Dinngiral rewɓe

Ko ɗum anndini salndu Dental Adunaaru halfinaandu jannde e needi, UNESCO.
Ko rewɓe afrik ɓaleeri, kadi ɓuri hewde e ɗen pecce ɗiɗi. Pelle afriknaaɓe daraniiɗe rewɓe
 keewɗe no e hare ngam ittude humanmbinaagu e dow rewɓe Afrik. Holto ngol mehugol
humanmbinaagu rewɓe e nder Afrik yahrata e oo sahaa? Ko ɗum woni loowdi taskaram men
Dingiral Rewɓe e ndee talaataare 10 lewru 9ɓuru 2024.
 

Ngam yewtude heen, hannde, Alhuseynu BAH mbismaama yoga e terɗe AMFE, ko fedde

daraniiɗe  jannde rewɓe, kadi e semmbinde jannde e nder gure gonɗe dowri ɗee.

Hoɓɓe men ko Hapsatu Yaro Dem, ɓurɗo lollirde Jinndaa Dem, winndiyankeejo e Jeynaba Dem,

ko jannginoowo rewɓe kadi ko kanko jogii jeewte jokkondire hakkunde AMFE e ɓesngu nguu .

Hannde, Dinngiral Rewɓe naayori ko bannge guurte jibingol. Senegaal ɗoo, rewɓe heewɓe gollooɓe ina ngoyto, so ɓe njibini, guurte maɓɓe ɗee ina pamɗi ngam waawde fooftaade e wonndude e ɓiɓɓe maɓɓe haa puɗɗoo tiidde. Ko ɗuum saabi yoga e depiteeɓe e pelle daraniiɗe rewɓe ina jaɓɓal e yiɗde ɗeen guurte jibingol ɓeydee. Alhuseynu BAH bismiima Woppa Jallo, sarɗiyanke kadi daraniiɗo hakkeeje rewɓe e Aliwun Faal, ko ƴeewndotooɗo golle kadi taweteeɗo e suudu halfinaandu hakkeeji gollooɓe

Taskaram dinngiral rewɓe nawrata en ko to diiwal Maatam. Ton asugol jawdi iriindi e nder leydi woni “Foosfat” e nder ngal diiwal ina jogii battane mawɗe e nguurndam rewɓe ɓee. Ngol asugol saabiima ŋakkeere cellal ɓeen rewɓe. Kono noon kadi, e bi’ol maɓɓe, on sosiyete gasoowo oo "Foosfat" noddirteeɗo Somiva wallaani ɓe. Ngam yewtude e oo alhaali, Alhuseynu BAH bismiima Aysata Jah ko cukka meer komin Horkaƴere, Banel Jah gardiiɗo fedde rewɓe komin Ndenndoori e Mariyam Sidibe, hooreejo fedde rewɓe daraniinde mbamtaare diiwal Maatam.

Toɓɓere yewtere ndee hannde ana haala fii alhaali ɗannagol ngol ɗoftaaki e sariya . Ko ɓuri rewɓe ujune e cappanɗe taton   kañun e sukaaɓe  mum ɗannike e ndee hitaande naati Erop.  Ujune woɓɓe maayii e nder maayo mediterane. Holko saabi ngol ɓeydagol ɓee rewɓe e dow ɗii laawi ? Ko holɗi e tiiɗallaaji e torraaji ɓe heɓata e ngol laawol. E jonnde ndee, eɗen jaɓɓii Mariyama Kamara ginenaajo, ɗanninooɗo kiɗɗo, Nana Alimata ko burkinaajo  wonɗo Tripoli e duuɓi ƴaɓɓiiɗi ɗii, kanko wonnoo hooreejo fedde rewɓe Burkina ɗanniiɓe.

Tedduɓe heɗiiɓe rfi fulfulde, bismilla mon e yewtere men Dinngiral Rewɓe. Toɓɓere yewtere ndee hannde, ana haala fii alhaali sukaaɓe rewɓe raɗeteeɓe e galleeji maɓɓe sabu hiɓe ƴetti deedi ado ɓe reseede.On alhaali ana woodi e nder renndo ngoo gila ko ɓooyi, e duuɓi sakkitiiɗi sukaaɓe rewɓe reduuɓe tawa no wuuri e galleeji mawɓe maɓɓe tawa ɓe dewlaaka no ɓeydii sanne. Suka debbo heɓude reedu tawa reseeka addanan saaraaɓe mum hersa mawka e nder wuro ngon, hersa hakkunde ɓeynguure makko nden. Woɓɓe jaati ɗum laatoo sabu nde mawɓe mako yaltino mo e nder galle ɗen. Sukka debbo heɓuɗo reedu ado o naatude e dewgal, ɗum ana sattina heɓugol mo gorko ko resa mo.Ɗum fow anndinii wonnde sukaaɓe rewɓe ana ngonndi e caɗeele mawɗe e nder renndo ngoo. Holko haanaa waɗeede ngam walitaade ɓe? E jonnde ndee hannde, eɗen gonndi e Binta Muso SOW, ko o renndoyankeejo joɗɗiiɗo Moritani. Ko kanko woni koɗo e ndee yewtere. Rufaa'u Baaba Ashwariya gooto e nultondiraaɗo Kamerun waɗanii en jantoore e dow toɓɓere ndee.

