Dinngiral rewɓe

Tedduɓe heɗiiɓe rfi fulfulde, bisimilla-mon e yeewtere men dingiral rewɓe. Toɓɓere yewtere ndee hannde, ana haala fii alhaali rewɓe waɗude golleeji lobbi e semmbinde ɓamtaare rewɓe e nder leyɗe men afrik. Hannde e yeewtere men, eɗen njaɓɓii gooto e maɓɓe Hadja Aicha Ba Diallo, jeyaaɗo Gine.

Oo jannginiino chimie, hade makko waɗeede jaagorɗo kalfinaaɗo jannde, on sahaa o waɗii golleji mawnuɗi teeŋti e ɓeydude adadu sukaaɓe rewɓe janngooɓe. Aicha Ba Diallo golli e salndu ONU darnude jannde e fitina tawa Unesco, o heɓiino mbuuñaari Mo Ibrahim. Ko oo debbo dariiɗo silmi en. Yewtere ndee joɗiike, bisimilla mon e heɗaade

Tedduɓe heɗiiɓe rfi fulfulde, bissimila-mon e yewtere men dinngiral rewɓe. Toɓɓere yewtere ndee hannde, ana haala fii alhaali rewɓe nannduɓe e worɓe.Rewɓe yoga, ana joggi mbaadi worko, bannge terɗe, haala,  woɓɓe e maɓɓe no  joggii waare.Ko ɓuri heewude fuf e leyɗe Afrik ɗe, ɓe rewɓe  ana joggii caɗeele e renndo, ɗun ana haɗi yoga e maɓɓe heɓude
dewgal. Ɗum waɗa woɓɓe kadi loñee sera. Siftinde alhaali oo atletjo siidafriknaajo noddirteeɗo "Caster Semenya" ,
honorooɓe ( nannduɓe e maɓɓe no ɗuuɗi), nantini jaati ko foolondira e worɓe atleeɓe saabi mbaadi makko. Holko saabii
waylital terɗe maɓɓe, e ko holno  ɓe haani ɗowtireede.E jonnde men ndee hannde  eɗen gonndi e Cherif Mariam Aidara anndiraaɗo e Mbappe Kolda, saabi omo nanndi e gorko.Koɗoɗen hannde e yewtere ko Dr Ibrahima Sory Barry, "Endocrinologue" hertoriiɗo e alhaali e hormone. Yewtere ndee joɗɗiike, bisilamon e heɗaade.

Dinngiral rewɓe hannde, ana haala fii alhaali, rewɓe e ndu lewru korka. Eɗen anndi, e nduu lewru golle rewɓe ɓee ɓeydoto, e banngeeji ɗii fuf teeŋti e bannge ñaduuli e ley galleeji ɗii. Holko ɓe kaani waɗude ngam yuɓɓodirnde ɗee golle tawe tampintaaɓe ? Holno ɓe haani walireede. E jonnde ndee, eɗen ngonndi e Aminata BAH, jeeyaɗo Mauritanie, ko inniraaɗo, jogiiɗo esiraaɓe, ko kanko woni koɗo men e yeewtere ndee.

Tedduɓe heɗiiɓe rfi fulfulde, bissimila-mon e yewtere men dinngiral rewɓe. Toɓɓere yewtere ndee hannde, ana haala fii alhaali darnde Rewɓe gollirɗe mawɗe ballon afrik con CAF, fedde daraniinde alhaali Ballon e nder leyɗe Afrik. Ana taska e ndee gollirde rewɓe ana famɗi e darnde mawnde hono laataade debbo hooreejo fedde ndee, na jokko mayre faa yottande darɗe gonɗe mawɗe.

Holko saabi ɗun, hoɗun waɗata rewɓe heɓude ɗee darɗe mawɗe e ɗe pelle mawɗe ballon Afrik e winndere ndee. E jonnde ndee, eɗen njaɓɓi Oumou Kane hooreejo kiiɗɗo fedde Mauritanie daraniiɗo fuku koygel. Ko kanko ɗun woni koɗo men yewtere

ndee. Bisamilla mon e heɗaade

Toɓɓe rewɓe yewtere ndee ana haala fii alhaali oo ñalorma joyi lewru joyaɓuru hitaande kala hertanaaɗo rewɓe sawrooɓe rewɓe reeduɓe, "sage-femme" e fransiire ndee. Ɓee rewɓe tinniiɓe ana tawaa e cuuɗi sawrirɗi ngam  wallude ɗowtude honorooɓe maɓɓe reeduɓe, gilla e puɗɗooɗe faa jibingol maɓɓe.

E ndee yewtere, eɗen gonndi Houleye BAH sage-femme to suudu mawndu sawrirdu Kahaidi to Mauritanie. Eɗen tawano e suudu dokotoro Pikine Touba Diacksao ɗo Dakar, laamorgo Senegaal ngam yeewtitde e Mme Diack Djeneba Barry "sage-femme".

