105.000 Persounen sinn dem Aarmutsrisiko zu Lëtzebuerg ausgesat. Dat sinn iwwert 18 Prozent vun der Populatioun. Zuelen, déi mir dëse Samschden an der Emissioun Background beliichten. Ass d’Strategie vun der Regierung déi richteg. Kënnen eng Erhéijung vum Mindestloun, den gratis ëffentlechen Transport oder gratis Schoulbicher eppes géint den Aarmutsrisiko an d’Aarmut ausriichten. Dat kucke mir zesummen mam Marc Wagener vun der Chambre de commerce, dem Frederic Krier vum OGBL an dem Paul Galles vun der CSV. De Background am Gespréich héiert dir wéi gewinnt, tëscht 12 an 1 Auer hei op der Antenne an op der rtl App.