Toɓɓere yewtere ndee hannde, ana haala fii alhaali, ɗii hakkeeji ɗi rewɓe dañi e ɗi duuɓi e nder leyɗe Afrik.E ɗii duuɓi ƴaɓɓiiɗi, pelle rewɓe ɗuuɗuɗe ngaɗii cippirooji ɗuuɗuɗi ngam newnude ɓeydugol kañum e teddingol hakkeeji rewɓe e nder leyɗe maɓɓe, ɗum fey so tawii faa jooni woodii ko heddii haani. E jonnde ndee, eɗen ngonndi e Ummu Kaan hooreejo fedde noddirteende "Amaam" yeeso e ɗemngal fulfulde. Fedde daraniinde nanodiral leñi (leƴƴi) Moritani, omo tawaa e fedde rewɓe nodditeende les "Elles du Sahel" haɓanoore hakkeeji rewɓe.Koɗo men e yewtere ndee kadi ko Woppa Jallo, gooto e fedde rewɓe Senegaal hertoriiɓe sariya. Yewtere ndee joɗɗiike, bismilla mon e heɗaade nde.

E ndee yewtere hannde kalaten ko e alhaali warngooji rewɓe walla sukaaɓe rewɓe, no wi'ee “féminicide” e faransiire. Taskaama wonnde e kala saha rewɓe walla sukaaɓe rewɓe no mbaree e nder dewle walla nguurdam genndiigu maɓɓe. ONUFEMMES ɓayyini cimtol ngol hitannde 2022 ko ɓoyaani, e maggol ɓe nganndinii wonnde oo alhaali no heewi e nder Afrik sabu e nder nden hitannde e bi'ol maɓɓe fotde rewɓe ujune sappo e jeeɗiɗi mbaraama e nder Afrik . Holko sabotoo ɗum? Ko holnde e fehre haanaa ƴetteede ngam haɓude oo musiiba? Ko ɗee namne njaabotoɗen enen e hoɓɓe men, Jeynaba Waan Njaay, golloowo to
ONUfemme e Woppa Jallo, hertorɗo sariya daraniiɗo hakkeeji neɗɗanke. Tedduuɓe ko nii woni mbaandi yewtere men.

Tedduɓe heɗiiɓe rfi fulfulde, bissimilla mon e yewtere men dinngiral rewɓe.Toɓɓere yewtere ndee no yowitii e darnde pelle rewɓe joɗiiɓe ka ɗowri, holko woni nafa maɓɓe e ɓamtaare dowri ndii? Ko holno ɗee pelle rewɓe joɗɗori faa yottaade e gollidal majje e mojobe ɗe humondira e laamuE jonnde ndee, eɗen gonndi e Mariyam Mammadu Aan jeeyaɗo Moritani, ko kanko ardii fedde rewɓe remooɓe noddirteende" farigolel" Faatumata Aamadu Dem mo Senegaal, gooto e rewɓe gollooɓe e fedde nde aldaa e laamu noddieteende "ONG Ased", ndee walde ana walla pelle rewɓe gonɗe e dowri ndii, O faminan en  golle maɓɓe. Bisimila-mon e heɗaade yewtere ndee. 

Tedduuɓe heɗiiɓe Rfi fulfulde on calminama. Bismilla mon e kaa taskaram dinngiral rewɓe. Toɓɓere men hannde no yewta e dow alhaali sukaaɓe rewɓe e nder ɗee ogiirɗe, ko ɗen woni nokkuuje ɗo kaŋŋe walla jawle iriiɗe ngasetee.Huutorgol sukaaɓe rewɓe e mbaadi bonndi no taskaa e ɗen nokkuje. Ɓee sukaaɓe rewɓe taweteeɓe e ɗe nokkuje ɗuɗuuɓe e maɓɓe ko ɗaynirteeɓe fii golle walla jannde tawa si ɓe arii wonaa ɗum ɓe tawata. Ngam keɓen ko laaɓi e mum, en njewtiidan e Moodu Gumbala, tawaaɗo e fedde nde wona laamuyankoore, noddirteende “ONG la limière”. E nder yewtere ndee kadi, en keɗoto seeditande yoga e sukaaɓe rewɓe addaaɓe ton. Tedduɓe bismilla mon e heɗaade.

Toɓɓere yewtere ndee hannde, ana haala fii alhaali darnde rewɓe e haɓugol e basiiji gonɗi e yoga e leyɗe Afrik.

Eɗen anndi duuɓi kewɗi jooni, yoga e leyɗeele hertamuya e ɗee leyɗe sahel ana gonndi e caɗeele rafi deenagu.

E ɗii duuɓi cakkitiiɗi warngooji kewɗi ngaɗaama e guure ɗee leyɗe sahel. Nate e widiyooji kewɗi ana kollii ɗii fitinaaji ngaɗateeɗi e gure faade e rewɓe. Ɗum wonii sabu yimɓe miliyonji eggi e koɗooli mum e nder leyɗe Sahel ɗee.

E jonnde ndee, eɗen gonndi e Apsa Jallo, hooreejo fedde noddirteede « foyer des femmes » wonnde Burkina nde faandaare ko wallude e ɗowtude rewɓe egguɓe e koɗooli maɓɓe saabu fitinaaji. Koɗo men e yewtere ko Fadimatu Bakari jeeyaɗo Kamerun, omo gollida e pelle daraniiɗe wallude rewɓe e nder leydi ndii. Yewtere ndee joɗɗiike bismilla mon e heɗaade.