Dinngiral rewɓe

E ndee yontere ɗoo, taskaram men no nawri en  to Institut Fransais Dakar,  "Carte Rose" Senegal mbarjitii gollidiiɓe mum. E ndee ñalaande, baale walla gollidiiɓe 5 keɓii mbarjaari ( mbuuñaari) saabu faabagol rewɓe e sukaaɓe rewɓe. Golle ɗe ɓe mbaawi laatinde saabu gollidugol e "Carte Roose Senegal". Karte Rose loowdi ɗo ɓe njiitondiri e rewɓe e sukaaɓe rewɓe ƴeewannooɓe mballa banŋŋal sariya, hakkeeji maɓɓe, cellal. Ko won karte rose, ko ndii loowdi nafirta rewɓe e sukaaɓe rewɓe  ɗo Senegal. En etoto faamude ɗum e yeewtidinde e miijiiɓe ɗee golle, gollidiiɓe maɓɓe e ko woni nafa mum hannde? 

Dewgal hakkunde yimɓe ɓe koddaa na tiiɗi, na naamndi muñal, tinnaaɗe e paamondiral. Yeeweende e sikke no mbaawi battinde e ɗeen dewle faa ɓura dewgal wonnduɓe nokku gooto. Heewɓe no miila ɗee dewle mbaawaa tabitingol. Maa woon nde ndonkuɗon faamondirde. Koreeji mon maa sakiraaɓe mon mimsina on, ko waawi bonnude dewle keewɗe saabu mboɗɗirka. Ɗum e wonnde fuu yoga no tabintina dewgal mum en taw koddaa.

No ɗum waawi yaarude? ko woni caɗeele majjum? ko haani waɗeede no ɗum waawi tabitirta? E ndee yeewtere en laamndoto ɗum wonuɓe e dewle ɓe ngaldaa e nokkuuje goote

Warngo rewɓe no laatii huunde ɓurnde bonde e tampereeji ngaɗeteeɗi e rewɓe. To Mauritanie limoore hiɓɓunde anndaaka sabu ŋakkere ɗowgol pelle daraniiɗe hakkeeji rewɓe to baŋŋe laamu e baasgol woodde sariya deenoowo hakkeeji rewɓe.

Yeewtere men ndee no haɓɓodii e ɗin warngooji ngaɗeteeɗi e rewɓe e leyɗe men. Hoɗɓe men hannde ko Djeneba DIOME, daraniiɗo hakkeeji rewɓe to Mauritanie, Kadiata Malick DIALLO Mauritanie e Aminata Pilimini jaayndeyanke hooreejo jaynde actu-elles.infos ,daraniiɗo hakkeeji rewɓe to Guinee.

E  ndee yontere yeewtere men Dinngiral Rewɓe bamboto Dinngiral Jam e ndeenaagu ,jonnde waɗaande Dakar laamorde Senengal  20 e 21 ndu lewru etaade dabareeji kesi jam e ndeenaagu leyɗe Afrik.
Toɓɓere men hannde  wuuñorto e darnde rewɓe bangal daranagol jam e haɓugol e rafi ndeenaagu leyɗe. Fay so tawii eɓɓoore aranere rewɓe Afrik faabaade laawi jam heɓaama gilla e 1997, ko nafti golleeji keewɗi faa jooni kongi maɓɓe ɗuuɗaa e to dabareeji  mawɗi ɗin koynetee taweeni kamɓe  rewɓe e sukaaɓe maɓɓe woni ɓe fitinaaji ɓuri battinde  e muɓɓen yeru ko yi'etee to Sahel ,to Sudan,  e leyɗe goɗɗe Afrik to fitinaaji jom en kaɓorɗe gon to Somali e to funnange RDC.Ko waawi laataade darnde maɓɓe ,kamɓe wonuɓe e lunnde mawnde ne'ugol sukaaɓe,ko ɓe mbaawi waylude e ɗee caɗeele.Ɗee tinndinooje ɓe mbaawi waɗude e rendo ngo ,ko ɓe kaani faaboreede waawtude ɗoytugol koyɗe jam  ley aduna e ɗo leyɗe men Afrik.

Faa keɓen faamude ko ɓuri yaajude e toɓɓere men ,en keɗoto rewɓe yoga finooɓe e ɗee gure to fitinaaji tawaa,en nanan kongi worɓe goonɗinɓe darnde ɓee rewɓe.Koɗo men hannde du wo debbo daraniiɗo kisal,kanko woni Binta Gascon Sidibe hooreejo waalde kisal,waalde sosaannde saabu ɗi fitinaaji tiɗɗi to e yidde faabaade rewɓe ɓurɓe loraade e ɗii alhaaliiji.

Tedduɓe heɗiiɓe rfi fulfulde, bissimila mon e yewtere men Dinngiral Rewɓe. Toɓɓere yewtere ndee hannde, tiiɗallaaji ngonɗi e leyɗe men Afrik. e ɗii lebbi ana taskaa ɓeydagol cogguuli gaz defirɗo, ƴulɓe, tiiɗugol cogguuli ko ñaamete. Hooreeɓe yoga jaati, hooreeɓe ɓe nantini ngol ɓeydagol.On alhaali ana tiiɗani sanne rewɓe, holko peeje ɓe kaani ɓe ɓami e ɓuytude
caɗeele tiiɗalla goduɗo. Ndee wonno e yonte ƴaɓɓiiɗe, seppooji ngaɗi to Mauritanie ngam mettininde ɓeygugol ɗii cogguli.E jonnde ndee, eɗen gonndi e Djeneba Dia, jannginowo to Nouackcott lamorngo Mauritanie. Koɗo men hannde, ko Fatoumata DIALLO, malinaajo Yewtere ndee joɗɗike, bisilamon e heɗaade.

