Dinngiral rewɓe

Toɓɓere yewtere ndee hannde, ana haala alhaali ɓeydugol jobdi gollooɓe e ley galleeji Senegal.
E tiimmooɗe lewru nayaɓuru ƴaɓɓiindu e ndee hitaande, hooreeɓe Senegal, tennti e jaagorgal kalfinaagal gollooɓe leydi ndii, ɓami sariyawol yamiroowol ɓeydugol njobdi gollooɓe e ley cuuɗi na en biyan walititooɓe golleeji e ley galleeji.
 

Lewru caggal, ɓamugol oo sariya, hono alhaali oo woniri ? Yalla ɓee gollooɓe njobdi maɓɓe ɓeydike? Jantoore nde Fadima Sy waɗani en e nder Dakar humpitan en.

Koɗo men hannde e yewtere ko Aissata Balde jeyaaɗo Gine, ko kanko woni hooreejo "syndicat" rewɓe gollooɓe e ley galleeji e nder Guinee.

Tedduɓe heɗiiɓe rfi fulfulde, bissimila-mon e yewtere men dinngiral rewɓe. Hannde yewtere ana tawa e diiwal Kolda e bannge worngo Senegal, ngam yewtidi e rewɓe wuro Thidellie e commune Koumbakara. Ɓe rewɓe heɓi ballal fedde ndee walda e laamu Batonga, ballal latatiinɓe moƴƴoore, sabi ɓe mbawi waɗude njgeyguuli, ɗi ɓe heɓɓi e mun nafa ngam semmbinde ɓantaare maɓɓe. Yewtere ndee joɗɗike.

Toɓɓere yewtere ndee hannde, ana haala fii alhaali rewɓe buseeɓe walla mbi'en rewɓe gollooɓe e baŋŋe teewu dabaaji, gilla kirsugol, faa e yeeyugol teewu e lumooji ɗi. Ana taskanoo adan tawi, rewɓe ɓen ngalaano e mecce buuseyaagal, e ɗi duuɓi sakkitiiɗi rewɓe ɓee fuɗɗii natugol e majje.
Hanndee jonnde ndee, en yewtidan e "Jédidia TANKOANO DABIRE". Ko Burkina Faso o jeeyaa. Ko o gooto e rewɓe waɗooɓe ɗee golle, kanko woni hooreejo gollirde "Burkina Beni"  nokkuure yeeyirde tewu dabaaji e nder leydi ndii. Kanko woni koɗo men e yewtere ndee, eɗen tawdaa e Abdul Dooro Sow ngonɗo to Moritani, ko o jannginowo to Iniwersite Nuwaakshoot ko orenndoyankeejo. Abdul Doro Sow faaminan en e alhaali naatugol rewɓe e ɗee mecce buseeyaku. Tedduɓe yewtere ndee jooɗiike bismilla.

Toɓɓere yewtere ndee hannde, ana haala fii alhaali rewɓe jibinooɓe ɓiɓɓe rewɓe tan walla ɓiɓɓe worɓe tan e dewle maɓɓe. Ana taska e galleeji rewɓe heɓuɓe sukaaɓe rewɓe tan walla worɓe tan ana jogii caɗeele e dewle maɓɓe ɓayri ɓe heɓɓaali biɗɗo debbo walla ɓiiɗɗo gorko.
Woɓɓe jaati ɗum ana laatoo sabaabu worɓe maɓɓe ɓama debbo ɗiɗaɓo, rewɓe yogaaɓe tawde ɓe keɓaali ɓiɗɗo gorko ana waddana ɓe rafi paamodiral hakkunde maɓɓe e inna gorko oo walla bandiraaɓe makko rewɓe. Holko saabi oo alhaali e ley galleeji ɗin ? Holko haani waɗeede ngam sakkaade ɗee caɗeele?
E jonnde ndee, eɗen ngonndi e Raki Mohammadu Kaan, ko o jenikoloogjo (sawroowo rewɓe reduuɓe) jeyaaɗo Moritani omo  faamina en toɓɓere nden?
Koɗo men e yewtere ndee ko Dr Bireyma Eli Dikko, renndoyankeejo jeyaaɗo Mali. Tedduɓe yewtere ndee joɗɗiike bismilla mon e heɗaade nde.

Toɓɓere yewtere ndee hannde, ana haala fii alhaali darnde rewɓe e haɓugol e basiiji gonɗi e yoga e leyɗe Afrik.

Eɗen anndi duuɓi kewɗi jooni, yoga e leyɗeele hertamuya e ɗee leyɗe sahel ana gonndi e caɗeele rafi deenagu.

E ɗii duuɓi cakkitiiɗi warngooji kewɗi ngaɗaama e guure ɗee leyɗe sahel. Nate e widiyooji kewɗi ana kollii ɗii fitinaaji ngaɗateeɗi e gure faade e rewɓe. Ɗum wonii sabu yimɓe miliyonji eggi e koɗooli mum e nder leyɗe Sahel ɗee.

E jonnde ndee, eɗen gonndi e Apsa Jallo, hooreejo fedde noddirteede « foyer des femmes » wonnde Burkina nde faandaare ko wallude e ɗowtude rewɓe egguɓe e koɗooli maɓɓe saabu fitinaaji. Koɗo men e yewtere ko Fadimatu Bakari jeeyaɗo Kamerun, omo gollida e pelle daraniiɗe wallude rewɓe e nder leydi ndii. Yewtere ndee joɗɗiike bismilla mon e heɗaade.

