Dinngiral rewɓe

Toɓɓere yewtere ndee hannde, ana haala fii alhaali nguurndan sukaaɓe rewɓe gollooɓe e ley cuuɗi. Eɗen anndi ɓee rewɓe ana keewi e ley galleeji ɗii ngam wallude, woɓɓe haybude sukaaɓe ngam heɓude njawdi.
E ɗee yontere ƴaɓɓiinde fedde nde wonaa-laamuyankoore yaltinii teffoore e alhaali nguurndan ɓee rewɓe
gollooɓe golle nder cuuɗi. Ndee teffore waɗaama e leyɗe e leyɗe buy hono Mali, Senegal, Gine, Benen kañun e Togo.
Njaltundi ndoo hollii wonnde yoga e ɓee rewɓe ana gonndi e caɗeede kewɗe fii heɓtugol  kalisi maɓɓe so lawru maayi.
E jonnde ndee, eɗen gonndi e Ayssatu Balde JALLO, jeyaaɗo Gine tawtoraaɗo e golleeji
ndee teffore, ko kanko woni koɗo men. Ko kanko woni kadi hooreejo sendika daraniiɗo
ɗowtude e haɓangol hakkeeji ɓee rewɓe gollooɓe e ley cuuɗi e nder Gine.
E yewtere ndee, en keɗoto jantoore, ndee Hammadi Aadamu waɗani to Benen e alhaali ɓee
rewɓe. Yewtere ndee joɗiike bismilla mon.

Toɓɓere yewtere ndee hannde, ana haala fii alhaali potal rewɓe e worɓe e politik hertamuya e cuuɗi depiteeɓe leyɗe men.
On anndi, e ɗii wooteeji sarɗiyankooɓe kaanuɗi waɗude ɗo Senegaal e nduu lewru, doggi na en biiyan ɗereeji woɓɓe e ɗaɓannooɓe woote calaama saabe rafi waɗude rewɓe e ɗii doggi. Nde wonno Senegaal ana jogii sariyawol noddirteengol "parite" ɗum woni potal rewɓe e worɓe e nduu suudu depiteeɓe.

Cappanɗe e ley teemederewl bannge fuf rewɓe haani taweede.

On alhaali worri e leyɗe goɗɗe Afrik, e jonnde ndee eɗen gonndi e Sumahu Samatu JALLO, debbo ngaɗoowo politik, jeeyaɗo Gine, omo tawaa e fedde dawro IFDG. Koɗo men hannde, Sawudatu Mammadu Wane depiteejo to suudu sarɗiyankooɓe Moritani.

 Toɓɓere yewtere ndee hannde, ana haala fii alhaali kawrital hertoriiɓe sariya ngaɗungal nder Dakar laamorgo Senegaal e timmooɗe lewru ƴaɓɓiindu nduu. Ndee jonnde balɗe tati hawrondinii hertoriiɓe sariya leyɗe keewɗe Afrik, yeru Niijeer, Mali, Benen, Togo e Tunisi e leyɗe keewɗe goɗɗe. Ɗum waɗii e maanditaade heɓugol duuɓi cappanɗe joyi e sosugol fedde gollooɓe e bannge sariya Senegaal noddiraande AJS.

E on alhaali toɓɓe keewɗe yewtaama e footi e hakkeeji rewɓe heɓaaɗi, ko haani ɗaɓɓeede kañun alhaali heɓugol rewɓe sariya e nokkuuje ɗo fitinaaji na basiiji goni.E yewtere ndee hannde, eɗen njaɓɓi Abi JALLO, gooto e mawɓe AJS, ɗun woni fedde hertoriiɓe sariya ɗo Senegaal.Pr Dielya Yaya Wane hooreeji salndu daraniinde wittude e peeje ndeenagu e jam to Cheds Koɗo men ko Balkisa JALLO hertoriiɗo sariya Niijeer kawruɗo e jonnde ndee.

Tedduɓe jokkiiɓe  rfi fulfulde bisimilla mon e yewtere men dinngiral rewɓe. Toɓɓere yewtere ndee hannde, ana haala fii alhaali "Oktoobur Rose", nduu lewru sappoɓuru hertananaandu rewɓe heɓude ñawu yiila (soto) Kanseer e fransiire. Ko ujune rewɓe gonndi e nguu ñawu.  Yoga e maɓɓe  enɗi mum ko taƴaaɗi, woɓɓe ko e rennga maɓɓe ɓe heɓata oo kanseer noddirteeɗo e faransiire "Cancer du col de l’utérus".Kanseer ko ñawu bonngu, kono jogiingu safaare so ngu yiitaatama law. Faandaare nduu lewru "Oktoobur Rose", ko waɗude kawrite e wallude rewɓe ƴeewude (ndartude cellal) hoore maɓɓe, ɓe annda so  tawii hiɓe gonndi e ñawu nguu.
Koɗo men e yewtere ndee hannde, ko Faatu Fall, hooreejo fedde "la solution pour la lutte contre le Cancer", ɗum fii ɗaɓɓugol dabareeji e haɓude ñawu yiila (soto). Kanko e hooree makko e heɓiino Kanseer o ndikki. Yewtere joɗɗinke bismilla  mon.

Toɓɓere yewtere ndee hannde, ana teddinira rewɓe dowri,ñalawma 15 lewru nduu wonno ñalawma hertanaaɗo ɓee rewɓe tinniiɓe koɗuɓe e dowri ndii. Ko kanɓe goni rewɓe remooɓe, duruuɓe wakatuuji, waylitooɓe ɓiɓɓe leɗɗe. Ndee ñalaande waɗii hikka, e saha de leyɗe keewɗe Afrik gonndi e ilameeji mawɗi saabe toɓooli, goɗɗi batte keewgol maaje. On alhaali ana taska to Mali, Niijeer, Gine, Senegaal kañun e Caad.