Tedduɓe heɗiiɓe rfi fulfulde, bisimilla mon e yeewtere men dingiral rewɓe. Toɓɓere yewtere ndee hannde, ana haala fii alhaali rewɓe waɗude golleeji lobbi e semmbinde ɓamtaare rewɓe e nder leyɗe men Afrik. Hannde e yeewtere men, eɗen njaɓɓii gooto e maɓɓe Hadja Aicha Bah Diallo, jeyaaɗo Gine.

Tedduɓe heɗiiɓe rfi fulfulde, bisimila-mon e yewtere men dinngiral rewɓe. Toɓɓere yewtere ndee hannde, ana haala fii alhaali teŋe dewgal, wonɓe biyan cabbirɗi. Oo fina tawa gonɗo leyɗe men, ko huunde teddunde sanne, rokkude ɗee teŋe woni fuɗɗode dewgal.

Duuɓi ƴaɓɓiiɗi ɗi, ɗii cabbirɗi ana tiiɗuno, ka jooni ɗun warti wasodirgol, moni kala ana yiɗi wiye kañun ɓuri hokkude jawdi teeŋti e kaalisi teŋe dewgal. Yalla so oo aada mawɗo e leyɗe men warti ngal ɓurondirngal, eɗen mbaawi wiide teddungal heddaaki e ɗe tenŋe. Hoko haani waɗeede ngam wartude e ko woduno arane e on alhaali. E yewtere ndee, eɗen njaɓi Pr Alpha Amadou Bano Barry, sociologue renndoyanke jannginoowo to université mo Sonfonia to Conakry

laamorgo Gine.

Tedduɓe heɗiiɓe rfi fulfulde, bisimila-mon e yewtere men dinngiral rewɓe. Toɓɓere yewtere ndee hannde, ana haala fii alhaali rewɓe ɓamtiiɓe e jawdi e nder dewle maɓɓe. Eɗen anndi, rewɓe heewɓe wonɓe e dewle ana ngolla, woɗɓe ana ngaɗa njeeygu, ngam heɓude kalalis e wallitaade cuuɗi maɓɓe.

Hono yiruɗon ɓee rewɓe, yalla ngal ballal jawdi ngal ngaɗata e dewle, cuuɗi maɓɓe ana waawi lataade sabaabu, ŋotude toraaji ngaɗeete e dow maɓɓe. Yalla ɗun ana wadda mbelamma hakkunde worɓe e rewɓe ɓe e ley galleeji. E yewtere ndee hannde, eɗen njaɓi Mme Doucouré Asmaou BAH, ardiiɗo kala ko faati e tourisme kañun e hotaali e nder Gine. Ko kanko woni koɗo men hannde. Yeewtere ndee joɗɗike bisilamon e heɗaade

Tedduɓe heɗiiɓe rfi fulfulde, bisimila-mon e yeewtere men dinngiral rewɓe. Toɓɓere yewtere ndee hannde, ana haala fii heɓude rewɓe ɓe ngalaa e dewle, na mbiyen ɓe ɓamaaka law. Eɗen anndi on alhaali ana taska e renndo ngo ko ɓooyi e nder leyɗe men. Ɓee rewɓe ana ngonndi e caɗeele mawɗe, saabi noneeji haalaaji keewɗi ana haale e dow maɓɓe, konngi ɓuri manude woni, ɓe rewɓe yiiɗa dewle, ko ɓe suɓotooɓe ? woɓɓe ɗun ana laato sabaabu rafi paamondiral e koreeji maɓɓe.

Holko saabi renndo, ana yiiri ɓe rewɓe no haana ? ko haani waɗeede ngam ɗowtude ɓe rewɓe wonɓe e on alhaali. Hannde e yeewtere ndee, njaɓɓiɗen ko Dr Halima Diallo, oo sociologue maa mbiyen renndoyanke, jannginoowo to duɗal jaaɓi-haattirdi Cheikh Anta Diop Dakar. Yeewtere ndee joɗɗike

Bisimila mon e heɗaade.

Yeewtere men Dinngiral Rewɓe, hannde, ana haala fii heɓude rewɓe Mauritanie hakkeeji maɓɓe e bannge sariya, so ɓe ndañii caɗeele. Eɗen anndi e ɗii duuɓi, caɗeele keewɗe ana taskaa e yoga e leyɗe Afrik, ɗun woni dolugol walla yenugol rewɓe. Wonɓe ana heɓɓa caɗeele e dewle maɓɓe, ko ɓuri e leyɗe men afrik sariyaaji ɓamaama ngam tottude rewɓe ɓee hakkeeji maɓɓe so ɓe tooñaama. To Mauritanie, tafon rewɓe ndii leydi heɓaali ɗii sariyaaji. Ɗun so tawi eɓɓoore ana woodi e fannu ana fotta duuɓi kewɗe jooni, ka faa jooni oo, eɓɓore noddiraade karama wotaake. Holko saabi ɗun ? Holno ɓee rewɓe leydi Mauritanie toñaaɓe ngaɗata ngam heɓde sariya. E yewtere ndee, eɗen njaɓɓo hoɓɓe ɗiɗon, kadiatou Moussa SOW, ko ɗowtoowo ɓee rewɓe dolaaɓe e ɗaɓude sariya. Koɗo men ɗiɗaɓo oo ko Kadiata Malick Diallo, depiteeji na en biiyan sarɗiyanke to Mauritanie, omo haɓono hakkeeji rewɓe.