Dinngiral rewɓe

 Toɓɓere yewtere ndee hannde, ana haala fii alhaali doolugol walla yennugol e sukkalol debbo pamarol e nder leyɗe men.E jonte ƴaɓɓiiɗe to Gine ciimtol pelle daraniiɗe hakkeeji rewɓe hollitii ko ko ɓuri sukaaɓe teemeɗɗe dolaama e ley cuuɗi jannginirɗi ɗi e ley hitaande 2024 ƴaɓɓiinde ndee. Oo saha, Senegaal sukkaloy ɗiɗoy gooto maɓɓe mo duuɓi jeenay yanaama heɓɓi en reedu, goɗɗo oo maayi e oo fitina.

E koolol na bi'en festiwal dari to Caad, debbo mo duuɓi sappo e jeɗɗi ydoolaa, ɗun tawdude e ko waɗuno e to Moritani, lebbi ƴaɓɓiiɗi ɗii.Ɗum fuf ana hollita ɓeydagol oo fitina tooñoowo hakkeeji rewɓe, e ndimaku maɓɓe. E jonnde ndee, eɗen njaɓɓi yimɓe ɗiɗon, Huray BAH jeyaaɗo Gine, hooreejo fedde Amali daraniinde haɓanaade hakkeeji rewɓe. Binta JALLO senegalnaajo ɗun woni golle mun e fedde noddiraade "defa doy" e wolof.

 Toɓɓere yewtere ndee hannde, ana haala fii alhaali jannde rewɓe mawɓe e nder dowri ndii.Ɓe ɓe keewi e nder ngure leyɗe men, rewɓe mawɓe ɓe heɓaani jannde lekkoy, ka e ɗii duuɓi sakkitiiɗi pelle kewɗe ɓami pehe ngam jannginde rewɓe mawɓe. E jonnde ndee, eɗen gonndi e Aysata Amadu Balde, jannginoowo rewɓe mawɓe e alhaali wayltingol ɓiɓɓe leɗɗe to Gine.

Koɗoɗen yewtere nde Fati JALLO gooto e jannginooɓe fedde ɓantaare pulaar to Mauritanie, ndee walde ana daranii jannginnde rewɓe mawɓe. Bisimilamon yewtere ndee jooɗiike.

Toɓɓere yewtere ndee hannde, ana haala fii alhaali no rewɓe egguɓe gure mumen heɓirta golle e nokkkuje maɓɓe goɗɗe ɗo ɓe moloyiiɓe. Ujunaaji ujunaaji rewɓe eggi e guure mun saabi fitinaaji gonɗi e yoga e leyɗe Afrik tennti e rafi ndeenagu gonɗo e leyɗe tati sahel woni Mali, Burkina e Niijeer. Ko ɓuri heewde fuf, ɓee rewɓe moloyiiɓe ana gonndi e tiiɗallaaji keewɗi ko faati e heɓugol golle ngam wallitaade hoore maɓɓe e heɓude coggu saabonde, somaya suudu kañun e ittude yoga e saɗɗaaji maɓɓe .

E jonnde ndee, eɗen gonndi e rewɓe ɗiɗon wallooɓe ɓee rewɓe egguɓe e heɓugol golle. Gooto e maɓɓe ko Jeneba Dikko, hooreejo fedde noddirteende ndimaaku rewɓe sahel gonnde Burkina Faso, goɗɗo oo ko Ulematu anndirteeɗo Saran Sall, ko golloowo e salndu fedde adunaru ONU daraniinde mooloyiiɓe wonndu to Mali HCR. Omo daranii ndeenagu egguɓe

 Toɓɓere yewtere ndee hannde, ana haala fii alhaali doolugol walla yennugol e sukkalol debbo pamarol e nder leyɗe men.E jonte ƴaɓɓiiɗe to Gine ciimtol pelle daraniiɗe hakkeeji rewɓe hollitii ko ko ɓuri sukaaɓe teemeɗɗe dolaama e ley cuuɗi jannginirɗi ɗi e ley hitaande 2024 ƴaɓɓiinde ndee. Oo saha, Senegaal sukkaloy ɗiɗoy gooto maɓɓe mo duuɓi jeenay yanaama heɓɓi en reedu, goɗɗo oo maayi e oo fitina.

E koolol na bi'en festiwal dari to Caad, debbo mo duuɓi sappo e jeɗɗi ydoolaa, ɗun tawdude e ko waɗuno e to Moritani, lebbi ƴaɓɓiiɗi ɗii.Ɗum fuf ana hollita ɓeydagol oo fitina tooñoowo hakkeeji rewɓe, e ndimaku maɓɓe. E jonnde ndee, eɗen njaɓɓi yimɓe ɗiɗon, Huray BAH jeyaaɗo Gine, hooreejo fedde Amali daraniinde haɓanaade hakkeeji rewɓe. Binta JALLO senegalnaajo ɗun woni golle mun e fedde noddiraade "defa doy" e wolof.

 Toɓɓere yewtere ndee hannde, ana haala fii alhaali hettingol sera rewɓe jokkuɓe, ñakuɓe walla mbi'en rewɓe ɓe hiɓɓa. Ɓee rewɓe ana ngonngi e caɗeele kewɗe e nder renndo saabe alhaali no ɓe gorri nii. Ɗun ana laati sabaabu haalaaji ɗi mbella fewnde e maɓɓe. E nder yoga e leyɗe Afrik peeje ɓamama e ngam walitaade rewɓe jokkuɓe, ka jonon faahan tiiɗallaaji ana jokki.

