Credo

Hvør var Beinta Christina Broberg. Eftirtíðin kallar hana "Illa Beinta", men var hon nú tað ?

Foreldrini vóru Peder Sørensen Broberg og mamman Birgitte Jensdatter Bøgvad.

Hon var borin í heim í Havn um 1668

Hon var gift tríggjar ferðir. Við Jónasi, presti og síðani Niels Gregersen Aagard og at enda Peder Ditlevsen Arabo, sum eisini vóru prestar.

Í dag verður hildið at Beinta hevur verið heiðurlig og reiðulig, hevur havt dirvi at funnist at órættvísini, men hevur havt ilt við at fóta sær í einum heimi, har kvinnan ofta hevur verið við skerdan lut.

Tað, sum var heilt serligt fyri danska guðfrøðingin og heimsspekingin Søren Kierkegaard var spurningurin „Hvat er menniskjað?“ Ólavur Rasmussen, prestur, hevur skrivað bók um hann og eksistensialismuna og prátað verður um slíkar spurningar í hesi sendingini.

Endursending frá 15. desember 2005

Anfinnur  Garðalíð er barnvaksin í Vestmanna.

Sum vaksin fekk hann stóran rúsdrekkatrupulleika, men hann fekk hjálp.

Hansara privata lív hevur verið turbulent, tríggjar ferðir hevur hann verið giftur. Men í síðstu giftini fingu hjúnini hjálp í Agape felagsskapinum.

Hann hevur siglt sum skipari, men í dag er hann formaður í "Skipara og navigatørfelagnum".

Kirkjan er eldri enn Nýggja Testamenti.

Árið í fjør - 2017 - var reformatiónsárið. Martin Luther tosaði um "sola Scriptura - Skriftin eina".

Men, áðrenn Skriftin varð savnað, so livdi munnliga yvirleveringin í 200 ár. Tey, sum mintust Jesus og høvdu verið við í ferðini søgdu frá

.

Í dag er prædikan í centrum, men hjá teimum fyrstu kristnu var tað altargongdin, har Jesu deyði og uppreisn varð "endurlivað".

Allan Tausen hevur mammu úr Grønlandi og pápa úr Føroyum.

Barnaárini búðu Allan og systirin, men tey vóru ofta í Føroyum.

Bergur Rønne Moberg, lektari í bókmentum, sigur frá William Heinesen og kristindómi.

Páll Danielsen lesur.

Lektari í bókmentum, Bergur Rønne Moberg, sigur frá William Heinesen og kristindómi

Føroyska sjómansmissiónin fyllir 100 ár. Hon varð stovnað í 1918 og er partur av kirkjuligu heimamissiónini í Føroyum.

Sjómansmissiónin hevur skrivstovu í Nesvík og hevur ein trúboðara í starvi, sum er Torleif Johannesen. Hann vitjar skip og bátar og sjómanskvinnuringar, sum eru um 40 í tali.

Sigbritt við Neyst er sálarviðgeri. Hon hevur skipað fyri stórari ráðstevnu, sum viðgerð sálarløst/trauma.

Tíðin lekir ikki øll sár, tí kanning vísir, at leggur tú lok á minnnir frá harðligum barndómi, ella øðrum sálarligum løstum og kvøkkir, so seta teir seg fastar. Og kroppurin minnir teg á hendingarnar og soleiðis kunnu slík ógvuslig minnir fylgja tær og fjøtra teg og fara víðari til komandi ættarlið.

Silas Olofson og familjan hava búð og virkað í Turkalandi í góð fýra ár. Silas hevur verið prestur í staðbundnu luthersku kirkjunu og eisini hevur familjan arbeitt millum syriskar flóttar og kurdarnar í landsynningsturkalandi. Hetta arbeiðið var m.a. stuðlað av kirkjuliga missiónsfelagnum.

Hetta arbeiðið fekk tó ein bráðan enda, tí Silas var útvístur av landinum, við ákærum um at vera yvirgangsmaður.

Familjan hevur nú fingið boðið starv í Mongolia, har tey vera send út sum trúboðarar av Norsk Lutherska Missionssambandinum í samstarvi við Kirkjuliga Missiónsfelagið.