Hannde e altine ñannde 9, 2ɓuru, hiɗen kaala ko faati e pooɗondiral aafiingal hakkunde janngooɓe e duɗe jaaɓi-hattirde Senegaal e ardiiɓe leydi ndin, sabu anngal yoɓude sukaaɓe ɓee bursuuji maɓɓe lebbi yawtuɗi. Ngal lurral hakkunde ɓee, taskanooma gila lewru 12ɓuru hitaande faltiinde, janngooɓe ɓen yuɓɓinno seppooji e on saa’i, ngam ƴamude hooreeɓe ɓen yoɓude ɓe. Kono alhaali on deƴƴi ɓawto nde ɓe kaaldi. Luural ngal fuɗɗitike kadi ɗee balɗe hakkunde ɗee duɗe jaabi-hattirde e ardiiɓe ɓen, ɗum battinii sanne. Janngooɓe ɓen no holli wonnde haa jooni yo ardiiɓe ɓen yoɓu njoɓdiiji maɓɓe lebbi yawtuɗi ɗin. Kono e bi’ol hooreejo jaagorɓe Senegal Ousmane Sonko ɓe joganaaki ɓe huunde. alaa ko heddii e buursuuji janngooɓe duɗal Cheikh Anta Diop.

Ko holno taskorɗon caɗeele yoɓugol buursuuji ɓee janngooɓe e duɗe jaabi-hattirde Senegal jogii ?

Toɓɓere yewtere ndee hannde, ana haala fii alhaali Rewɓe gollanooɓe hoore maɓɓe walla jogiiɓe gollirɗe. Eɓe heewi hannde e nder leyɗe ɗee, rewɓe jogiiɓe sosiyeteeji, hono e njeygu, waylitingol ɓiɓɓe leɗɗe, e ko nandi e mun.E yewtere ndee hannde, eɗen gonndi e Fatimata Aboubacar joɗiiɗo Parakou to Benin, omo jogii sosiyete makko noddirteeɗo fatimilk. Fatimata Aboubakar ana yeeya kosam kañum e cobbal.Koɗo men e yewtere ndee ko Mariama Woury Sall hooreejo sosiyete "saveurs chez Yama" to Konaakiri lamorngo Gine. Yewtere ndee joɗɗiike bisilla mon e heɗaade.

Toɓɓere yewtere ndee hannde, ana haala fii alhaali laaɓal e nder galleeji tentinii hakkunde resindirɓe namodirɓe. Laɓala ana haani taweede kala e golleeji men fuf, yiwnde terɗe yottaande consi, ñawnku e ko nandi.So ngal laaɓal ñakii e galleeji ko rewɓe ɓe ɓuri feeleede, hertamuya e bannge resindirɓe na wondiiɓe. Holko saabi ɗun, holno ɗun haani sawirinde. E jonnde, eɗen jonngi e Mariam Siree Bah, mbajotooɓe hakkunde resodirnɓe. Kanko woni koɗo men e yewtere ndee.Bisilamon e heɗaade

Tedduɓe heɗiiɓe rfi fulfulde, bissimila-mon e yewtere men dinngiral rewɓe. Toɓɓere yewtere ndee hannde, ana haala fii alhaali rewɓe nannduɓe e worɓe.Rewɓe yoga, ana joggi mbaadi worko, bannge terɗe, haala,  woɓɓe e maɓɓe no  joggii waare.Ko ɓuri heewude fuf e leyɗe Afrik ɗe, ɓe rewɓe  ana joggii caɗeele e renndo, ɗun ana haɗi yoga e maɓɓe heɓude
dewgal. Ɗum waɗa woɓɓe kadi loñee sera. Siftinde alhaali oo atletjo siidafriknaajo noddirteeɗo "Caster Semenya" ,
honorooɓe ( nannduɓe e maɓɓe no ɗuuɗi), nantini jaati ko foolondira e worɓe atleeɓe saabi mbaadi makko. Holko saabii
waylital terɗe maɓɓe, e ko holno  ɓe haani ɗowtireede.E jonnde men ndee hannde  eɗen gonndi e Cherif Mariam Aidara anndiraaɗo e Mbappe Kolda, saabi omo nanndi e gorko.Koɗoɗen hannde e yewtere ko Dr Ibrahima Sory Barry, "Endocrinologue" hertoriiɗo e alhaali e hormone. Yewtere ndee joɗɗiike, bisilamon e heɗaade.

 Tedduɓe heɗiiɓe rfi fulfulde, bissimila-mon e yewtere men dinngiral rewɓe. Toɓɓere yewtere ndee hannde, ana haala fii alhaali sukaaɓe rewɓe reduuɓe janngooɓe ekkol.On alhaali ana taska e leyɗe men Afrik, yeru e senegal e limmore sakkitiinde yaltude hitaande ujunaaji ɗiɗi e nogay nayi ana holliti ujuneere e teemɗe ɗiɗon sukaaɓe janngooɓe heɓɓi ndeeɗi, duɓɓi maɓɓe ana tawano hakkunde sappo e ɗiɗi yottaande sappo e jeenay.Ɓe sukaaɓe rewɓe ana gonndi e caɗeele o saha, ana lato sababu yoppugol maɓɓe jannde, yaltineede e cuuɗi maɓɓe e ko nandi mun.E yewtere ndee, eɗen njaɓi Mouhamadou Sanousi golloowo e ONG al Hayat to Cameroun, ndee fedde ana daraniinde ɗowtude ɓe sukaaɓe heɓuɓe ndeeɗi.Yewtere ndee joɗɗike, bisislamon e heɗaade.