又到夜深时分，世界很热闹，这里很安静

我是疯粤的村长。

这是我们在电波中相遇的第3个晚上，我想同你讲一个有关番薯的故事。来自FAN Y222121

——村长

作者 | 村长

编辑 | 耗叔

唔知你地有无呢种感觉，天气好冻果阵时，见到一个推住卖煨番薯车嘅爷爷你会觉得佢特别亲切，唔系因为佢生的慈祥，而系因为佢卖嘅煨番薯真系好香…当我冲埋去买咗一个又大又香嘅煨番薯攞系手度果阵时，觉得成个人嘅春天都来咗。

其实我以前唔系几中意食煨番薯，直到有一日——

果日风好大，难得公司放“冬至”假，我同Y君趁住大好假期啦啦霖行街，佢见到远远嘅地方有人卖煨番薯，三步接两步跳下跳下就过去买咗一个翻来分成两半，对住一半大大咬咗一啖，将另一半递比我，我话我唔食，人地话食得多番薯会放“噗噗”，我唔想做一个行路自带混响BGM嘅人。佢手无放低，一边咬住左手嘅番薯一边将另只手嘅番薯递系我面前，“食啦，食咗会暖笠笠噶”嗯…暖笠笠…其实我已经冻到牙齿打颤话都唔想讲，番薯冒出来D烟气好似一个着得好姣嘅姐姐仔系度撩我呢个柳下惠，“唔吃！唔…唔吃…吃一啖咯…”

柳下惠破功咗…唔知系米当其时风太大，我睇住被风吹到个面红当当中笑嘻嘻咁望著我嘅Y君，个心竟然“卜卜”快跳咗几下。

从果次之后，唔论系巨同平时咁同我拉住手行街定系训觉果阵揽住我同我抱怨佢男朋友，无错，佢有个异地男朋友，定系揽住我同我撒娇献殷勤话：“你最好了，我最中意你了”，我好似都再亦都无办法好似以前咁正常，硬系觉得有D怪异，个心成日“卜卜”跳，觉得唔好意思。

唔通…沙入眼嘅后遗症咁强嘅…

其实Y君系我好多年嘅好朋友了，我地细细个就识，初初净系因为系隔离班嘅关系朝见口晚见面，我地净系点头之交，后尾读初中果阵时分到咗一个班，一张台，甚至乎一间宿舍，关系自然突飞猛进好似打鸡血咁。

上课翻住同一本小说静鸡鸡偷体，互相打遮掩；中午放学两个人拉埋手仔一齐冲去饭堂，课间休息一齐去厕所，上咗高中读唔同嘅学校放假时间有差异亦都会成日互相探望，全世界都知我地关系好好。

大学毕业之后我地都一起系广州做嘢住埋一齐一年几，直至佢换咗单位同我分开住。

后尾…暂时无后尾了，保持住时不时见下面行下街嘅关系同以前咁，有咩秘密都同佢讲嘅我唯独呢件事，烂系肚入边并且打算等巨烂成世。

以前我阿妈成日话：你做乜次次出去都系同Y君一齐，都唔识多几个朋友拍下拖，Y君可以同你拍拖咩？

系啊，Y君，可以同我拍拖咩？

唔可以。

好了，今晚的故事，就说到这里。又到了跟一天说再见的时候了。

好人好梦。