Árið er

Fyrsta plata Sykurmolanna nær 14. sæti breska breiðskífulistans. Sverrir Stormsker fer með Sókrates til Írlands. Stæltir strákar af ströndinni bera sigur úr býtum í Músíktilraunum. Það stendur ekki á Bjarna Ara en Gylfi Ægisson syngur Sjúddí rari rei, blýsperrtur.

Eiríkur Hauksson fer í þungarokksútrás til Noregs á meðan Bubbi Morthens reynir fyrir sér í Svíþjóð. Sálin hans Jóns míns fæðist, Síðan skein sól gefur út sína fyrstu plötu og Todmobile sendir frá sér sitt fyrsta lag. Svarthvítur draumur segir halló og bless en Langi Seli og skuggarnir semja þjóðsöng fyrir íslenska bifvélavirkja. Hljómsveitin E-X tekur upp efni á smáskífu sem er gerð en kemur aldrei út. Atli er sorrý svekktur og sár út í Kötlu köldu en Skriðjöklar hafa áhyggjur af aukakílóunum og Kátir piltar eru ofsóttir af feitum konum. Unglingahljómsveitin Acid Juice kemur með rappið til Íslands og Johnny Triumph gerir Lúftgítar, en stóra spurningin er hins vegar: Borðið þér orma frú Norma?

Árið er 1988

Bjartmar slær í gegn Í fylgd með fullorðnum á meðan KK Son böskar á Norðurlöndunum og Megas gefur út Reykjavíkurplötu. Klassískt menntuð söngkona og sellóleikari tekur við hljóðnemanum af Helga Björns og Stuðmenn leita að Látúnsbarkanum.

Hörður Torfa kemur lagi á vinsældalista í fyrsta og eina sinn á ferlinum. Sverrir Stormsker og félagar syngja búum til betri börn á meðan Valgeir Guðjóns vill öryggið á oddinn. Björk og Tríó Guðmundar Ingólfssonar mæla sér mót á Góðvinafundi og Birthday er valin smáskífa vikunnar í Melody Maker. Sogblettir keyra þig niður á næsta horni, með flösku í klofinu og bensínið í botni en Aldrei fór ég suður!

Árið er 1987

Eiginkona Magnúsar Eiríkssonar sannfærir hann um að senda lag í undankeppni fyrstu Eurovision-keppni Íslendinga. Eyjólfur Kristjánsson syngur með Mezzoforte og Greifarnir bera sigur úr býtum í Músíktilraunum.

Listapopp rífur þakið af Laugardalshöll og Strax fer í útrás til Kína. Skriðjöklar eru sakaðir um svindl þegar þeir toppa Vinsældalista Rásar 2 en söngur fótboltalandsliðs kemur í veg fyrir að Dúkkulísurnar komist á toppinn með Svarthvítu hetjuna sína. Smekkleysa verður til og í framhaldi af því taka Sykurmolarnir til starfa. Megas snýr aftur eftir 7 ára hlé og Bubbi skrifar undir útgáfusamning í Svíþjóð.

Árið er 1986

Meðal viðmælenda í þriðja þættinum, þar sem íslenska tónlistarárið 1985 verður tekið fyrir, eru Richard Scobie, Kormákur Geirharðsson, Herbert Guðmundsson, Gunnar Þórðarson, Ragnar Gunnarsson, Eiríkur Hauksson, Guðlaugur Kristinn Óttarsson, Pjetur Stefánsson, Helgi Björnsson, Rúnar Þórisson, Eyþór Gunnarsson, Tómas Tómasson og Bubbi Morthens.

Boðið verður upp á tóndæmi með Mannakornum, Herbert Guðmundssyni, Grafík, Rikshaw, Gypsy, Drýsli, Skriðjöklum, Cosa Nostra, Fásinnu, Bjartmari Guðlaugssyni, Pétri Kristjánssyni, Smartbandinu, Bubba Morthens, Stuðmönnum, Gunnari Þórðarsyni, Agli Ólafssyni, Eiríki Haukssyni, Centaur, Oxzmá, Sverri Stormsker, Possibillies, Mezzoforte, SH Draumi, MegaKukli, CTV, Gísla Helgasyni, Hilmari Oddssyni, Diddú, Valgeiri Guðjónssyni, Rúnari Þór Péturssyni, Ladda, PS & Co, Magnúsi Þór Sigmundssyni, Leifi Haukssyni, Eddu Heiðrúnu Bachman og fjölmörgum öðrum flytjendum sem komu við sögu hér á landi 1984.

Umsjónarmaður er Gunnlaugur Jónsson og honum til aðstoðar eru Ásgeir Eyþórsson, Jónatan Garðarsson og Sigríður Thorlacius.

Meðal viðmælenda í öðrum þættinum, þar sem íslenska tónlistarárið 1984 var tekið fyrir, voru Bjartmar Guðlaugsson, Björgvin Halldórsson, Rúnar Þórisson, Björn Jörundur Friðbjörnsson, Þorvaldur Bjarni Þorvaldsson, Egill Ólafsson, Valgeir Guðjónsson, Guðmundur Jónsson, Eyþór Gunnarsson og Bubbi Morthens.