Holko haani waɗeede ngam ɗowtude ɓee rewɓe gonɓe e ɗee caɗeele ? E jonnde ndee, eɗen gonndi e Tacko Fall jeeyaɗo Moritani debbo ŋakkuɗo tinniiɗo sanne, o sifonto en alhaali nguurndam makko. Jaɓɓoɗen kadi Brehima Eli Dikko wiɗtotooɗo, jannginoowo to Uniwersité Bamako, laamorgo ngon.

Toɓɓere yewtere ndee hannde, ana haala fii alhaali fijooji yuɓɓinteeɗi tiimoode hitaande. Hitaande kala e nduu lewru sappo ɗiɗaɓuru juldeere Nuwel e tommoode hitaande  (ñannde 31 lewru 12ɓuru) fijooji no yuɓɓinee.
E oo ɗoo saha no woodi rewɓe e worɓe wuurduɓe annde no ɓe feƴƴinira ɗii feetooji.
E jonnde ndee, en keɗoto jantoore nde Ester simpa Blaksindi waɗi e ley lumooji Garwa rewo Kameerun.
Hoɓɓe hannde ko Umaar Kasoge wonɗo Mali, e Ayssata Dikko jooɗiiɗo Burkina Faso.

Toɓɓere yewtere ndee hannde, ana haala fii alhaali suningol, woɓɓe wi'a huddugol sukaaɓe rewɓe e nder Afrik.
Eɗen anndi hooreeɓe leyɗe ɗee ɓamii peeje ngam haɓude oo bone ngaɗeeteeɗo e sukaaɓe, ngaddoowo ñabbuuli keewɗi e maɓɓe. E yewtere ndee hannde, hoɓɓe men sifanto en ko holto  teddingol ɗii sariyaaji toŋuɗi ɗum e ley Afrik.
 

E jonnde ndee, eɗen gonndi Ummu Kayri JALLO, hooreejo fedde sukaaɓe rewɓe Gine daraniinde hakkeeji maɓɓe. Koɗo men e yewtere ndee, ko honorable Khali JALLO, sarɗiyankooje Moritani, kaɓanoowo hakkeeji rewɓe.

E hitaande 2023, e yontere fotde rewɓe 4 000 mawɓe e sukaaɓe keɓii ñawu SIDA e winndere ndee. Ko ɗum anndini ONUSIDA woni salndu Dental adunaaru heertariindu haɓde e SIDA. E bi’ol nduu e nder teemdere kala wonnduɓe e SIDA e aduna oo, 53 ɓee ko rewɓe. Kono ko duunde Afrik nguu ñawu ɓuri tampinde, tawde fotde miliyonji 25 ina ngonndi e SIDA e nder Afrik. Ɗoon non kadi ko rewɓe ɓee ɓuri lorraade e nguu ñawu.

E yeewtere men hannde nde, hawrude e lewru teddiniraandu haɓude e ñawu SIDA, ko rewɓe wonnduɓe e oo ñawu ngartaten. Holno ɓee nguurdi e nguu ñawu? e Hol darnde maɓɓe ngam falaade ngu? Ngam yeewtude heen, en njaɓɓoto Aysatu Dalande Jallo, tawateeɗo e fedde walloore wonnduɓe e Sida, ina wonndi e Dr Kajatu Siise, doktoor keeroriiɗo  rafi SIDA.

Balɗe 16 teddiniraaɗe haɓde e fitinaaji paweteeɗi e ɗow rewɓe fuɗɗiima gila e altine 25 lewru 11ɓuru e nder adunaaru nduu haa ñannde 10 lewru 12ɓuru. Ko e oo saha pelle ɗe ngonaa-laamuyankooje daraniiɗe hakkeeji rewɓe ɓee, ndadotoo ngam hirjinde rewɓe ɓee, reerɗinaɓe ɓe suusa feññinde  ɗii fitinaaji pawateeɗi e maɓɓe. Tuugnaade e cimtol ngol njuɓɓundi rewɓe Afrik nodirteendi  ' Rewɓe wootanaaɓe e suɓngooji dowri yaltini e lewru 1ɓuru ndee ɗoo hitaande, debbo gooto e nder rewɓe ɗiɗo piyaama, ndoolaama waala njanaama e mum e nder Afrik. Rewɓe sappo e jeegom e nder teemedere kala ina piyee walla njanee e mum tawa ko e nder galleeji maɓɓe.
Holko saabi ɗii fitinaaji pawateeɗi e dow rewɓe ina njokki ? Holno ɓee rewɓe mballirtee ? Ko e oo alhaali njeewtaten hannde.

Tedduɓe keɗiiɓe RFI Fulfulde, on jaaraama, bismilla mon e yewtere men Dinngiral Rewɓe dow rfi Fulfulde.Toɓɓere yewtere ndee hannde no haala ko faati e alhaali balɗe adunayankooje sappo e jeego  kertinanaaɗe mehugol fitinaaji to baŋŋe rewɓe. E jonnde ndee, eɗen tawdaa e ummu SI moritaninaajo, debbo daraniiɗo hakkeeji rewɓe ɓen e nden leydi ndii.

Koɗo men hannde yo Mammadu BA, ko malinaajo. Omo tawaa e pelle ɗuuɗuɗe daraniiɗe hakkeeti rewɓe.Ɗum woni toɓɓere  yewtere ndee, bismilla mon ka heɗaagol.