Dinngiral rewɓe

E nder yoga e leyɗe Afrik, teeŋti e Afrik bannge hirnaange, so tawi debbo, jom galle makko maayi walla sankiima, debbo ina heewi heddaade e nder galle, ɗum ko hayso tawi o welaaka. Koɗo men e ndee yeewtere ko Ramata Kane, renndoyankeejo, Moritaninaajo. E nder yeewtere nde kadi, ma en keɗo rewɓe ɗiɗo jáɓɓe seedaade e oo alhaali.

 Toɓɓere yewtere ndee hannde, ana haala fii alhaali, rewɓe loñaaɓe sera saabu hiɓe wondi e ñawu yilla " kanseer"  ɗemnɗi. Oɗon anndi nduu lewru sappoɓuru ana hertana haɓude e ngu ñawu yiila e nder adunaru nduu.
E limoore ndee salndu ONU kalfinaaɗo sakkiti hokkude, ko ɓuri miliyooji ɗiɗi e feecere rewɓe ana gonndi e ñawu yiila ɗemnɗi e nder adunaru nduu. E yimɓe wonnduɓe e ngu ñawu, tennti e Afrik yoga maɓɓe e hettina seera, holko saabi ɗum, holno haani waɗeede ngam walude ɓee. E yewtere ndee, eɗen gonndi e Awa Dieng jeeyaɗo Moritani, heɓude yiila ɗemɗi,Koɗo men e yewtere ko Binta Anne, joyiiɗo Washington Amerik, oo pisikoloogjo, ana wi'ee sawrowo joɗɗingol
hakkile.Yewtere ndee joɗiike bismilla mon e keɗaade.

Toɓɓere yewtere ndee hannde, ana haala fii alhaali, yewte ngaɗeeteeɗe e dow internet e mejaaje renndo ko faati e goondal walla jiidigal hakkunde debbo e gorko. Ana taskaa ɓeydagol e ɗi duuɓi yewte yimɓe innitortooɓe coach, jannginooɓe, ɓee yimɓe ana haala e toɓɓe kewɗe tennti e jiidigal gorko e debbo e dewgal, na yiiɗodirnɓe.
On alhaali ana waɗi caɗeele hewɗe, ndee wonno sukaaɓe rewɓe farmaaɓe ana nawtoroo ɗee jewte, ko ɓuri hewde e maɓɓe jaati e dow ɗi mejaaje renndo ɓee sukaaɓe janngata gonngal debbo e gorko. E jonnde ndee hannde, eɗen njaɓɓi Jeneba en ɗiɗon, Jeneba Jallo hooreejo fedde "mon enfant" ma wi'ee, gonnde ko Gine. Jeneba JAH woni koɗo men e yeewtere ndee, ko renndoyanke to Mali, sociologue e faransiire. Yewtere ndee joɗɗiike, bisilamon e heɗaade.

Tedduɓe heɗiiɓe rfi fulfulde, bissimila-mon e yewtere men dinngiral rewɓe. Toɓɓere yewtere ndee hannde, ana haala fii alhaali rewɓe nannduɓe e worɓe.Rewɓe yoga, ana joggi mbaadi worko, bannge terɗe, haala,  woɓɓe e maɓɓe no  joggii waare.Ko ɓuri heewude fuf e leyɗe Afrik ɗe, ɓe rewɓe  ana joggii caɗeele e renndo, ɗun ana haɗi yoga e maɓɓe heɓude
dewgal. Ɗum waɗa woɓɓe kadi loñee sera. Siftinde alhaali oo atletjo siidafriknaajo noddirteeɗo "Caster Semenya" ,
honorooɓe ( nannduɓe e maɓɓe no ɗuuɗi), nantini jaati ko foolondira e worɓe atleeɓe saabi mbaadi makko. Holko saabii
waylital terɗe maɓɓe, e ko holno  ɓe haani ɗowtireede.E jonnde men ndee hannde  eɗen gonndi e Cherif Mariam Aidara anndiraaɗo e Mbappe Kolda, saabi omo nanndi e gorko.Koɗoɗen hannde e yewtere ko Dr Ibrahima Sory Barry, "Endocrinologue" hertoriiɗo e alhaali e hormone. Yewtere ndee joɗɗiike, bisilamon e heɗaade.

Hannde hiɗen njeewta ko faati e ɓee rewɓe certaaɓe , artooɓe e galleeji maɓɓe tawa ina ngondi e sukaaɓe. Ɗum wonaa huunde  weeɓunde. Ko ɓuri e heewde, ko hallullaaji cewɗi hakkunde e ɓe ndenduɗaa galle, ŋiñooje, caɗeele sukaaɓe maa wurɓe e oon galle. Ko holno woniri ngurndam ɓee rewɓe seraaɓe tawa ina ngondi e sukaaɓe maɓɓe. Ngam jabaade ɗee
namne, ma em njaɓɓo, debbo gooto ceraaɗo, tawi ko gartuɗo e galle bammakko ina wondi e ɓiɓɓe mum. E nder yeewtere ndee kadi, ma em njaadu hen e Dieynaba Niane, Badien Gokh, woni dogooɓe koyɗe jam e nder rendooji meen. Teduuɓe bisimilla mon e heɗaade.

