Dinngiral rewɓe

Tedduɓe heɗiiɓe rfi fulfulde, bissimila-mon e yewtere men dinngiral rewɓe. Toɓɓere yewtere ndee hannde, ana haala fii alhaali darnde Rewɓe gollirɗe mawɗe ballon afrik con CAF, fedde daraniinde alhaali Ballon e nder leyɗe Afrik. Ana taska e ndee gollirde rewɓe ana famɗi e darnde mawnde hono laataade debbo hooreejo fedde ndee, na jokko mayre faa yottande darɗe gonɗe mawɗe.

Holko saabi ɗun, hoɗun waɗata rewɓe heɓude ɗee darɗe mawɗe e ɗe pelle mawɗe ballon Afrik e winndere ndee. E jonnde ndee, eɗen njaɓɓi Oumou Kane hooreejo kiiɗɗo fedde Mauritanie daraniiɗo fuku koygel. Ko kanko ɗun woni koɗo men yewtere

ndee. Bisamilla mon e heɗaade

Tedduɓe heɗiiɓe rfi fulfulde, bissimila-mon e yewtere men dinngiral rewɓe.Toɓɓere yewtere ndee hannde, ana haala fii alhaali heɓugol golle ɗaniiɓe wartuɓe walla wartiraaɓe..Eɗen anndi, ɗii duuɓi fuf, ɗanule ɗe ngalda e sariya ana taskaa e leyɗe men Afrik. Ko ɓuri hewde e ɓee ɗanooɓe fuf, ko laaɗe ɓamata, teemeɗe hewɓe ana maayi en, cappanɗe woɓɓe ana heɓɓa caɗeele, e leyɗe to ɓe ɓamoyta ɗe laaɗe, hono Maroc, Tunisie na Algerie.Ka jonon, salndu onu daraniindu ɗanule, ɗun OIM ɓami peeje ngam walude ɗe ɗaniiɓe no walda heɓuɓe caɗeele no ngartiran e leyɗe maɓɓe. Fedde ndee ana ɗowta jaati ɓe yimɓe e heɓude golle walla e joggi jannde maɓɓe.Hannde e jonnde, eɗen gonndi e Fatoumata Bah gonɗo to Gine gollidinɗo e OIM, e eɓɓoore noddiraande migrant A messager e ngam ɗowtude ɓe ɗaniiɓe
watiraaɓe.Koɗo men e yewtere ko Fodé Moussa Nowa, senegalnaaɓe heɓuɗo ngal balla salndu.Yewtere joɗɗike, Bislamon e heɗaade.

 E ndee yontere toɓɓere men no yewta alhaali rewɓe gollooɓe e oogiirɗe woni nokkuuji ɗo kaŋŋe ittatee. Teskaama e ɗii nokkuuji, rewɓe ina looro hen no feewi. E nder hakkundere lewru faltiindu nduu, fodde yimɓe 48 maayi e joortande ɓunndu kanŋe to bannge hirnaange leydi Mali tawi ko ɓuri heewde e maɓɓe ko rewɓe e sukaaɓe. Ɗum tawi ko fodde yimɓe 11 maayiino e hono ɗii alhaaliiji to hakkundere hirnaange leydi ndii.

E siftinnde e hitaande faltiinde ndee, fodde asooɓe kaŋŋe70 maayi to bannge worgo leydi ndii, tawi kadi ko rewɓe ɓurno hen loraade.Tedduuɓe holno njiiruɗon oo alhaali? Hol peeje ngam kisal rewɓe ɓee waawa teddineede e ɗii nokkuuji oogirɗi? Hoɓɓe men e ndee yeewtere ko Ramatulaay JALLO, asoowo kaŋŋe to Mali, Bambo Keyta, geologue e Me Soaya Keyta, hooreejo kiiɗɗo goomu UA daraniingu hakkeeji neɗɗanke. Tedduɓe bisimilla mon.

