On salminaama heɗiyankooɓe RFI fulfulde, hannde e taskaram men Dinngiral Rewɓe en kaalan ko faati e alhaali famɗugol limoore rewɓe to naftoragol  dijital (karalle kese walla annde kese). Rafi gollirde rewɓe e ɗee annde kese no ɗuyti keɓan e faggudu  aduna on. Ko ɗum  wii fedde ONU Faam e tefoore maɓɓe nde hitaande 2022. Rafi potal hakkunde worɓe e rewɓe no taskaa sanne to huutoragol annde kese ɗee e janndeeji e golleeji rewɓe ɓee. Nde huunnde no saabi ɗuytude fonnde ujunere miliyaarji kaalisi dolaar, tawa so dabare ɗum heɓaaki alhaali on ɓeydoto. Hono darnde rewɓe woniri to naftorade karalle kese ɗee to jannde e golle maɓɓe. En kaalan ko saabii limoore rewɓe ɓee no famɗi faa jooni e huutoraade ɗee annde kese, tiiɗormaaji ɗi ɓe kawrata e ɗii gollitorɗi teknoloji kesi.Faa keɓen ko laaɓi e mum, en salminan, Hawa Jim golloowo fannu informatik, en keɗoto kadi Aminata TALL, debbo naftortooɗo mejaaji renndo baŋŋe njeyngu e dow internet. En njewtidan e Mawomi jannginoowo e on fannu dijital, informatik to Gine,e keɗoto Marjaan suka debbo Kamerunaajo janngoowo e ɗi fannuuji .Heɗiyankooɓe Dinngiral Rewɓe  kumpitan en ji'annɗe muɓɓe.