Hljómsveitin Jeff Who stimplar sig inn með barflugunni sinni, Hjálmar skipta tveimur Svíum inn á, Leaves er undir álögum en Sigur Rós segir TAKK.

Bubbi Morthens gerir upp fortíðina með tveimur plötum, Baggalútur gefur út kántrýplötu, Hera safnar fjöðrum í poka en hús datt á Megasukk.

Dr. Spock kynnir gulan uppþvottahanska til leiks, Trabant gefur í, Skítamórall snýr aftur, Nylon stúlkurnar eru í útrás og Buff er hamingjusöm hljómsveit.

Svala Björgvins leitar til vina og vandamanna á sinni annarri sólóplötu, Hölt hóra heldur brjálað partý og Hot Damn segir sögu af óvæntu ævintýri í Amsterdam.

Daníel Ágúst og Rúnar Þóris gera sólóplötur, Siggi Ármann syngur um fílamanninn og Hljómsveitin Ég gefur út plötu ársins.

Árið er 2005

Seinni hluti tuttugasta og þriðja þáttarins í útvarpsþáttaröðinni Árið er .... Íslensk dægurlagasaga í tali og tónum fer í loftið á Rás 2 klukkan 16.05 laugardaginn 23. nóvember og verður endurfluttur sunnudagskvöldið 24. nóvember kl. 22.05.

Meðal viðmælenda í seinni hluta umfjöllunar um íslenska tónlistarárið 2005 eru Bjarni Hall, Elís Pétursson, Daníel Ágúst Haraldsson, Arnar Guðjónsson, Arnar Ólafsson, Guðmundur Kristinn Jónsson, Bubbi Morthens, Jakob Frímann Magnússon, Einar Bárðarson, Þorvaldur Gröndal, Ragnar Kjartansson, Róbert Örn Hjálmtýsson, Jón Þór Birgisson, Kjartan Sveinsson, Kári Sturluson, Freyr Eyjólfsson, Óttar Proppé, Guðni Fransson, Arnar Gíslason, Hera Hjartardóttir, Bragi Valdimar Skúlason, Svala Björgvinsdóttir og Víðir Björnsson.

Hljómsveitin Jeff Who stimplar sig inn með barflugunni sinni, Hjálmar skipta tveimur Svíum inn á, Leaves er undir álögum en Sigur Rós segir TAKK.

Bubbi Morthens gerir upp fortíðina með tveimur plötum, Baggalútur gefur út kántrýplötu, Hera safnar fjöðrum í poka en hús datt á Megasukk.

Dr. Spock kynnir gulan uppþvottahanska til leiks, Trabant gefur í, Skítamórall snýr aftur, Nylon stúlkurnar eru í útrás og Buff er hamingjusöm hljómsveit.

Svala Björgvins leitar til vina og vandamanna á sinni annarri sólóplötu, Hölt hóra heldur brjálað partý og Hot Damn segir sögu af óvæntu ævintýri í Amsterdam.

Daníel Ágúst og Rúnar Þóris gera sólóplötur, Siggi Ármann syngur um fílamanninn og Hljómsveitin Ég gefur út plötu ársins.

Árið er 2005

Seinni hluti tuttugasta og þriðja þáttarins í útvarpsþáttaröðinni Árið er .... Íslensk dægurlagasaga í tali og tónum fer í loftið á Rás 2 klukkan 16.05 laugardaginn 23. nóvember og verður endurfluttur sunnudagskvöldið 24. nóvember kl. 22.05.

Meðal viðmælenda í seinni hluta umfjöllunar um íslenska tónlistarárið 2005 eru Bjarni Hall, Elís Pétursson, Daníel Ágúst Haraldsson, Arnar Guðjónsson, Arnar Ólafsson, Guðmundur Kristinn Jónsson, Bubbi Morthens, Jakob Frímann Magnússon, Einar Bárðarson, Þorvaldur Gröndal, Ragnar Kjartansson, Róbert Örn Hjálmtýsson, Jón Þór Birgisson, Kjartan Sveinsson, Kári Sturluson, Freyr Eyjólfsson, Óttar Proppé, Guðni Fransson, Arnar Gíslason, Hera Hjartardóttir, Bragi Valdimar Skúlason, Svala Björgvinsdóttir og Víðir Björnsson.

Emilíana Torrini snýr aftur eftir nokkura ára hlé, Ampopdúettinn breytist í tríó og poppar sig upp en Dikta er í hamingjuleit með ás upp í erminni.

