Dinngiral rewɓe

Ngam faamnude ko faati e alhaali ɓee sukaaɓe rewɓe ƴettooɓe deedi tawa ko pamarɓe, eɗen njaɓɓoo haannde Aminata Seydi, omo tawaa e bi'eteeɓe "Badienou Gokh", ɗum woni rewɓe ɓe laamu Senegal suɓii ngam ɗoftaade ngonka sukaaɓe ɓee teenti noon sukaaɓe rewɓe e nder nokkuujii leydi ndii. Kanko non omo joonanii en  Welingara, nokku wonuɗo to worgo Senegal. En njewtidat e makko ko faati e toɓɓere men hannde ndee, holko saabotoo ɗum, holko ɗum battinnta e cellal ɓanndu suka oo, kañum e ngonka makko e nder renndo ngo

 E jokkitaade jeewte men fawiiɗe e fowtagol rewɓe wakkati ɓeynugol, hannde ko no ɓe koytortoo (fuɗɗitortoo) golle maɓɓe caggal nde ɓe ndañi cukaloy maɓɓe.
 So ɗum balɗe  maa so lebbi tiiɗorma no waawi wonnde e wartugol debbo e gollal mum sarwiisi caggal ɓeynugol. No o haani heɓinnoraade, ngale ballal o haani waɗaneede, ɗee tinndinooje mbaawi wallude o, laawi ɗiye o jeyi jokkude. Ɗee lamnde kumpitotoɗen e jaabu koɗo men Fatoumata DIOP Sow. Fadde ɗum en keɗoto debbo jogiiɗo cukalel pamarel e no o tamborii haybu suka makko e gollal makko.

Balɗe seeɗa tan heddii Dakar jaɓɓoto fijooji JOJ. Endee hawriinde adunyankoore ɗo Afrik, aadi din no hokki rewɓe darnde mawnde.E ndee yeewtere en etoto faamude so den darnde goonɗii,ko rewɓe ɓee tambii e ɗii golleeji ,no ɓe nji'iri ɗii fijooji e ko ɗi mbaawi waylannde rewɓe athletɓe leydi  Senegal e ɓe Afrik.Hortense Dieju ,olempiyenjo kiɗɗo Senegal woni koɗo men hannde. E ndee toɓɓere en nanan du kongi yoga e sukaaɓe  heɓuɓe darnde tawdeede e etooji joj Dakar,en jeewtidan du e eltooɓe rewɓe athletɓe yoga e majjum.Naaten e yeewtere ndee.

Hannde yeewtere men yaarii en e juuɗe waalde kinsiba ɗo ɓe tawaa e golleeji ɗi ɓe ngaɗanta rewɓe waɗaaɓe opeere enɗi caggal nde ɓe tawraa ñawu kanser.

Suusam, semmbe, hoolaare, yiitugol hoore mum, ɓantaare… ɗum woni ko ɓee rewɓe kemtii caggal yiitondirde e ndee fedde Kinsiba. Ɗum ko sabu ballal ngal ɓe ndañi waɗaneede bannge moƴƴintinde miijooji maɓɓe caggal kulol e tampire ñawu kanser enndu.  Heewɓe e maɓɓe cifoken yiitude ko'e muɓɓen caggal waɗaneede heblooji nguurdam kesam e ndee eɓɓoore noddiraande « bulle de vie »

Fedde oms anndinii fodde rewɓe 135 no hasii mbaasa yonkiiji muɓɓen ɗo e hitaannde 2040
ɗo Afrik ɓaleeri so dabare heɓaaka e wii fedde OMS taweeni haddu leyɗe 5 ley 47 ɗo Afrik
tawraa program ƴeewgol ñawu ngu ko noddirtee depistage.Haddu leyɗe ɗiɗi tawraa du suudu
sawrirdu kanser timmundu

Hannde oo taskaram men Dinngiral Rawɓe hino e fawi e keeweendi ceerle e nder leydi Sénégal. Si em tuugike e wiɗtooji yaltinaaɗi, lewru kala ko gendiiɓe teemeɗɗe woni e seedude. Ko ɓuri hewde kon, ko rewɓe ɓeen woni e ƴamude walla laamndaade ɗeen ceerle. Hol saabii ɗum ? Hol battane ɗeen ceerle jogii e rendo ngoo? Ibrahima Niang hino jáɓɓii Woppa Diallo, daraniiɗo rawɓe, hertorɗo Sariya e Rabi Seydou Diallo, Renndoyankeejo. Heɗoɗen.

Hannde yeewtere nden no fawii e battane sattere guuree dow gurdam rewɓe ɓen to galleeji, coggeeli kuuje
soodeteeɗe moƴƴiree neema. En puɗɗiran heɗaade konnguɗi maɓɓe e luuɓe (jeere) to tawuɗen ɓe e
soodude somayji/maafe. Caggal ɗum en jaɓɓoto koɗo men hannde Aminata Barro hooreejo
fedde heedanoore rewɓe bange cogguuji e ko kuutortoo.

Toɓɓere men hannde no yowii e debbankaaku,no ɗum sifoorii hannde e leyɗe men,laawi mum e ko ɗum nafi.Yidde faamu
majjum ,en njaɓɓoto renndiyanke ɗum woni Sociologue, Rabi Seydi DIALLO.Fadde men e heɓude jaabu lamnde e juuɗe makko ,en calminan sakiraaɓe men yoga wadduɓe ji'anɗe muɓɓen e ndee toɓɓere.Naaten e yeewtere ndee!

 E jokkitaade jeewte men fawiiɗe e fowtagol rewɓe wakkati ɓeynugol, hannde ko no ɓe koytortoo (fuɗɗitortoo) golle maɓɓe caggal nde ɓe ndañi cukaloy maɓɓe.
 So ɗum balɗe  maa so lebbi tiiɗorma no waawi wonnde e wartugol debbo e gollal mum sarwiisi caggal ɓeynugol. No o haani heɓinnoraade, ngale ballal o haani waɗaneede, ɗee tinndinooje mbaawi wallude o, laawi ɗiye o jeyi jokkude. Ɗee lamnde kumpitotoɗen e jaabu koɗo men Fatoumata DIOP Sow. Fadde ɗum en keɗoto debbo jogiiɗo cukalel pamarel e no o tamborii haybu suka makko e gollal makko.

E nder doŋre Afrik, debbo so jibinii ina heɓa fooftere golle mum hakkunde jonte 14 e jonte 16. Kono yoga e leeyɗeele njottaaki ɗoon. To Tunisie, ko jonte 4, to Guinee-Bissau, ko jonte 8. Leyɗeele keewɗe ndonkii waɗde no Senegal e Cote d'Ivoire ngam ɓeydude ndee fooftere rewɓe jibinɓe. Holko saabii ɗum?

Ko ɗum woni toɓɓere yeewtere men hannde