Tedduɓe heɗiiɓe rfi fulfulde, bissimila-mon e yewtere men dinngiral rewɓe. Toɓɓere yewtere ndee hannde, ana haala fii alhaali heɓugol golle Rewɓe njuɓe, woɓɓe biyan ñakuɓe terɗe, ko noddiraɓe e fransiire Handicapé.Ana taska e leyɗe afrik ɗe, ko ɓuri hewde e ɓe rewɓe ñakuɓe terɗe jannguɓe ana fanɗi e ley gollirɗe, holko saabi ɗun ?Tawene yoga e ɗe leyɗe Afrik, ɓami sariyaaji ko hokkata ɓe yimɓe darɗe e gollirnde laamuji leyɗe ɗe, ka ɗun teddinaaka.Hannde e yewtere , eɗen njaɓi rewɓe ɗiɗon jannguɓe, joggiiɓe diplomeeji, fuɗunooɓe jaati gollude. Gooto Ko mme Barry Issa Sy jeeyaaɗo to Gine, gollanooɗo e ko noddira action social to Gine, omo jokki diplome e pharmacie.Koɗo men gooɗo ko senegalnaajo Oumou Balde oo wiiyete, omo tawa e diiwal Weligara e rewo leydi ndii. Kanko woni hooreejo rewɓe ñakuɓe terɗe e ndee nokkere.Yeewtere ndee joɗɗike, bislamon e heɗaade

Toɓɓere men hannde e nder ndee yeewtere Dinngiral Rewɓe, ana haala fii alhaali Rewɓe wonnduɓe e ñawu Sida, teeŋti e waawde raaɓude sukaaɓe maɓɓe. Nguu ñawu Sida ana heewi e adunaaru nduu, teeŋti e nder leyɗeele Afrik. Leyɗeele men ɗee ina keɓatnoo leɗɗe cafrooje Sida ummaade Dawlaaji dentuɗi Amerik. Kono ɗii lebbi fof, kulol ana woodi e oo bannge teeŋti e ko faati e reenugol raaɓugol sukaaɓe muuynooɓe, kañum e rewɓe sowiiɓe jogiiɓe ñawu nguu, ndee wonno laamu hooreejo Amerik Donald Trump ɓuytii ballal ngam haɓde e nguu Sida. Holko haani waɗeede ngam heɓude ɓe rewɓe wonnduɓe e Sida heɓude ɗee safaaje no kaani ? E jonnde ndee, eɗen gonndi Kadiatou Bodie Balde hooreejo dental pelle Guinee wurnduɓe e ñawu Sida. Koɗo men hannde Dr Fatoumata LY, kertoriiɗo ñabbuuli hono Sida ?

Tedduɓe heɗiiɓe rfi fulfulde, bissimila-mon e yeewtere men dinngiral rewɓe. Toɓɓere yeewtere ndee hannde, ana haala fii alhaali ɗe balɗe sappo e jeegon hertaanaɗe haɓude e toraaji ngaɗeteeɗi e rewɓe ɓee, ko noddira les "16 jours activisme contre les VBG". E yontere ƴaɓɓiinde ndee, en njeewtidii e alhaali peeje kaanɗe ɓameede e sakkeede ɗi toraaji ngaɗeteeɗi e rewɓe e sukaaɓe rewɓe latooɗi sabaabu mayɓe maɓɓe jaati. Ndee wonnoo e ciimtol salndu  ONU daraniindu hakkeeji rewɓe, rewɓe teemedere e cappanɗe taton e jeɗɗi ana waree ñalorma kala e nder adunaaru nduu, e hitaande ƴaɓɓiinde ndee. Imaaɗe ɗe balɗe sappo jeegon, ko waɗude jeewte e famminde ɗee caɗeele, kañun e dabareeji ngam reenudeɓe e teddinde hakkeeji maɓɓe, teenti e sariyaaji maɓɓaaɗi e oon bannge.

Hannde e yewtere ndee, en gonndi e Hourey BAH, hooreejo fedde nde walda e laamu noddira Amali, daraniinde ɓantaare rewɓe to Gine.