Mugison & Hjálmar taka höndum saman, Vínyll gefur loksins út frumburð sinn og Orri Harðar öðlast aftur trú á lífið og kæreikann. Lights On The Highway gefur út sína fyrstu plötu eftir að hafa sigrað í Global Battle Of The Bands en Kimono gerir út frá Berlín.

Hildur Vala og Heiða Ólafs keppa til úrslita í Idol stjörnuleit og Benni Hemm Hemm býður í skrúðgöngu. Ragnheiður Gröndal selur grimmt, Írafár missir alla stjórn, Sálinnihans Jóns míns hefur aldrei liðið betur og Selma Björns tekur aftur þátt í Eurovision

Rass sýnir andstöðu og vill kvótann burt, Jakobínarína á stefnumót við sjónvarpið sitt en söngvaskáldið Helgi Valur er á einlægu nótunum á sinni fyrstu sólóplötu.

Árið er 2005

Fyrri hluti tuttugasta og þriðja þáttarins í útvarpsþáttaröðinni Árið er .... Íslensk dægurlagasaga í tali og tónum fer í loftið á Rás 2 klukkan 16.05 laugardaginn 16. nóvember og verður endurfluttur sunnudagskvöldið 17. nóvember kl. 22.05.

Meðal viðmælenda í fyrri hluta umfjöllunar um íslenska tónlistarárið 2005 eru: Emilíana Torrini, Guðmundur Kristinn Jónsson, Örn Elías Guðmundsson, Baltasar Kormákur, Birgir Hilmarsson, Orri Harðarson, Þór Freysson, Guðlaugur Júníusson, Egill Tómasson, Haukur Heiðar Hauksson, Kristófer Jensson, Stefán Hilmarsson, Guðmundur Jónsson, Ragnheiður Gröndal, Birgitta Haukdal, Óttarr Proppé og Helgi Valur Ásgeirsson.

Fyrsta sólóplata Bjarkar Guðmundsdóttur með frumsömdu efni, Debut, kom út í júlí 1993 og fór beint í 3. sæti breska breiðskífulistans í útgáfuvikunni.

Útvarpsþátturinn Árið er.... Íslensk dægurlagasaga í tali og tónum verður með óvenjulegu sniði laugardaginn 9. nóvember, þar sem sólóferill Bjarkar verður rifjaður upp frá árinu 1993 til árins 2011.

Umsjón og handrit: Ásgeir Eyþórsson, Gunnlaugur Jónsson og Jónatan Garðarsson.

Raddir: Ásgeir Eyþórsson og Sigríður Thorlacius.

Samsetning: Ásgeir Eyþórsson.

Útvarpsþátturinn Árið er.... Íslensk dægurlagasaga í tali og tónum verður með óvenjulegu sniði laugardaginn 2. nóvember. Að þessu sinni verður ekki tekið fyrir ákveðið ár, heldur rifjuð upp fyrstu árin á tónlistarferli Bjarkar Guðmundsdóttur.

Hjálmar slá í gegn með suðrænum og seiðandi reggítónum og partýhetjan Love Guru stígur fram á sjónarsviðið. Nylon er alls staðar, Raggi Bjarna er í flottum jakka, Ragnheiður Gröndal syngur vetrarljóð en Ellen Kristjáns syngur sálma.

Mammút sigrar í Músíktilraunum, Múm leggur land undir fót en Geir Harðarson nemur land og spilar og syngur í mónó. Bubbi syngur um íslenska sjómenn og skoðar Tómasarguðspjallið en Rafn Jónsson fer í Abbey Road hljóðverið og kveður sáttur.

Mínus túrar beggja vegna Atlantshafsins, Brain Police æfir stíft og Aldrei fór ég suður fer af stað en Hvanndalsbræður eru hrútleiðinlegir. Það eru gleðitímar hjá Kalla Bjarna, Í svörtum fötum heldur tryllt böll og Stuðmenn eru í takt við tímann.

Árið er 2004

Seinni hluti tuttugasta og annars þáttarins í útvarpsþáttaröðinni Árið er.... Íslensk dægurlagasaga í tali og tónum fór í loftið á Rás 2 klukkan 16.05 laugardaginn 26. október og verður endurfluttur sunnudagskvöldið 27. október kl. 22.05.

