JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA JORGE CAZA

Paco Couselo abordou no seu programa CAZA E NATUREZA a actualidade da revista Galicia Cinexética que sae agora a principios de mes cun novo número dedicado á actualidade do mundo da caza en Galicia. Para avanzar os contidos da nova revista falou co seu director, Antón Arrojo Reguera, un cazador que leva desde neno indo ao momente e que coñece perfectamente a realidade cinexética de Galicia.

Francisco Couselo entrevistou no seu programa CAZA E NATUREZA analizou o comezo da temporada de caza maior con Juan Alonso Pérez, vogal da Federación Galega de Caza; Julio Mariño Taboada, presidente da Sociedade de Caza de Lalín; Francisco López Penelas, da Federación Provincial de Lugo; José Castro Ravela, de Ourense e Emilio Bolaño Pampín, para falar da Coruña. Analizaron nunha entrevista a cinco a situación dos tecores nas catro provincias galegas, as diferencias cinexéticas en cada unha das catro demarcacións e tamén o fluxo de cazadores de maior a menor e viceversa.

Couselo entrevistou en CASTELLANO a Xisca Capó Vallespir, vicepresidenta da Federación Balear de Caza e vocal da Real Federación Española de Caza, sendo a encargada da área de Xuventude. Como deportista, Xisca Capó foi na modalidade de San Huberto tres veces campiona de España (2013, 14 e 16) e campiona do mundo na mesma especialidade no 2014. Con Xisca Capó falou Paco Couselo de diversos aspectos relacionados coas novas xeracións á actividade cinexética así como ás súas preferencias deportiva no mundo da caza.

Paco Couselo entrevistou no seu programa CAZA E NATUREZA na emisora RADIO NOVA a José Manuel Torres Parada, cazador galego gañador en Senior-3 do Campionato de España de Percorridos de Caza celebrado en Trazo (Santiago de Compostela). Analizaron o discorrir do torneo e tamén foron desgranando o palmarés deste xoven campión.

Francisco Couselo entrevistou en CASTELLANO ao presidente da Real Federación Española de Caza, Ángel López Maraver, e a Luis Sánchez Mancebo, presidente da Sociedade Deportiva Río Sar para coñecer o que deu de si o Campionato de España de Percorridos de Caza celebrado en Trazo (Santiago de Compostela). O Campionato tivo unha alta participación con 369 tiradores e gozou dunha extraordinaria organización o que anima a seguir apostando por este lugar como sede dun posible torneo de ámbito internacional.

Francisco Couselo analizou con Justo Alborge Rodríguez a realidade actual da Sociedade de Caza A Coirense de Cotobade. Justo Alborge preside esta entidade desde hai unos 9 anos e é un perfecto coñecedor da realidade deste Tecor onde van combinando a actividade cinexética entre distintas especies de caza maior e menor. Falaron tamén do perigo que supón, sobre todo en zonas como Viascón, a presenza do lobo para a actividade gandeira da zona onde se documentaron numerosos ataques destes cánidos. Na fotografía, Paco Couselo e Justo Alborge aparecen coa dona e as fillas deste recoñecido cazador.

Paco Couselo entrevistou no seu programa CAZA E NATUREZA a Andrea Cores, unha moza que realiza actividades cinexéticas compartidas co amor ao seu pai e ao seu noivo, que tamén son cazadores. Andrea é afeccionada á caza do xabaril e desde hai anos que practica esta especialidade. E unha gran amante dos cans e gústalle o monte e a práctica dun deporte como este de contacto e conservación da natureza.

Valentín Morán Álvarez, presidente da Federación de Caza do Principado de Asturias protagonizou a segunda parte do programa CAZA E NATUREZA que dirixe e presenta Francisco Couselo en RADIO NOVA. Falaron do traballo que realiza este ente federativo en Asturias, a situación cinexética desa Comunidade Autónoma, a importancia da caza como medio de promoción turística, o recente campionato nacional allí acollido así como os novos retos relacionados coa nova lexislación que se aveciña así como os traballos a afrontar desde a Federación Española de Caza.

Francisco Couselo entrevistou no seu programa CAZA E NATUREZA a María González e Blanca Misa, dúas cazadoras da comarca do Baixo Miño que se iniciaron no mundo cinexético hai anos sendo pioneiras e un exemplo para outras mulleres que queiran iniciarse nesta actividade. Destacan o excepcional ambiente existente nas monterías xa que elas adícanse á caza maior, concretamente ao xabaril, e reivindican a caza de tipo social como xeito de pasar o seu tempo de lecer.