Leeɓte walla torlaaji faade e rewɓe ina njokki yiyeede e nder yoga e leyɗe, teeŋti to baŋŋal Afrik. Ngam wadde kirjinooji e falaade ɗii boneeji, ñannde Alet 20 nduu lewru ngoɗen, fedde daraniinde hakkeeji rewɓe noddirteende “reseaux sigil jigen” e ballondiral mum e pelle goɗɗe dillooje e oon fannu, ngudditii jonnde ɗo e Dakar, laamorde Senegal. Faandaare nde ko wootere, woni wiide yoni fitinaji walla torlaaji faade e rewɓe.

Tedduuɓe heɗiiɓe Rfi fulfulde, caggal nde calminmi on, hannde ko ɗum woni toɓɓere yeewtere men. Hol peeje ngam dartiinde ɗii fitinaaji? Mbele kirjinooji baɗateeɗi ɗii ina mbattina e nder renndooji men. Koɗo men hannde ko Houraye Mamadou Anne, tawanooɗo e ndee jonnde. E nder yeewtere nde kadi, maa en keɗo seede gooto taw ko debbo guurɗo fitinaaji e nder dewgal mum. Tedduuɓe bisimilla mon e heɗaade....

E nder yoga e leyɗe Afrik, teeŋti e Afrik bannge hirnaange, so tawi debbo, jom galle makko maayi walla sankiima, debbo ina heewi heddaade e nder galle, ɗum ko hayso tawi o welaaka. Koɗo men e ndee yeewtere ko Ramata Kane, renndoyankeejo, Moritaninaajo. E nder yeewtere nde kadi, ma en keɗo rewɓe ɗiɗo jáɓɓe seedaade e oo alhaali.

Hannde toɓɓere men no yeewta e alhaali battane waylwaylo weeyo faade e rewɓe dowriyankooɓe ɓee. Heɗen nganndi ina woodi rewɓe, dillooɓe e ndema, caggal ndungu, heɓe ndema hay e ceeɗuuji gila e gese haa sardinŋaaji, e golle goɗɗe njaadooje mum. Hoɓɓe men e ndee yeewtere ko Dienaba Diop, dillowo e ndema, kolaaɗo kuɓal GIE kawral rewɓe
Cubalel, rewo leydi Seenegal. Binta Dieng, hertorɗo taariinde ngonnɗo Guinee. Tedduuɓe ko e ɓee ɗiɗo njewtideten e mum. Bisimilla mon e heɗaade.

Hannde oo taskaram men Dinngiral Rawɓe hino e fawi e keeweendi ceerle e nder leydi Sénégal. Si em tuugike e wiɗtooji yaltinaaɗi, lewru kala ko gendiiɓe teemeɗɗe woni e seedude. Ko ɓuri hewde kon, ko rewɓe ɓeen woni e ƴamude walla laamndaade ɗeen ceerle. Hol saabii ɗum ? Hol battane ɗeen ceerle jogii e rendo ngoo? Ibrahima Niang hino jáɓɓii Woppa Diallo, daraniiɗo rawɓe, hertorɗo Sariya e Rabi Seydou Diallo, Renndoyankeejo. Heɗoɗen.

Yeewtere men Dinngiral Rewɓe, hannde, ana haala fii heɓude rewɓe Mauritanie hakkeeji maɓɓe e bannge sariya, so ɓe ndañii caɗeele. Eɗen anndi e ɗii duuɓi, caɗeele keewɗe ana taskaa e yoga e leyɗe Afrik, ɗun woni dolugol walla yenugol rewɓe. Wonɓe ana heɓɓa caɗeele e dewle maɓɓe, ko ɓuri e leyɗe men afrik sariyaaji ɓamaama ngam tottude rewɓe
ɓee hakkeeji maɓɓe so ɓe tooñaama. To Mauritanie, tafon rewɓe ndii leydi heɓaali ɗii sariyaaji. Ɗun so tawi eɓɓoore ana woodi e fannu ana fotta duuɓi kewɗe jooni, ka faa jooni oo, eɓɓore noddiraade karama wotaake. Holko saabi ɗun ? Holno ɓee rewɓe leydi Mauritanie toñaaɓe ngaɗata ngam heɓde sariya. E yewtere ndee, eɗen njaɓɓo hoɓɓe ɗiɗon, kadiatou
Moussa SOW, ko ɗowtoowo ɓee rewɓe dolaaɓe e ɗaɓude sariya. Koɗo men ɗiɗaɓo oo ko
Kadiata Malick Diallo, depiteeji na en biiyan sarɗiyanke to Mauritanie, omo haɓono hakkeeji
rewɓe.