Dinngiral rewɓe

Dinngiral rewɓe e ndee talataare hannde, njeewtaten ko ko feewti e fitinaaji keewɗi faweeɗi e dow rewɓe puuliiɓe, woɓɓe mbiya jaabiyaaɓe. Teskaama e leyɗe keewɗe e ndee duunde Afrik, puliiɓe ɓee no wuuri caɗeele  e nder renndooji ɗii. Kono ko rewɓe ɓee ɓuri yeɗaade e kaa lorra. No ara e sahaaji nde ɓe dooletee walla ɓe lettee. Woɓɓe tuugoo e piɗe finaa-tawaaje walla e dalillaaji aadiyankooji ɗi wonaa goonga tappina ɓe.

E nder yeewtere ndee, en yewtan kadi ko yowitii e ɗee mette ɗe ɓee puuliiɓe (jaabiyaaɓe) nguuri sabu wikkeede e loñeede sera. Maa en jeewtidu e ardiiɓe pelle  daraniiɓe haŋŋeeji maɓɓe. Tedduɓe, ko nii  woni mbaadi yeewtere men hannde, bisimillah mon.

Toɓɓere yewtere ndee hannde, ana haala alhaali ɓeydugol jobdi gollooɓe e ley galleeji Senegal.
E tiimmooɗe lewru nayaɓuru ƴaɓɓiindu e ndee hitaande, hooreeɓe Senegal, tennti e jaagorgal kalfinaagal gollooɓe leydi ndii, ɓami sariyawol yamiroowol ɓeydugol njobdi gollooɓe e ley cuuɗi na en biyan walititooɓe golleeji e ley galleeji.
 

Lewru caggal, ɓamugol oo sariya, hono alhaali oo woniri ? Yalla ɓee gollooɓe njobdi maɓɓe ɓeydike? Jantoore nde Fadima Sy waɗani en e nder Dakar humpitan en.

Koɗo men hannde e yewtere ko Aissata Balde jeyaaɗo Gine, ko kanko woni hooreejo "syndicat" rewɓe gollooɓe e ley galleeji e nder Guinee.

Rewɓe heewɓe ina ngummoo ɗoo e Afrik ngam yiɗde naatde Orop. E nder teemedere kala  yimɓe yiɗuɓe yahde Erop hara ko ɗannoranɓe laaɓi ɗi ndewaani sariya, sappo ɓee ko rewɓe. Ko ɗuum anndini yiilirde Erop halfinaande keeri leyɗe taweteeɗe e Dental Leyɗe Erop, Frontex. So tawii heewɓe e maɓɓe njolata ko e laaɗe ɗee, ina waɗi e maɓɓe rewooɓe e laabi lesɗii. Keewal rewɓe ɓee, ina jaalɗi e ɗee ɗalle e ndewaani sariya. E taskaram Dinngiral Rewɓe hannde, Alhuseynu Bah bismii ko Njooro Njaay, gardiiɗo fedde nde wona laamuyaŋkoore haɓantoonde ɗanle ɗe ndewwani sariya, kadi meeɗnooɗo jeyeede e salndu fedde adunaaru halfinaandu ɗanle.

 Toɓɓere yewtere ndee hannde, ana haala alhaali dolugol walla yenugol e sukkaloy dehoy (pamaroy) e nder leyɗe men.E jonte ƴaɓɓiiɗe to Gine cimtol pelle daraniiɗe hakkeeji rewɓe hollitii wonde ko ɓuri sukaaɓe teemeɗɗe doolaama e ley cuuɗi jannginirɗi e ley hitaande 2024 ƴaɓɓiinde ndee. Oo saha, e nder Senegal, sukkaloy ɗiɗoy, gooto maɓɓe no jogii duuɓi jeenay yenaama heɓɓi en renude, goɗɗo oo maayi e oo fitina.

E koolol na biiyan "festival dari" to Tchad, debbo mo duuɓi sappo e jeɗɗi yeena, ɗun tawdude e ko waɗuno e to Mauritanie, lebbi ƴaɓɓiiɗi ɗii...Ɗun fuf ana hollita ɓeydagol oo fitina tooñoowo hakkeeji rewɓe, e ndimaaku maɓɓe.