Meðal viðmælenda í seinni hluta umfjöllunar um íslenska tónlistarárið 2004 eru: Guðmundur Kristinn Jónsson, Ragnheiður Gröndal, Örn Elías Guðmundsson, Einar Jónsson, Þórður Helgi Þórðarson, Margrét Eir Hjartardóttir, Einar Bárðarson, Ragnar Bjarnason, Rafn Ragnar Jónsson, Egill Örn Rafnsson, Ragnar Sólberg Rafnsson, Bubbi Morthens, Birgitta Haukdal, Erpur Eyvindarson, Jón Björn Ríkharðsson, Björn Stefánsson og Þorkell Máni Pétursson.

Mugison semur lag ársins með vini sínum Pétri Ben, Trabant treður upp á Bessastöðum og Eivör vinnur með Vestur-íslenska tónlistarmanninum Bill Bourne.

Björk syngur á setningarathöfn Ólympíuleikanna, Nýdönsk og Sinfóníuhljómsveitin rugla saman reytum og Jón Ólafs syngur um sunnudagsmorgun. Brimkló segir smásögur, Hljómar rífa húmorinn upp og erlendir tónlistarmenn heimsækja landann í tugatali til tónleikahalds.

Þórunn Antonía fer í brúðkaupsferð til Bretlands en Quarashi kastar hvíta handklæðinu í hringinn og Jan Mayen dásamar Nick Cave. Á móti sól breiðir yfir 12 íslensk topplög og Sigurmolarnir syngja sigurlagið en Jagúar heldur áfram að fönka landann upp.

Hljómsveitin Tenderfoot vekur bjartar vonir en hættir störfum fljótlega eftir hafa neyðst til að breyta um nafn. Ske er í góðum fíling, Jónsi fer í Eurovision og Mannakorn segir að Satan sé til.

Árið er 2004

Meðal viðmælenda í fyrri hluta umfjöllunar um íslenska tónlistarárið 2004 eru: Örn Elías Guðmundsson, Samúel Jón Samúelsson, Börkur Birgisson, Daði Birgisson, Gunnar Þórðarson, Björn Stefánsson, Ólafur Ragnar Grímsson, Ragnar Kjartansson, Þorvaldur Gröndal, Magni Ásgeirsson, Samúel Örn Erlingsson, Jón Ólafsson, Guðmundur Steingrímsson, Frank Hall, Sölvi Blöndal, Vilhelm Anton Jónsson, Þórunn Antonía Magnúsdóttir, Jón Björn Ríkharðsson og Ágúst Bogason.

Hljómar snúa aftur og gefa út fyrstu plötu sína í 29 ár, Maus og Botnleðja tala tungum og Eberg kveður sér hljóðs.

Mínus umpólast og gefur út plötuna Halldór Laxness og Krummi syngur með Björgvini föður sínum á dúettaplötu en Sálin frumsýnir söngleik.

Barði í Bang Gang er sinnar eigin gæfu smiður og Eivör slær í gegn hjá frændum sínum en Margrét Eir bíður andartak.

Idol-æði skolar á land frá Ameríku. KK og Maggi fara í ferðalag og Ríó tríó kemur úr felum en Jónsi Í svörtum fötum hefur ekkert að fela.

Trabant slær í gegn á Airwaves hátíðinni og Funerals gera kántrýplötu uppi í sveit en Kimono segir sögur af japönskum lögreglufulltrúa.

Skytturnar rappa um lognið á undan storminum, Dys gefur út veiðileyfi á ríkisstjórnir en Land og synir eru á fjórum fótum í óðali feðranna.

Árið er 2003

Seinni hluti tuttugasta og fyrsta þáttarins í útvarpsþáttaröðinni Árið er .... Íslensk dægurlagasaga í tali og tónum fer í loftið á Rás 2 klukkan 16.05 laugardaginn 12. október og verður endurfluttur sunnudagskvöldið 13. október kl. 22.05.

Meðal viðmælenda í seinni hluta umfjöllunar um íslenska tónlistarárið 2003 eru: Gunnar Þórðarson, Rúnar Júlíusson, Eggert Gíslason, Eivör Pálsdóttir, Margrét Eir Hjartardóttir, Hrafnkell Pálmarsson, Jón Jósep Snæbjörnsson, Sölvi Blöndal, Barði Jóhannsson, Lárus Jóhannesson, Anna Hildur Hildibrandsdóttir, Einar Kristjánsson, Ragnar Kjartansson, Þorvaldur Gröndal, Björn Stefánsson, Þorkell Máni Pétursson, Björgvin Halldórsson, Guðmundur Jónsson, Þór Freysson, Heiðar Örn Kristjánsson, Einar Tönsberg og Hreimur Örn Heimisson.