Toɓɓere hannde yeewtere Dinngiral Rewɓe, ana haala fii alhaali ɗe balɗe sappo e jeegon hertaaɗe haɓude e toraaji ngaɗeteeɗi e dow rewɓe. E ciimtol ngol salndu ONU daraniindu hakkeeji rewɓe yaltini ñande sappo e jeenay nduu lewru ana holliti, e hitaande ƴaɓɓiinde rewɓe ujunaaji cappanɗe joyi maayi e nder

Aduna oo sabu fitinaaji ngaɗaaɗi e dow maɓɓe. Tuugnaade e ciimtol ngol, ɗum holla wonnde teemedere e cappanɗe tato e njeeɗiɗo debbo ana waree e ley gooto e nder adunaru nduu. On alhaali, ana taska e nder leyɗe Afrik, yeru e lewru nayaɓuru ƴaɓɓiindu nduu to Gine, debbo reduujo gooto mayi to Kankan, caggal nde gorko makko fiyi-mo. Hawa Traore mo Mauritanie, mayi saabe ɗii fitinaaji.

Yeewtere men hannde faati ko e peeje kaanɗe ɓameede ngam sakkaade ɗii fitinaaji e dow rewɓe. Eɗen njaɓɓi koɓe ɗiɗon, gooto ko Mauritanie jeeya, omo wiiye Djeneba Toure hooreejo fedde wiyateende ‘‘organisation citoyen, je m’engage’’. Goɗɗo oo ko Dr Brema Ely Dicko, jannginowo e duɗal toowngal ngal Bamako, laamorngo Mali. Ko o renndoyanke.

Toɓɓere yewtere ndee hannde, ana haala fii alhaali Rewɓe gollanooɓe hoore maɓɓe walla jogiiɓe gollirɗe. Eɓe heewi hannde e nder leyɗe ɗee, rewɓe jogiiɓe sosiyeteeji, hono e njeygu, waylitingol ɓiɓɓe leɗɗe, e ko nandi e mun.E yewtere ndee hannde, eɗen gonndi e Fatimata Aboubacar joɗiiɗo Parakou to Benin, omo jogii sosiyete makko noddirteeɗo fatimilk. Fatimata Abdoubakar ana yeeya kosam kañum e cobbal.Koɗo men e yewtere ndee ko Mariama Woury Sall hooreejo sosiyete "saveurs chez Yama" to Konaakiri lamorngo Gine. Yewtere ndee joɗɗiike bisilla mon e heɗaade.

Toɓɓere yewtere ndee hannde, ana haala fii alhaali pelle rewɓe walititooɗe rewɓe wonduɓe e ñawu soto (kanser) ɗemɗi. Balle kewɗe ana goodi e leyɗe men ngam walitaade rewɓe heɓuɓe ñawu soto enɗi (yiila), ngal ballal anayaha ƴuwnde e waltinde hakkilaaji maɓɓe, ɗowtude ɓe e heɓude safaare.E yewtere ndee hannde, eɗen njaɓɓi hoɓɓe ɗiɗon, jogiiɗe pelle e on bannge, eɗon gonndi e Fatou Fall hooreejo fedde rewɓe ñawu yiila wonnde Senegal.Aissatou Barry ana tawa e fedde daraniinde haɓude e nawu câncer noddiraade AGuican.Yeewtere ndee joɗɗike bislmaon e heɗaade.

Tedduɓe heɗiiɓe rfi fulfulde, bisimilamon e yeewtere men Dinngiral Rewɓe. Toɓɓere yeewtere men Dinngiral Rewɓe hannde, 23 lewru 9ɓuru ko e haala alhaali ɓuydugol rewɓe jannginooɓe e nder duɗe toowɗe Guinee. E lewru jeetaɓuru ƴaɓɓiindu nduu, jaagorɗo kalfinaaɗo jaŋnde toownde Gine nantini anniya ɗowtude rewɓe teemeɗe ɗiɗo e cappanɗe joyo ngam heɓude seedanfaaji maɓɓe Doctoral ɗo e hitaande ujunaaji ɗiɗi e cappanɗe Joyi (2045).

Holno oo kabaaru njaɓɓora ? Holno ahaali keewal rewɓe jannginooɓe e nder duɗe toowɗe ɗee woori e nder leyɗeele goɗɗe Afrik ɗee. E jonnde ndee, eɗen gonɗi Dr Halima Diallo, jannginoowo to duɗal jaaɓi-haaɗtirdi Cheikh Anta Diop mo Dakar. Koɗon hannde yeewtere, ko Dr Aminata Diallo, jannginoowo to duɗal jaaɓi-haaɗtirdi  Sonfoniya to Guinée.