik tok ekn ngaddii alhaali keso, ko saabi jaayndeeji tawaaɗi ɗi fuu mbaylii koɗal, naa mbaasi keɓe mum en. Eɗen njaɓɓii hannde Ibrahima Allaye Tiocary jaayndeyanke Mali ardiiɗo N’DAR TV e Nouhou
Baldé administrateur Guinéematin.com. 

Tedduɓe heɗiiɓe rfi fulfulde, onon e jam. On calminaama, on njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik. Hannde yeewtere nde ana fawii e tiiɗallaaji ɗi awooɓe njogii e gollal mum en. Hakkunde 10, 11 e 12 lewru nayoɓordu hitaande 2026, hawriinde mawnde hakkunde awooɓe immiiɓe e leyɗe keewɗe : Sénégal, Mali, Gambie, Guinée e goɗɗe.

Enɗam Subalɓe noddi ndee hawriinde, nde e muuɗum eɓe njiɗi anndinde kala tiiɗallaaji ɗi ɓe njogi e noddude dabareeji laatiiɗi yalla eɓe keɓa ɓamtaare e ngal gollal. Eɗen njaɓɓi Amadou Tera Sarr ardiiɗo waalde Enɗam subalɓe e Balla Sall, oo awoowo jooɗiiɗo Kanel, ɗoo e Sénégal. Nii woni yewtere nde, bisimilla moon !

Tedduɓe heɗiiɓe rfi fulfulde, onoon e jam. On calminaama, on njettaama kala ɗo mbaawuɗon taweede e heɗaade e oo wakkati, ndee yeewtere, Faggudu e ɓamtaare Afrik. Hannde en njewtan e dow kabaaru kuran e ley leyɗe men ɗe. Eɗen anndi ko ɓuri jaalaade e leyɗe ɗe taƴugol kuuran ana taykee e keewal.

Ko woni sabaabu ngol taƴugol kuuran wakkati fuu? Ko saabi jaati coggu kuuran ana tiiɗi e leyɗe men ɗe? E hoɗum saabi kuuran huuɓaali nokkuuje ɗe fuu? En njaɓɓoto Abdoulaye DIA koolaaɗo kuuɓal WAPP, ndee gollirde hiirnaange Afrik daraniinde reendinde gollirɗe kuuran Afrik hiirnaange.

Nii woni yewtere nde, bisimilla moon !

Tedduɓe heɗiiɓe rfi fulfulde, onoon e jam. Oon calminaama, oon njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik.

Hannde en njewtan e dow tiiɗallaaji e banngal faggudu keɓaaɗi e baawuɗi heɓeede e ɗii

fitnaaji gooduɗi hakkunde Iran-Israél e Amerik. Hello aranndeewo ngo en njewtii e dow

tiiɗallaaji faggudu taykaaɗi e ley adunaaru ndu fuu. Hello ɗiɗoɓo hannde ngo en njewta e dow

tiiɗallaaji taykaaɗi e baawuɗi taykeede e ley ruunde afrik nde.

Eɗen njaɓɓii koɗo men hannde, Alhassane Mariam Diallo fagguduyanke jeyaaɗo Guinée.

Nii woni yewtere nde, bisimilla moon!

E ndee yeewtere, Faggudu e ɓamtaare Afrik, en njeewtan e dow tiiɗallaaji e banngal faggudu keɓaaɗi e baawuɗi heɓeede e ɗii fitinaaji goonuɗi hakkunde Iran-Israél e Amerik. Jeewte ɗiɗi jokkondirɗe, caɗeele ɗee e faggudu Afrik e caɗeele ɗee e faggudu adunaaru nduu fuu. Hello araneewo ngoo hannde, en njeewtan e dow caɗeele faggudu adunaaru nduu saabe ngoo haɓo Iran-Israél e Amerik. Eɗen njaɓɓii koɗo men hannde, Alhassane Mariam Diallo fagguduyanke, jeyaaɗo to Guinée.

Tedduɓe heɗiiɓe rfi fulfulde, onoon e jam. Oon calminaama, oon njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik.

Hannde en njewtan e dow ɗii cumuuji gaɗooji bonanndaaji mawɗi e ley gese, e cumuuji duubonnooji ladde.

E keɓe jawdi torra majjum ana mawni. To Guinée, e wakkati fuu cumu immoto

e gese, bonna jawdi maɓɓe fuu. En keɗoto heɓuɓe ɗii torraaji e hono ɗum waawirta sakkeede? En njaɓɓoto Bekaye Keita e Mouctar Sylla, ɓee ɗiɗon fuu remooɓe Kindia to Guinée.