Dinngiral rewɓe

Toɓɓere yewtere ndee hannde, ana haala fii alhaali, rewɓe gollooɓe e baŋŋe dipolomasi. Ana taskanoo e duuɓi ƴaɓɓiiɗi ɗii rewɓe ana famɗi e ɗen baŋŋe kono alhaali oo fuɗɗii waylaade. Rewɓe diplomaatɓe ana woodi e leyɗe men, woodi e maɓɓe  laatiiɓe jaagorɓekalfinaaɓe jokkodire leyɗe maɓɓe e leyɗe janane. Woɓɓe ko ambassaderɓe, woɓɓe kadi ana tawee e pelle mawɗe adunaaru nduu. E yewtere men ndee hannde, eɗen njaɓɓii gooto e maɓɓe. Hajja Niima BAH ko debbo ginenaajo diplomatiijo mawɗo, golluɗo e pelle mawɗe Afrik e Winndere. Yewtere ndee joɗɗike bisilamon e heɗaade.

Toɓɓere yewtere ndee hannde, ana haala fii alhaali rewɓe buseeɓe walla mbi'en rewɓe gollooɓe e baŋŋe teewu dabaaji, gilla kirsugol, faa e yeeyugol teewu e lumooji ɗi. Ana taskanoo adan tawi, rewɓe ɓen ngalaano e mecce buuseyaagal, e ɗi duuɓi sakkitiiɗi rewɓe ɓee fuɗɗii natugol e majje.
Hanndee jonnde ndee, en yewtidan e "Jédidia TANKOANO DABIRE". Ko Burkina Faso o jeeyaa. Ko o gooto e rewɓe waɗooɓe ɗee golle, kanko woni hooreejo gollirde "Burkina Beni"  nokkuure yeeyirde tewu dabaaji e nder leydi ndii. Kanko woni koɗo men e yewtere ndee, eɗen tawdaa e Abdul Dooro Sow ngonɗo to Moritani, ko o jannginowo to Iniwersite Nuwaakshoot ko orenndoyankeejo. Abdul Doro Sow faaminan en e alhaali naatugol rewɓe e ɗee mecce buseeyaku. Tedduɓe yewtere ndee jooɗiike bismilla.

 Toɓɓere yewtere ndee hannde, ana haala fii alhaali dokkugol rewɓe Koduwar reduuɓe lebbi jeegon fofteere, lewru woturu worɓe maɓɓe. O kabaaru nantinaama, e ndu lewru tataɓuru hertamunaade e háɓande e ɓeydude hakkeeji rewɓe. Holno oo kabaaru njaɓora e leyɗe men Afrik tenti e ɓantiiɗe Koddiwaar. E jonnde ndee, eɗen ngonndi e Jenebu Jallo, hooreejo fedde nde wonaa- laamuyankoore "ONG mon enfant ma vie", suka am, nguurndam e fulfulde. Ndee fedde ana darani wallude rewɓe kañun sukaaɓe tenti e rewɓe reduuɓe.Koɗo men hannde e yewtere, ko Honorabale Balla Tuure depiteejo Moritani, jinnganoowo hakkeeji rewɓe.Yewtere ndee joɗiike, bissilamon e heɗaade.

Hannde toɓɓere yewtere ndee ana fawi e sunningol walla haddugol sukaaɓe rewɓe. So en taykiima, e nder leyɗeeele men sariyaaji ɓamaaɗi ngam haɓude e haddugol sukaloy ndewoy kaa faahan sunningol sukaaɓe rewɓe laatiike huunde ko ronkaa harmineede walla hisineede e nder leyɗe Afrik ɗee. E timmoode lewru 2ɓuru faltiindu nduu, calɗi dental fedde adunaru ONI kollii mette majji caggal nde sukaaɓe 11 hadda to Kasamaans e worgo Senegaal. Hannde ko ngonka oo alhaali e nder Gambie, njeeteten.

Sabu e bi’ol ciimtol Unicef, nduu salndu ONU kalfinaandu Jannde tawaandu e Gambie holliti, ndii leydi ana tawaa e leyɗe sappo ɗo sunningol sukaaɓe rewɓe ɓuri taykeede e nder ruunde Afrik.Sakiraaɓe e nder yewtere ndee, on keɗoto depiteeɓe suudu sarɗiyankooru Gambiya e baale keertoriiɗe reenugol hakkeeji rewɓe. Bismillah mon.

Toɓɓere yewtere ndee hannde, ana haala fii alhaali nguurndan sukaaɓe rewɓe gollooɓe e ley cuuɗi. Eɗen anndi ɓee rewɓe ana keewi e ley galleeji ɗii ngam wallude, woɓɓe haybude sukaaɓe ngam heɓude njawdi.
E ɗee yontere ƴaɓɓiinde fedde nde wonaa-laamuyankoore yaltinii teffoore e alhaali nguurndan ɓee rewɓe
gollooɓe golle nder cuuɗi. Ndee teffore waɗaama e leyɗe e leyɗe buy hono Mali, Senegal, Gine, Benen kañun e Togo.
Njaltundi ndoo hollii wonnde yoga e ɓee rewɓe ana gonndi e caɗeede kewɗe fii heɓtugol  kalisi maɓɓe so lawru maayi.
E jonnde ndee, eɗen gonndi e Ayssatu Balde JALLO, jeyaaɗo Gine tawtoraaɗo e golleeji
ndee teffore, ko kanko woni koɗo men. Ko kanko woni kadi hooreejo sendika daraniiɗo
ɗowtude e haɓangol hakkeeji ɓee rewɓe gollooɓe e ley cuuɗi e nder Gine.
E yewtere ndee, en keɗoto jantoore, ndee Hammadi Aadamu waɗani to Benen e alhaali ɓee
rewɓe. Yewtere ndee joɗiike bismilla mon.

