ኢጣልያ መንግሥታዊ ባልሆኑ ድርጅቶች መርከቦች እርዳታ ደጃፍዋ የደረሱ ስደተኞችን በሙሉ አልቀበልም ብላለች።ከዚያ ይልቅ መንግሥት ከመካከላቸው ለተለያዩ ችግሮች የተጋለጡና የሚጋለጡ ብሎ የመረጣቸውን ብቻ ወደ ወደቦቹ ለመውሰድ ወስኗል። ስደተኞቹን የሚረዱ መንግሥታዊ ያልሆኑ ድርጅቶች ማን ከመርከብ መውረድ እንደሚችል መምረጥ ሕገ ወጥ ሲሉ ተቃውመዋል።

ሩስያ ወደ አውሮጳ የምታስተላልፈውን ጋዝ መጠን እንደምትቀንስ ማሳሰቧ በሩስያ ዩክሬን ጦርነት ሰበብ የጋዝ አቅርቦት ቀውስ ለገጠማቸው የአውሮጳ ሀገራት በተለይም ለጀርመን ተጨማሪ ስጋት ሆኗል።ሩስያ ወደ አውሮጳ የምልከውን ጋዝ ከነገ ጀምሮ እቀንሳለሁ ማለቷ ሌሎች በርካታ ኪሳራዎችና ተጽእኖዎችም ማድረሱ አይቀርም። ይበልጥ ተጎጂዋ ደግሞ ጀርመን ናት።