Toɓɓere yewtere ndee hannde, ana haala alhaali dolugol walla yenugol e sukkaloy dehoy (pamaroy) e nder leyɗe men.E jonte ƴaɓɓiiɗe to Gine cimtol pelle daraniiɗe hakkeeji rewɓe hollitii wonde ko ɓuri sukaaɓe teemeɗɗe doolaama e ley cuuɗi jannginirɗi e ley hitaande 2024 ƴaɓɓiinde ndee. Oo saha, e nder Senegal, sukkaloy ɗiɗoy, gooto maɓɓe no jogii duuɓi jeenay yenaama heɓɓi en renude, goɗɗo oo maayi e oo fitina.

E koolol na biiyan "festival dari" to Tchad, debbo mo duuɓi sappo e jeɗɗi yeena, ɗun tawdude e ko waɗuno e to Mauritanie, lebbi ƴaɓɓiiɗi ɗii...Ɗun fuf ana hollita ɓeydagol oo fitina tooñoowo hakkeeji rewɓe, e ndimaaku maɓɓe.

E jonnde ndee, eɗen njaɓɓi yimɓe ɗiɗon, Houraye BAH jeyaaɗo Gine, hooreejo fedde Amali daraniinde haɓanaade hakkeeji rewɓe. Binta Diallo senegalnaajo ɗun woni golle mun e fedde noddiraande "defa doy" e wolof. Bismillah mon