Toɓɓere yewtere ndee hannde, ana haala fii alhaali hettingol sera rewɓe jokkuɓe, ñakuɓe walla mbi'en rewɓe ɓe hiɓɓa. Ɓee rewɓe ana ngonngi e caɗeele kewɗe e nder renndo saabe alhaali no ɓe gorri nii. Ɗun ana laati sabaabu haalaaji ɗi mbella fewnde e maɓɓe. E nder yoga e leyɗe Afrik peeje ɓamama e ngam walitaade rewɓe jokkuɓe, ka jonon faahan tiiɗallaaji ana jokki.

Holko haani waɗeede ngam ɗowtude ɓee rewɓe gonɓe e ɗee caɗeele ? E jonnde ndee, eɗen gonndi e Tacko Fall jeeyaɗo Moritani debbo ŋakkuɗo tinniiɗo sanne, o sifonto en alhaali nguurndam makko. Jaɓɓoɗen kadi Brehima Eli Dikko wiɗtotooɗo, jannginoowo to Uniwersité Bamako, laamorgo ngon.

Toɓɓere yewtere ndee hannde, ana haala fii alhaali fijooji yuɓɓinteeɗi tiimoode hitaande. Hitaande kala e nduu lewru sappo ɗiɗaɓuru juldeere Nuwel e tommoode hitaande  (ñannde 31 lewru 12ɓuru) fijooji no yuɓɓinee.
E oo ɗoo saha no woodi rewɓe e worɓe wuurduɓe annde no ɓe feƴƴinira ɗii feetooji.
E jonnde ndee, en keɗoto jantoore nde Ester simpa Blaksindi waɗi e ley lumooji Garwa rewo Kameerun.
Hoɓɓe hannde ko Umaar Kasoge wonɗo Mali, e Ayssata Dikko jooɗiiɗo Burkina Faso.

Toɓɓere yewtere ndee hannde, ana haala fii alhaali suningol, woɓɓe wi'a huddugol sukaaɓe rewɓe e nder Afrik.
Eɗen anndi hooreeɓe leyɗe ɗee ɓamii peeje ngam haɓude oo bone ngaɗeeteeɗo e sukaaɓe, ngaddoowo ñabbuuli keewɗi e maɓɓe. E yewtere ndee hannde, hoɓɓe men sifanto en ko holto  teddingol ɗii sariyaaji toŋuɗi ɗum e ley Afrik.
 

E jonnde ndee, eɗen gonndi Ummu Kayri JALLO, hooreejo fedde sukaaɓe rewɓe Gine daraniinde hakkeeji maɓɓe. Koɗo men e yewtere ndee, ko honorable Khali JALLO, sarɗiyankooje Moritani, kaɓanoowo hakkeeji rewɓe.

E hitaande 2023, e yontere fotde rewɓe 4 000 mawɓe e sukaaɓe keɓii ñawu SIDA e winndere ndee. Ko ɗum anndini ONUSIDA woni salndu Dental adunaaru heertariindu haɓde e SIDA. E bi’ol nduu e nder teemdere kala wonnduɓe e SIDA e aduna oo, 53 ɓee ko rewɓe. Kono ko duunde Afrik nguu ñawu ɓuri tampinde, tawde fotde miliyonji 25 ina ngonndi e SIDA e nder Afrik. Ɗoon non kadi ko rewɓe ɓee ɓuri lorraade e nguu ñawu.

E yeewtere men hannde nde, hawrude e lewru teddiniraandu haɓude e ñawu SIDA, ko rewɓe wonnduɓe e oo ñawu ngartaten. Holno ɓee nguurdi e nguu ñawu? e Hol darnde maɓɓe ngam falaade ngu? Ngam yeewtude heen, en njaɓɓoto Aysatu Dalande Jallo, tawateeɗo e fedde walloore wonnduɓe e Sida, ina wonndi e Dr Kajatu Siise, doktoor keeroriiɗo  rafi SIDA.

Balɗe 16 teddiniraaɗe haɓde e fitinaaji paweteeɗi e ɗow rewɓe fuɗɗiima gila e altine 25 lewru 11ɓuru e nder adunaaru nduu haa ñannde 10 lewru 12ɓuru. Ko e oo saha pelle ɗe ngonaa-laamuyankooje daraniiɗe hakkeeji rewɓe ɓee, ndadotoo ngam hirjinde rewɓe ɓee, reerɗinaɓe ɓe suusa feññinde  ɗii fitinaaji pawateeɗi e maɓɓe. Tuugnaade e cimtol ngol njuɓɓundi rewɓe Afrik nodirteendi  ' Rewɓe wootanaaɓe e suɓngooji dowri yaltini e lewru 1ɓuru ndee ɗoo hitaande, debbo gooto e nder rewɓe ɗiɗo piyaama, ndoolaama waala njanaama e mum e nder Afrik. Rewɓe sappo e jeegom e nder teemedere kala ina piyee walla njanee e mum tawa ko e nder galleeji maɓɓe.
Holko saabi ɗii fitinaaji pawateeɗi e dow rewɓe ina njokki ? Holno ɓee rewɓe mballirtee ? Ko e oo alhaali njeewtaten hannde.

Tedduɓe keɗiiɓe RFI Fulfulde, on jaaraama, bismilla mon e yewtere men Dinngiral Rewɓe dow rfi Fulfulde.Toɓɓere yewtere ndee hannde no haala ko faati e alhaali balɗe adunayankooje sappo e jeego  kertinanaaɗe mehugol fitinaaji to baŋŋe rewɓe. E jonnde ndee, eɗen tawdaa e ummu SI moritaninaajo, debbo daraniiɗo hakkeeji rewɓe ɓen e nden leydi ndii.

