Café federal

Vus vesais adina il product cura chel ès finì. Saja quai ina contribuziun per il radio, in video per la televisiun ni in artitgel online. Mo mintgatant capita il propi interessant davos las culissas. Nus quintain a vus in zic da quai che vus na vegnis normalmain betg a savair.

Guerra en l'Ucraina e tge fa la Svizra? Las decisiuns dal Cussegl federal èn vegnidas crititgadas fermamain ed i ha dà ina communicaziun confusa. E la fin finala è tuttina vegnì decidì auter. L'agir dal Cussegl federal pigliain nus sut la marella en la pli nova episoda dal Café federal.

Ma nus discutain era dals maletgs trists ed incredibels or dal l'Ucraina e tge che quels fan cun nus. Ina guerra entamez l'Europa – ina guerra per quella ch'i mancan ils pleds.

Finì cun homeoffice e quarantina. Il Cussegl federal dat gas e vul bainbaud abolir tuttas mesiras cunter il coronavirus. Per ils ins è quai in di da daletg e per autras in mument da quitads. Nus avain dumandà in psicolog tge tips ch'el ha per puspè chattar la via enavos en la normalitad.

Amez la tschintgavla unda smanatscha ussa era anc ina nova varianta dal coronavirus – omicron. Betg mo la pronunzia correcta procura per testas cotschnas, mabain era la dumonda quant malsegira chella è.

En la novepisoda dal podcast discutain dal num, da las mesiras, da conferenzas da medias hecticas e deffects laterals positivs.

En la mesadad da la legislatura guardainsa pli precis co che la classe politique grischuna ha politisà. Da la provocatura enfin l'outsidera ed il federalist.

In viva pon far in l'auter en Grischun suenter la sessiun a Berna – era l'anteriura cussegliera naziunala Silva Semadeni. Dentant san uss era divers parlamentaris co sa stregliar en territori Rumantsch. Ellas han numnadamain emprais in zic Rumantsch. Tge e co precis discutain en il podcast.

In certificat per mangiar la pizza en il restaurant procura per demonstraziuns e malencletgas. Ina pitschna gruppa è dad aut e la polarisaziun gronda. Tge vul quai dir per la Svizra a lunga vista? Nus discutain.

L'atmosfera è fraida tranter l'America e la Russia e tuttina s'inscuntran ils dus presidents Joe Biden e Wladimir Putin il zercladur a Genevra. In inscunter extraordinari ch'ils dus correspundents prendan sut la marella. 

Dentant datti era differentas opiniuns davart privilegis per persunas vaccinadas ed in sguard en listorgia da la vegliadetgna da pensiun da las dunnas ch'era gia pli baud ina giada tar 65 onns.

Co vinavant cun la cunvegna da basa tranter la Svizra e lUE? Nagin para davair il curaschi da propi sepulir la chaussa. Persuenter han las indiscreziuns conjunctura auta. Betg per lemprima giada. 

E lura datti era anc da raquintar dals utschels. Questa giada èn dentant betg las politicheras ed ils politichers manegiads.

En la nova episoda discutan Adrian Camartin e Fabia Caduff daco che il Cussegl naziunal fa per il mument plitost politica per la galaria e daco che il Cussegl dals chantuns metta tras ses chau. Dentant tar in tema eran las dus chombras en lemprima sessiun da quest onn da perina: tar il luf.