 E ndee yontere toɓɓere men no yewta alhaali rewɓe gollooɓe e oogiirɗe woni nokkuuji ɗo kaŋŋe ittatee. Teskaama e ɗii nokkuuji, rewɓe ina looro hen no feewi. E nder hakkundere lewru faltiindu nduu, fodde yimɓe 48 maayi e joortande ɓunndu kanŋe to bannge hirnaange leydi Mali tawi ko ɓuri heewde e maɓɓe ko rewɓe e sukaaɓe. Ɗum tawi ko fodde yimɓe 11 maayiino e hono ɗii alhaaliiji to hakkundere hirnaange leydi ndii.

E siftinnde e hitaande faltiinde ndee, fodde asooɓe kaŋŋe70 maayi to bannge worgo leydi ndii, tawi kadi ko rewɓe ɓurno hen loraade.Tedduuɓe holno njiiruɗon oo alhaali? Hol peeje ngam kisal rewɓe ɓee waawa teddineede e ɗii nokkuuji oogirɗi? Hoɓɓe men e ndee yeewtere ko Ramatulaay JALLO, asoowo kaŋŋe to Mali, Bambo Keyta, geologue e Me Soaya Keyta, hooreejo kiiɗɗo goomu UA daraniingu hakkeeji neɗɗanke. Tedduɓe bisimilla mon.

 Toɓɓere yewtere ndee hannde, ana haala fii alhaali jannde rewɓe mawɓe e nder dowri ndii.Ɓe ɓe keewi e nder ngure leyɗe men, rewɓe mawɓe ɓe heɓaani jannde lekkoy, ka e ɗii duuɓi sakkitiiɗi pelle kewɗe ɓami pehe ngam jannginde rewɓe mawɓe. E jonnde ndee, eɗen gonndi e Aysata Amadu Balde, jannginoowo rewɓe mawɓe e alhaali wayltingol ɓiɓɓe leɗɗe to Gine.

Koɗoɗen yewtere nde Fati JALLO gooto e jannginooɓe fedde ɓantaare pulaar to Mauritanie, ndee walde ana daranii jannginnde rewɓe mawɓe. Bisimilamon yewtere ndee jooɗiike.

Hannde, Dinngiral Rewɓe naayori ko bannge guurte jibingol. Senegaal ɗoo, rewɓe heewɓe gollooɓe ina ngoyto, so ɓe njibini, guurte maɓɓe ɗee ina pamɗi ngam waawde fooftaade e wonndude e ɓiɓɓe maɓɓe haa puɗɗoo tiidde. Ko ɗuum saabi yoga e depiteeɓe e pelle daraniiɗe rewɓe ina jaɓɓal e yiɗde ɗeen guurte jibingol ɓeydee. Alhuseynu BAH bismiima Woppa Jallo, sarɗiyanke kadi daraniiɗo hakkeeje rewɓe e Aliwun Faal, ko ƴeewndotooɗo golle kadi taweteeɗo e suudu halfinaandu hakkeeji gollooɓe

Banndiraaɓe e sehilaaɓe rewindotooɓe taskaram Dinngiral Rewɓe e Rfi Fulfulde, on calminaama e inɗe, on manaama e jettooɗe. Ñannde 21, 22 e 23 lewru 12ɓuru yawtundu nduu, FAM, fedde duusoore rewɓe e heblo, dañande ɓe balle ina lawɗinde goomuuji maɓɓe ɗii haa ɗi ndaña kaytaaji, ɗi keɓtinee, yuɓɓinii forum to komin Hoorefoonde, falnde Maatam.
Oo forum, mo balɗe tati yuɓɓinaa e ko tawtorgol fotde pelle rewɓe 1500, pelle ɗe ngonaa
laamiyaŋkooje ballooje rewɓe e sukaaɓe, ko noon ne kadi sete guwerneer diiwal Maatam e
Meer komin hooreefoonde. Ɗum woniino ñalaaɗe heblo e gostondiral miijooji.
Ko e oo alhaali njeewtaten hannde. Koɗo men ko Rayhaana Jallo, ko kanko ardii ndee FAM, nde mbiiɗen ko fedde fedde
duusoore rewɓe e heblo, dañande ɓe balle ina wonndi e lawɗinde goomuuji maɓɓe ɗii. Ko e
dow innde ndee fedde o yuɓɓini ngal dingiral maa mbi’en oo forum mo balɗe tati to
Hooreefoonde.

Dinngiral rewɓe e ndee talataare hannde, njeewtaten ko ko feewti e fitinaaji keewɗi faweeɗi e dow rewɓe puuliiɓe, woɓɓe mbiya jaabiyaaɓe. Teskaama e leyɗe keewɗe e ndee duunde Afrik, puliiɓe ɓee no wuuri caɗeele  e nder renndooji ɗii. Kono ko rewɓe ɓee ɓuri yeɗaade e kaa lorra. No ara e sahaaji nde ɓe dooletee walla ɓe lettee. Woɓɓe tuugoo e piɗe finaa-tawaaje walla e dalillaaji aadiyankooji ɗi wonaa goonga tappina ɓe.

E nder yeewtere ndee, en yewtan kadi ko yowitii e ɗee mette ɗe ɓee puuliiɓe (jaabiyaaɓe) nguuri sabu wikkeede e loñeede sera. Maa en jeewtidu e ardiiɓe pelle  daraniiɓe haŋŋeeji maɓɓe. Tedduɓe, ko nii  woni mbaadi yeewtere men hannde, bisimillah mon.