Koɗo men hannde yo Mammadu BA, ko malinaajo. Omo tawaa e pelle ɗuuɗuɗe daraniiɗe hakkeeti rewɓe.Ɗum woni toɓɓere  yewtere ndee, bismilla mon ka heɗaagol.

Toɓɓere yewtere ndee hannde, ana haala fii alhaali nguurndan sukaaɓe rewɓe gollooɓe e ley cuuɗi. Eɗen anndi ɓee rewɓe ana keewi e ley galleeji ɗii ngam wallude, woɓɓe haybude sukaaɓe ngam heɓude njawdi.
E ɗee yontere ƴaɓɓiinde fedde nde wonaa-laamuyankoore yaltinii teffoore e alhaali nguurndan ɓee rewɓe
gollooɓe golle nder cuuɗi. Ndee teffore waɗaama e leyɗe e leyɗe buy hono Mali, Senegal, Gine, Benen kañun e Togo.
Njaltundi ndoo hollii wonnde yoga e ɓee rewɓe ana gonndi e caɗeede kewɗe fii heɓtugol  kalisi maɓɓe so lawru maayi.
E jonnde ndee, eɗen gonndi e Ayssatu Balde JALLO, jeyaaɗo Gine tawtoraaɗo e golleeji
ndee teffore, ko kanko woni koɗo men. Ko kanko woni kadi hooreejo sendika daraniiɗo
ɗowtude e haɓangol hakkeeji ɓee rewɓe gollooɓe e ley cuuɗi e nder Gine.
E yewtere ndee, en keɗoto jantoore, ndee Hammadi Aadamu waɗani to Benen e alhaali ɓee
rewɓe. Yewtere ndee joɗiike bismilla mon.

Toɓɓere yewtere ndee hannde, ana haala fii alhaali potal rewɓe e worɓe e politik hertamuya e cuuɗi depiteeɓe leyɗe men.
On anndi, e ɗii wooteeji sarɗiyankooɓe kaanuɗi waɗude ɗo Senegaal e nduu lewru, doggi na en biiyan ɗereeji woɓɓe e ɗaɓannooɓe woote calaama saabe rafi waɗude rewɓe e ɗii doggi. Nde wonno Senegaal ana jogii sariyawol noddirteengol "parite" ɗum woni potal rewɓe e worɓe e nduu suudu depiteeɓe.

Cappanɗe e ley teemederewl bannge fuf rewɓe haani taweede.

On alhaali worri e leyɗe goɗɗe Afrik, e jonnde ndee eɗen gonndi e Sumahu Samatu JALLO, debbo ngaɗoowo politik, jeeyaɗo Gine, omo tawaa e fedde dawro IFDG. Koɗo men hannde, Sawudatu Mammadu Wane depiteejo to suudu sarɗiyankooɓe Moritani.

 Toɓɓere yewtere ndee hannde, ana haala fii alhaali kawrital hertoriiɓe sariya ngaɗungal nder Dakar laamorgo Senegaal e timmooɗe lewru ƴaɓɓiindu nduu. Ndee jonnde balɗe tati hawrondinii hertoriiɓe sariya leyɗe keewɗe Afrik, yeru Niijeer, Mali, Benen, Togo e Tunisi e leyɗe keewɗe goɗɗe. Ɗum waɗii e maanditaade heɓugol duuɓi cappanɗe joyi e sosugol fedde gollooɓe e bannge sariya Senegaal noddiraande AJS.

E on alhaali toɓɓe keewɗe yewtaama e footi e hakkeeji rewɓe heɓaaɗi, ko haani ɗaɓɓeede kañun alhaali heɓugol rewɓe sariya e nokkuuje ɗo fitinaaji na basiiji goni.E yewtere ndee hannde, eɗen njaɓɓi Abi JALLO, gooto e mawɓe AJS, ɗun woni fedde hertoriiɓe sariya ɗo Senegaal.Pr Dielya Yaya Wane hooreeji salndu daraniinde wittude e peeje ndeenagu e jam to Cheds Koɗo men ko Balkisa JALLO hertoriiɗo sariya Niijeer kawruɗo e jonnde ndee.

Tedduɓe jokkiiɓe  rfi fulfulde bisimilla mon e yewtere men dinngiral rewɓe. Toɓɓere yewtere ndee hannde, ana haala fii alhaali "Oktoobur Rose", nduu lewru sappoɓuru hertananaandu rewɓe heɓude ñawu yiila (soto) Kanseer e fransiire. Ko ujune rewɓe gonndi e nguu ñawu.  Yoga e maɓɓe  enɗi mum ko taƴaaɗi, woɓɓe ko e rennga maɓɓe ɓe heɓata oo kanseer noddirteeɗo e faransiire "Cancer du col de l’utérus".Kanseer ko ñawu bonngu, kono jogiingu safaare so ngu yiitaatama law. Faandaare nduu lewru "Oktoobur Rose", ko waɗude kawrite e wallude rewɓe ƴeewude (ndartude cellal) hoore maɓɓe, ɓe annda so  tawii hiɓe gonndi e ñawu nguu.
Koɗo men e yewtere ndee hannde, ko Faatu Fall, hooreejo fedde "la solution pour la lutte contre le Cancer", ɗum fii ɗaɓɓugol dabareeji e haɓude ñawu yiila (soto). Kanko e hooree makko e heɓiino Kanseer o ndikki. Yewtere joɗɗinke bismilla  mon.