Birgitta Haukdal segir okkur allt í Söngvakeppni Sjónvarpsins og opnar hjarta sitt í Eurovision en Botnleðja syngur Júróvísu og Dr. Gunni býður upp á snakk fyrir pakk.

Emilíana Torrini semur smell fyrir Kylie sem fer beint á toppinn í Bretlandi en Ragnheiður Gröndal syngur Ást og trónir á toppnum á tónlist.is næstu þrjú árin.

200.000 Naglbítar skipta um trommara, gefa út sína þriðju plötu og biðja fólk vinsamlega um að láta sig vera en Skífan vinnur baráttuna um Brain Police.

Bubbi syngur um þúsund kossa nótt, Guðjón Rúdólf kemur frá Danmörku og slær í gegn með húfuna sína en Papar halda til hafs á ný.

Hera tekur upp plötu á íslensku, alveg óvart. Lára Rúnars vekur athygli á uppskeruhátíð KKÍ en Hvannadalsbræður eru gjörsamlega út úr kú.

Á móti sól sendir frá sér plötuna Fiðrildi, Dáðadrengir sigra í Músíktilraunum og hinir ástsælu Spaðar fá Obb bobb bobb lánað hjá Guðna Ágústssyni

Unglingahljómsveitin Nilfisk spilar í Höllinni í boði Foo Fighters, Dr. Spock syngur klám en Leoncie um ást á pöbbnum.

Árið er 2003

Fyrri hluti tuttugasta og fyrsta þáttarins í útvarpsþáttaröðinni Árið er .... Íslensk dægurlagasaga í tali og tónum fer í loftið á Rás 2 klukkan 16.05 laugardaginn 5. október og verður endurfluttur sunnudagskvöldið 6. október kl. 22.05.

Meðal viðmælenda í fyrri hluta umfjöllunar um íslenska tónlistarárið 2003 eru: Vilhelm Anton Jónsson, Bubbi Morthens, Hera Hjartardóttir, Lára Rúnarsdóttir, Emilíana Torrini, Magni Ásgeirsson, Guðmundur Andri Thorsson, Magnús Haraldsson, Ragnheiður Gröndal, Haraldur Gíslason, Birgitta Haukdal, Gunnar Lárus Hjálmarsson, Jón Björn Ríkharðsson, Dave Grohl, Víðir Björnsson og Ólafur Ragnar Grímsson.

Quarashi treður upp á tónleikum á hverjum degi og Jinx heillar amerísk ungmenni.

Bubbi vaknar við Gróttu með sól að morgni, Hera Hjartardóttir flýgur yfir hálfan hnöttinn og stelur senunni en Dikta borðar yfir sig af bleikum sjeik. Apparat Organ Quartett spilar rokk og ról í steríó, Emilíana Torrini leggur Gollum orð í munn og Santiago vekur bjartar vonir.

Búdrýgindi bera sigur úr býtum í Músíktilraunum, Einar Tönsberg útskrifast með Lorien í Englandi og Skárren ekkert breytist í SKE og syngur á japönsku. Í svörtum fötum fer sigurför um landið og spilar og syngur dag sem dimma nátt en Sign leitar að rauðu ljósi.

Rappbylgja skellur á landinu. Bæjarins bestu halda sig í klúbbnum, Móri segist vera atvinnukrimmi og XXX Rottweilerhundar skulda. Múm föndrar grasi vaxin göng, KK syngur í paradís og englar himins grétu í dag en ástin vex á trjánum hjá Valgeiri Guðjóns.

Árið er 2002

Seinni hluti tuttugasta þáttarins í útvarpsþáttaröðinni Árið er.... Íslensk dægurlagasaga í tali og tónum fer í loftið á Rás 2 klukkan 16.05 laugardaginn 28. september og verður endurfluttur sunnudagskvöldið 29. september kl. 22.05.

Meðal viðmælenda í þættinum þar sem haldið verður áfram að fjalla um íslenska tónlistarárið 2002, eru: Sölvi Blöndal, Emilíana Torrini, Bubbi Morthens, Hera Hjartardóttir, Haukur Heiðar Hauksson, Franz Gunnarsson, Ágúst Bent Sigbertsson, Erpur Eyvindarson, Kjartan Kjartansson, Einar Örn Jónsson, Guðmundur Steingrímsson, Frank Hall og Kristján Kristjánsson.

Umsjónarmaður er Gunnlaugur Jónsson og honum til aðstoðar eru Ásgeir Eyþórsson, Jónatan Garðarsson og Sigríður Thorlacius.