Tedduɓe heɗiiɓe rfi fulfulde, bisimilla-mon e yewtere men dinngiral rewɓe. E jonte ƴaɓɓiiɗe ɗe, en kaalii ko faatii e alhaali cukuli sañaaɗi anndiraaɗi Perik ɗi rewɓe hippotoo.Ka yewtere men hannde en Kaalan fii cukuli ɗi waylaaka nodditeeɗi e ɗemngal faransiire nappi, cukuli ɗi waɗaaka porodiiji shimik ngam ɓowringol ndu wano huutorgol e mayru afro. E ndee jonnde en keɗoto jantoore nde Mammadu Aadama JALLO, waɗani en immorde Gine. Koɗo men  ka jewtere ko Basiratu BA  jooɗiiɗo Kanada, daraniiɗo cukuli  nappi  ai waylaak, ɗum woni cukuli tigi. Bismilla mon e kaa taskaram men.

Tedduɓe heɗiiɓe rfi fulfulde, bismilla mon e yewtere men Dinngiral Rewɓe. Toɓɓere yewtere ndee hannde, ana haala fii alhaali sukaaɓe rewɓe raɗeteeɓe e galleeji maɓɓe sabu hiɓe ƴetti deedi ado ɓe reseede.
On alhaali ana woodi e nder renndo ngoo gila ko ɓooyi, e duuɓi sakkitiiɗi sukaaɓe rewɓe reduuɓe tawa no wuuri e  galleeji mawɓe maɓɓe tawa ɓe dewlaaka no ɓeydii sanne.
Suka debbo heɓude reedu tawa reseeka addanii saaraaɓe mum hersa mawka e nder wuro ngon, hersa hakkunde ɓeynguure makko nden. Woɓɓe jaati ɗum laatoo sabu nde mawɓe mako yaltino mo e nder galle ɗen. Sukka debbo heɓuɗo reedu ado o  naatude e dewgal, ɗum ana sattina heɓugol mo gorko ko rese mo.
Ɗum fow anndinii wonnde sukaaɓe rewɓe ana ngonndi e caɗeele mawɗe e nder renndo ngoo. Holko haanaa
waɗeede ngam walitaade ɓe? E jonnde ndee hannde, eɗen gonndi e Binta Muso SO, ko o renndoyankeejo joɗɗiiɗo Moritani. Ko kanko woni koɗo e ndee yewtere. Rufaa'u Baaba Ashwariya gooto e nultondiraaɗo Kamerun waɗanii en jantoore e dow toɓɓere ndee .

Tedduɓe heɗiiɓe rfi fulfulde, bissimila-mon e yewtere men dinngiral rewɓe.
Toɓɓere yewtere ndee no yowitii e darnde pelle rewɓe joɗiiɓe ka ɗowri, holko woni nafa maɓɓe e ɓamtaare dowri ndii? Ko holno ɗee pelle rewɓe joɗɗori faa yottaade e gollidal majje e mojobe ɗe humondira e laamu
 

E jonnde ndee, eɗen gonndi e Mariyam Mammadu Aan jeeyaɗo Moritani, ko kanko ardii fedde rewɓe remooɓe noddirteende" farigolel" Faatumata Aamadu Dem mo Senegaal, gooto e rewɓe gollooɓe e fedde nde aldaa e laamu noddieteende "ONG Ased", ndee walde ana walla pelle rewɓe gonɗe e dowri ndii, O faminan en  golle maɓɓe. Bisimila-mon e heɗaade yewtere ndee.

Tedduɓe keɗiiɓe RFI Fulfulde, on njaaraama, bisimilla mon e yewtere Dinngiral Rewɓe dow rfi Fulfulde.
Toɓɓere yewtere ndee hannde ana haala fii alhaali kaadal walla faamondiral hakkunde ɓiɗɗo debbo e inna (neene) mum.
Eɗen anndi gila duuɓi sappo ɗiɗi yottaande duuɓi sappo e jeetati, nanondiral e yewtere hakkunde suka debbo e saraaɓe (mawɓe) wanaa ko newii. Holko woni yi’annde mon e toɓɓere ndee.
 

Tedduɓe heɗiiɓe rfi fulfulde, bissimila-mon e yewtere men dinngiral rewɓe. Hannde toɓɓere yewtere ndee ana haala fii alhaali waynde taweede rewɓe e kawrite mawɗe jowitiiɗe e kiwal taariindi. Ana taskaa e batuuji mawɗi yeru Cop, ko fedde adunaru ONU waɗata, rewɓe ana panɗi e ko tawtorte heen. Tawene ko kanɓe ɓuri heɓude caɗeele waylitagol wakkati oo e nder dowri ndii.

E jonnde ndee eɗen ngonndi e Abdoulatif Sow ɓurɗo anndireede Kader Sow, hertoriiɗo kiiwal tariindi. Koɗo men hannde ko Dr Mariam Diallo hooreejo suudu kalfinaadu tefooje taariiɗe maayo Gine, ko noddirte e fransiire "centre de recherche halieutik de Bousoura Guinée". Yewtere ndee joɗɗike, bislamon e heɗaade.