Ɗun laatike sabaabu bonnugol cuuɗi, ngese kañun e eggugol ujunaaji yimɓe nokkuuje mun saabe illameeji ɗi. E jonnde ndee, en keɗoto jantoore nde heƴƴaaɗo men to Richard Tol e bannge rewo Senegaal

Lamiin Bayla Sene waɗi e alhaali nguurndam ɓee rewɓe dowri e oo saha illameeji. Koɗo men e yewtere dee hannde, ko Maryam Jallo wuuri Sall, ardiiɗo gollirde "saveur chez Yama", alhaali waylitingol ɓiɓɓe leɗɗe.

Oo ñalorma teddinaa hikka aljumaare ƴaɓɓiinde ndee, e dow toɓɓere ji’ango sukaaɓe rewɓe e alhaali janngo.
E on alhaali salndu ONU Unicef kalfinaade alhaali sukaaɓe holliti e ciintol ley rewɓe jetti gooto e maɓɓe doolama, na hakke mun toñaama, e ngol ciintol limoore ndee ko leyɗe afrik ɓaleeje ɓuri hewde,
Holko saabi kewgol oo adadu ? hol peeje kaani ɓameede ngam sakkaade ɗi fitinaaji ngaɗeteeji e dow sukaaɓe rewɓe ɓe ?,
E jonnde ndee, eɗen gonndi e Oumou Hairy Diallo hooreejo fedde sukaaɓe rewɓe to Gine, daraniinde sukaaɓe sukaaɓe ɓe.
Koɗo men e yewtere ndee ko Dienaba Wane, gooto to fedde ONU femme afrik hirnage, salndu onu daraniinde alhaali sukaaɓe e rewɓe. Yewtere ndee joɗɗiike, bissila-mon e heɗaade.

Toɓɓere yewtere ndee hannde, ana haala fii alhaali koolol ɗiɗaɓol winndere "mogo" woɓɓe biiyata teyatiri kañun e naalankaagal na njalni-njalni ngaɗuɗo e nder Dakar e gila tati haa e jeegon lewru nduu. Toɓɓere hikka ana teddinira rewɓe, saabi kanɓe woni jikkeeji cuuɗi ɗi e wi’i hooreejo ngol koolol. Leyɗe keewɗe, yeru Mali, Burkina kañun e Gine ngari tawtoreede e ngal kawrital. Toɓɓe ɗuɗɗe kollitaama e ɗii fijooji teyatiri, hono nawliigu, njiiɓu njawdi gollooɓe laamu e ko nanndi e mun.
 

E jonnde ndee, eɗen gonndi e Ndube Jeeng ngaɗoowo teyatiri ɗo Senegal, oo wari ƴewude ɗee jewte. Fatumetu Gakku malinaajo ana tawaa guɓal yimɓe Mali noddaaɓe e ngol koolol Hannde e silminii hoɓɓe ɗiɗo e yewtere ndee, ko Ginenaaɓe, Mamaysata Sylla anndiraaɗo Miss silam e Mammadu Bangura noddirteeɗo Angelo. Eɓe tawaa e guɓal " Nimite theatre".

Talaata hannde woni ñalawma teddiniraaɗo gimi walla Mizik, hitannde kala oo ñalawma no mawninee e nder winndere ndee. Ko ɗum saabi Diingiral Rewɓe, men no yewti hannde fii Misik. E nder ɗum toɓɓere yewtere no faati ko e rewɓe waɗooɓe gaaci, holɗe caɗeele ɓe kawrata?Jaabotooɗo namne men ko Tuuti Besel, oo nalankeejo debbo jeeyaɗo e falnde Velingara e nder diiwal Kolda, to worgo Senegaal.

Rewɓe heewɓe ina ngummoo ɗoo e Afrik ngam yiɗde naatde Orop. E nder teemedere kala  yimɓe yiɗuɓe yahde Erop hara ko ɗannoranɓe laaɓi ɗi ndewaani sariya, sappo ɓee ko rewɓe. Ko ɗuum anndini yiilirde Erop halfinaande keeri leyɗe taweteeɗe e Dental Leyɗe Erop, Frontex. So tawii heewɓe e maɓɓe njolata ko e laaɗe ɗee, ina waɗi e maɓɓe rewooɓe e laabi lesɗii. Keewal rewɓe ɓee, ina jaalɗi e ɗee ɗalle e ndewaani sariya. E taskaram Dinngiral Rewɓe hannde, Alhuseynu Bah bismii ko Njooro Njaay, gardiiɗo fedde nde wona laamuyaŋkoore haɓantoonde ɗanle ɗe ndewwani sariya, kadi meeɗnooɗo jeyeede e salndu fedde adunaaru halfinaandu ɗanle.

Taskaram  men Dingiral Rewɓe no yewta ko yowitii e alhaali rewɓe reeduuɓe (haamiliiɓe) gollooɓe e caɗeele ɗe ɓe hawrata  ley sarwisiiji maɓɓe.Faa keɓen  faamu en salminan (jaɓɓoto) Woppa JALLO,Sariyankoojo  daraniiɗo  reenugol hakkeeji rewɓe. Fadde ɗum en keɗoto seeditanɗe yoga sakiraaɓe  rewɓe gollooɓe ɓe kokka miijo maɓɓe e ndee toɓɓere. Hono woowiri non heɗiyankooɓe men ngaddan ji'annɗe maɓɓe  e oo alhaali.