Aljuma, ñannde 28 lewru nduu ngonɗen, Jeneraal Mammadi Dummbuya, hooreejo laamu faddewu Gine, siifi yamiroore ngam yafaade Muusa Dadis Kamara. Ko oo ardinoo laamu faddewu Gine hakkunde hitaande 2008 e hitaande 2009. O ñaawanooma sokeede kaso e hitaande 2024 sabu warngooji bonɗi, baɗnooɗi e nder Gine ñannde 28 lewru 11ɓuru
2009. Oo yaafuye waɗii balɗe ɗiɗi tan caggal ko ardiiɓe laamu Gine  anndini wonnde ɓe njoɓan  lorrinooɓe e oon musiiba. Meeter Alfa Aamadu DS Bah, awokaajo ɓee lorriiɓe e ngoo warngo hitaande 2009 no torii yo ndee eɓɓoore jonnitugol ɓee lorriiɓe hakkeeji maɓɓe no yahu haa joofa. Ngol jonnitugol tawnora lorriiɓe yeru rewɓe doolaaɓe ɓe suusaali
wullitaade. Ko kanko woni koɗo men hannde. Himo Jaaboo lamnde Ibrahiima Timmbi Bah.