Boðið var upp á tóndæmi með Bjartmari Guðlaugssyni, HLH flokknum, Grafík, Íkarus, Egó, Bubba Morthens, Hemma Gunn, Tíbrá, Pax Vobis, Stuðmönnum, Kikk,Tic Tac, Sverri Stormsker, Mezzoforte, Kukli, Kan, Das Kapital, Dúkkulísum, CTV og fjölmörgum öðrum flytjendum sem komu við sögu hér á landi 1984.

Umsjónarmaður er Gunnlaugur Jónsson og honum til aðstoðar eru Ásgeir Eyþórsson, Jónatan Garðarsson og Sigríður Thorlacius.

Fjallað um tónlistarárið 1983 í tali og tónum.

Meðal viðmælenda í fyrsta þættinum eru Eyþór Gunnarsson, Björgvin Gíslason, Valgeir Guðjónsson, Eyjólfur Jóhannsson, Jakob Smári Magnússon, Þór Freysson, Ragnhildur Gísladóttir, Bubbi Morthens, Ásmundur Jónsson, Guðlaugur Kristinn Óttarsson, Páll Óskar Hjálmtýsson og Jakob Frímann Magnússon.

Boðið verður upp á tóndæmi með Mezzoforte, Björgvini Gíslasyni, Björk Guðmundsdóttur, Gunnari Þórðarsyni, Tappa Tíkarrassi, Q4U, Jóhanni Helgasyni, Grafík, Baraflokknum, Grýlunum, Guðmundi Rúnari Lúðvíkssyni, Bubba Morthens, Kukli, Íkarus, Áhöfninni á Halastjörnunni, Stuðmönnum, Magnúsi Eirikssyni, Dúkkulísum, Lólu, Ladda og fjölmörgum öðrum flytjendum sem lituðu íslenska tónlistarárið 1983.

Umsjónarmaður er Gunnlaugur Jónsson og honum til aðstoðar eru Ásgeir Eyþórsson, Jónatan Garðarsson og Sigríður Thorlacius.

Einhver óvæntustu tíðindin í íslensku poppi í langan tíma voru þegar Bubbi Morthens og Rúnar Júlíusson hófu samstarf í byrjun árs 1991. Rúnar hafði ekki verið áberandi í íslensku tónlistarlífi í mörg ár en hugmyndin að þessu samstarfi kviknaði hjá Bubba og Óttari Felix Haukssyni.

Laugardaginn 21. desember verður haldið áfram að fjalla um feril Bubba Morthens í útvarpsþáttaröðinni Árið er.... Íslensk dægurlagasaga í tali og tónum og þá verða árin 1991 - 2005 til umfjöllunar. Þar koma m.a. við sögu hljómsveitirnar MX 21, Stríð og friður, Utangarðsmenn og Egó og sólóplöturnar Von, Lífið er ljúft, Þrír heimar, Allar áttir, Trúir þú á engla, Arfur, Nýbúinn, Sól að morgni, 1000 kossa nótt, Tvíburinn, Ást og Í sex skrefa fjarlægð frá paradís.

Umsjón og handrit: Ásgeir Eyþórsson, Gunnlaugur Jónsson og Jónatan Garðarsson.

Raddir: Ásgeir Eyþórsson og Sigríður Thorlacius.

Samsetning: Ásgeir Eyþórsson.

Aðstoð: Stefán Jónsson.

Bubbi Morthens fór í víking til Bandaríkjanna vorið 1984 en kom heim nokkrum mánuðum síðar og var ekki lengi að stofna nýja rokkhljómsveit. Fyrsta og eina plata Das Kapital, Lili Marlene, kom svo út haustið 1984.

Næstu laugardaga verður haldið áfram að fjalla um feril Bubba í útvarpsþáttaröðinni Árið er.... Íslensk dægurlagasaga í tali og tónum. Laugardaginn 14. desember verða árin 1984 - 1990 til umfjöllunar og þar koma m.a. við sögu hljómsveitirnar Das Kapital og MX 21 og sólóplöturnar Kona, Frelsi til sölu, Dögun, Nóttin langa og Sögur af landi.

Umsjón og handrit: Ásgeir Eyþórsson, Gunnlaugur Jónsson og Jónatan Garðarsson.

Raddir: Ásgeir Eyþórsson og Sigríður Thorlacius.

Samsetning: Ásgeir Eyþórsson.

Aðstoð: Stefán Jónsson.

Fyrsta sólóplata Bubba Morthens, Ísbjarnarblús, kom út árið 1980 og sama ár varð hljómsveitin Utangarðsmenn til.

Næstu laugardaga verður fjallað um feril Bubba í útvarpsþáttaröðinni Árið er.... Íslensk dægurlagasaga í tali og tónum. Laugardaginn 7. desember verða árin 1978 - 1984 til umfjöllunar. Umfjöllunarefnið er fyrstu fjórar sólóplötur Bubba Morthens og hljómsveitirnar Utangarðsmenn og Egó.

Umsjón og handrit: Ásgeir Eyþórsson, Gunnlaugur Jónsson og Jónatan Garðarsson.

Raddir: Ásgeir Eyþórsson og Sigríður Thorlacius.

Próförk: Anna Sigríður Þráinsdóttir.

Samsetning: Ásgeir Eyþórsson.

Aðstoð: Stefán Jónsson.

Í tilefni af 30 ára afmæli Rásar 2 var Árið er 1983 endurflutt sunnudagskvöldið 1. desember 2013.