An ka lamini lamɛn

Bi araba, juin kalo tile 05 ye lamini tɔgɔladon kɛrɛnkɛrɛnnen ye min bila la senka diɲɛ tɔnba ONU fɛ. Waati don ka bilasiraliw ani hakilinaw ta wasa ka laminiko gɛlɛyaw kunbɛ i n'fɔ ɲinan ta baabu b’o yira cogomin. “Ka dugukolo yɔrɔ ciyɛnenw ladilan, ka dansigi kungow silatununi la ani ja kɛlɛli. “ Nka yala o laɲiniw bɛna se ka sabati  cogo di Farafinna ?

Moussa Alou COULIBALY ni laminiko dɔnbaga ŋanaw masaala la o de kan bi lamini jɛmukan kɛnɛ kan, an k’u lamɛn.

O siratigɛ la, kuma dira muso cɛsirilen fila ma minnu ka wulikajɔw fanba bɛnen bɛ yirituru ani laminiko baaraw wɛrɛw ma.

Olu bɛ bɔli lamini latanga kulu “Ségou-vert” ani “association des ami.e.s de la nature” laminilatanga jɛkulu kɔnɔ Sénégal, kɛrɛnkɛrɛnnenya la, Tambacounda marabolo kɔnɔ, jamana kɔrɔyanfan fɛ.

Farafinna halini sɛnɛ hɔrɔn bɛ ka lawaleya, sɛnɛkɛla caman de bɛ ka taa ɲɛ halisa ni bagamafɛnw donni ye u ka forow la walasa ka sɔrɔ kɛ. A dɔw yɛrɛ tɛ hali u matarafa cogow dɔn. O siratigɛ la, bi lamini jɛmukan bɛ kuma sɛnɛ an'o bagamafɛnw matarafaliko ɲuman de kan waalasa ka sɔrɔba kɛ kasɔrɔ an ma dan kari kɛ hadamadenw ka ɲɛnɛmaya ni lamini la.

Yala o baaraw bɛ kɛ cogo di ? An bɛ se ka tɛmɛ sira jumɛnw fɛ walasa ka nɔgɔw ani fɛnɲɛnɛmanw gɛn an ka forow la kasɔrɔ a ma kɛ ni tiɲɛnni ye ? An b'an tulomajɔ Moussa Alou n'a ka mɔgɔ weelelenw fɛ.

O sababu ye mun ye ? Fɛɛrɛ jumɛnw de bɛ se ka sɔrɔ o ko la ? Baba WATTARA n'a ka mɔgɔ weelelen bɛ kuma o bɛ de kan bi, "An ka lamini lamɛn jɛmukan kɛnɛ kan".

Baba WATTARA ni lamini dɔnbaga fila ye baro kɛ kungo jɛninin kɔlɔlɔ n’a nasiraw de kan nin dɔgɔkun in na.
Babuw senfɛ , an ka mɔgɔ weelelenw ye ladilikan camal di wasa dɔ bɛ se ka bɔ wale in na Farafinna jamana caman kɔnɔ.
 

An ni muso ninnu bɛ baro kɛ bi , u ka wulika jɔw kan ka ɲɛsin lamini lakana ma. U bɛ gɛlɛya minnu sɔrɔ o baara in senfɛ fɔ ka ta se u ye nafa minnu sɔrɔ a la. U b’u dado fɛnɛ u ka gɛlɛyaw jango sɔrɔ ko sirafɛ.

O jitonw nafa ka bon gun in kan kɔsɔbɛ, kuranko ta fanfɛla la kɛrɛnkɛrɛneneya la. Nka, Olu ladonini baliya kamana u ka kurandita fangaw ka dɔgɔn bi ka tɛmɛ u fanga yɛrɛ-yɛrɛ kan. O min fana bɛ se ka jate Manden jamana dɔw ka  nin waati kuranko gɛlɛya sababu dɔ ye inafɔ Mali la. Daouda SANON ko ten. Ale ye jitonkow dɔnbaga ŋana ye ka bɔ Burkina , nk’a sigilen bɛ Sénégal jamana kan nin waati la.

O waalew bɛ ka san sɔrɔ kɔsɔbɛ gun in kan , jango a tilebiyanfan jamanaw kɔnɔ. Wa a ko kɔlɔlɔ ka bon kɔsɔbɛ hadamadenw ni lamini yɛrɛ kan. Infɔ, yɛlɛma donni sanji nacogow la, jika ciyɛniw wali nin dɔgɔkunlabanw  tilebabɔ. Wasa ka faamuyali sɔrɔ ako kan, an k’an tulomajɔ Moussa Alou COULIBALY n’a ka maa weelelenw la. 

O jamana  dɔw yɛrɛ minnu tɛmɛna u ka tarigu tile fariya jatebɔlenw kan i n'a fɔ Mali.

Kayes marabolo la kɛrɛnkɛrɛnyala, Sénégal dancɛ yɔrɔ la, yen, tile fariya sera degere 50 masuruna ma Avril kalo in daminɛ la. 

Yala mɔgɔw nɔ bɛ ni tileba bɔ in na wa ? 

A kɔlɔlɔw bɛ se ka kɛ mun ye hadamadenw yɛrɛ ani baganw ma ? 

An ka kan ka mun de kɛ wasa k’a ko kunbɛn wali ka dɔ bɔ a la don nataw la ?