E jonnde ndee, eɗen njaɓɓi yimɓe ɗiɗon, Houraye BAH jeyaaɗo Gine, hooreejo fedde Amali daraniinde haɓanaade hakkeeji rewɓe. Binta Diallo senegalnaajo ɗun woni golle mun e fedde noddiraande "defa doy" e wolof. Bismillah mon

Tedduɓe heɗiiɓe rfi fulfulde, bissimila mon e yewtere men dinngiral rewɓe.
Toɓɓe rewɓe yewtere ndee ana haala fii alhaali rewɓe winndooɓe defte. Rewɓe ɗuuɗuɓe ana
tawaa e oo fannu winndude defte, ngam jannginde, woɓɓe ko faaminde caɗeele ɗe rewɓe ɓe
gonndi e nder renndo ngo. Hannde e yewtere eɗen, gonndi gooto e ɓe rewɓe winndooɓe, ko Senegal oo jeyaa. Bislla mon
yewtere ndee joɗɗiike.

Toɓɓe rewɓe yewtere ndee ana haala fii alhaali oo ñalorma joyi lewru joyaɓuru hitaande kala hertanaaɗo rewɓe sawrooɓe rewɓe reeduɓe, "sage-femme" e fransiire ndee. Ɓee rewɓe tinniiɓe ana tawaa e cuuɗi sawrirɗi ngam  wallude ɗowtude honorooɓe maɓɓe reeduɓe, gilla e puɗɗooɗe faa jibingol maɓɓe.

E ndee yewtere, eɗen gonndi Houleye BAH sage-femme to suudu mawndu sawrirdu Kahaidi to Mauritanie. Eɗen tawano e suudu dokotoro Pikine Touba Diacksao ɗo Dakar, laamorgo Senegaal ngam yeewtitde e Mme Diack Djeneba Barry "sage-femme".

Tedduɓe heɗiiɓe rfi fulfulde, bissimila-mon e yewtere men dinngiral rewɓe. Hannde yewtere ana tawa e diiwal Kolda e bannge worngo Senegal, ngam yewtidi e rewɓe wuro Thidellie e commune Koumbakara kañun e ɓe kommine Bouno.
E ɗe nokkuuje pelle sukaaɓe rewɓe kañun worɓe noddiraaɓe hommes champion njoɗɗinaama ngam jannginde ɓe kule kewɗe yeru e ngam bannge jannde, ɓantaare maɓɓe, kañun e nanodiral rewɓe e worɓe e ley galleeji ɗi Yewtere ndee joɗɗike.

Tedduɓe heɗiiɓe rfi fulfulde, bissimila-mon e yewtere men dinngiral rewɓe. Hannde yewtere ana tawa e diiwal Kolda e bannge worngo Senegal, ngam yewtidi e rewɓe wuro Thidellie e commune Koumbakara. Ɓe rewɓe heɓi ballal fedde ndee walda e laamu Batonga, ballal latatiinɓe moƴƴoore, sabi ɓe mbawi waɗude njgeyguuli, ɗi ɓe heɓɓi e mun nafa ngam semmbinde ɓantaare maɓɓe. Yewtere ndee joɗɗike.

Toɓɓere yewtere ndee hannde, ana haala fii alhaali, rewɓe gollooɓe e diplomasi. E yewtere men ƴaɓɓiinde ndee, e yewtidii e Nima Bah diplomaatjo mo Gine. Hannde, eɗen gonndi e madam Aysata Kane, hooreejo salndu ONU daraniindu ɗanle, wonndu Senegal (OIM). Aysta Kane, ko diplomaatjo jeyaaɗo Moritani, oo waɗi ko ɓuri duuɓi noogay omo golla e ɗen baŋŋe. Yewere ndee joɗɗike bisilamon e heɗaade.

Sudan, hannde heɓii duuɓi ɗiɗi gila hare fuɗɗii e ndii leydi. Ko Jeneral Abdel Fatah al Burhan ardiiɗo konu leydi ndii e jeneral Muhammad Hamdan Daglo, anndiraaɗo Hemeti, ardiiɗo ngoomu konu yaawungu no wi’ee FSR woni e haɓude ngam ardagol Sudan. Ndee, ko hare ɓurnde e muusude e nder nduu adunaaru. Yimɓe ujune maayi, miliyon 13 eggii. Ɓee egguɓe hino wuuri ngurɗam musɗam. Ɓadagol setto tawti pellital Dawlaaje Ndentuɗi Amerik dartinngal balle winndereyankooje, no laatanii HCR, salndu adunaaru daraniindu egguɓe, annde. Ko Mamadou Dian Diallo, ardiiɗo nduu saldnu e nder Sudan woni koɗo men hannde. Himo Jaaboo lamnde Ibrahima Timbi Bah.