又到夜深时分，世界很热闹，这里很安静

我是疯粤的村长。

这是我们在电波中相遇的第5个晚上，我想同你讲一个有关“靓靓”的故事。分享自FAN lm8485

——村长

好多年前，我妈养咗只狗叫“靓靓”，之所以想提佢，系因为我妈成日话想再养一只似靓靓嘅狗。我唔知系米老人家嘅孤独想有个陪伴，定系佢真系中意狗而且靓靓系佢遇到过性格最好嘅狗。

果阵时我个女先五六岁大，我妈从出边买咗三只小奶狗返来话，可以用来睇门口仲可以陪下细路仔。我个女由细就同我妈一起生活，关系特别好，D狗狗带返来果阵佢D两个人踎系地下逗狗仔喜笑颜开嘅样唔知点解，至今都系我个脑入边挥散不去。

“再亦都揾唔到似靓靓嘅狗啦”，“靓靓好通人性噶”我妈成日话。

“靓靓听的明人讲嘢噶”，“靓靓难过都会喊噶”中读紧小学嘅女讲。

“好挂住靓靓啊。”读初中嘅女讲。

“你地屋企只狗好生性啊。”隔离邻舍话。

佢确实好生性，对屋企人从来都唔乱吠乱叫；有外人入门阵时警惕拦路大声叫，被斥责后会安静退后；由细到大都唔会乱抓乱咬；对新入门嘅狗狗友好以待；对屋企其他狗狗生嘅狗仔都会好似对自己BB咁照顾；跑咗出去从来都唔担心佢揾唔到翻屋企嘅路，直至真系“行失咗”果日。

果日，佢真系行失咗。唔见咗果几日，我妈难受咗一排，我嘅女断断续续哭咗好几日，我放工犯归见唔到一个摇头摆尾嘅身影亦都唔习惯咗好耐，连隔离邻舍都话“点解呢排唔见你地屋企嘅狗狗嘅？”

平日佢认路好叻噶，就算系细细个果阵甩开咗个皮绳跑咗出去，晚黑或者第二日朝早就会趴系门口等住有人开门比佢入屋，就算系我爸拉去佢去咗几公里外嘅地方做嘢，佢都识得自己跑返返屋企，等我个女以为靓靓唔见咗喊咗成晚再见到佢阵时喜极而泣、令我妈笑开怀话：“我就知靓靓聪明识认路嘅。”

曾经系一篇文章中见到咁样嘅一句话：狗狗唔中意老死系屋企，当佢知道自己大限将至，佢会离开屋企出走都一个没人知嘅地方静静咁等待死亡。

或者，佢就系咁。

其实我不留都对动物嘅毛有D敏感，所以一路都唔系几中意屋企有动物。但系以前放工返屋企果阵，靓靓习惯性咁对入门嘅屋企人起身摇头摆尾嘅时候，我经常都会回应一下叫一声佢个名，佢听到自己个名嘅时候个尾甩的更欢，个嘴开到好似个开怀大笑嘅细路仔，成日令我因为工作带来嘅烦躁心情得到舒缓。

前一排，我个女同我讲，佢同外婆出街果阵见到一只好似靓靓嘅狗，外婆同佢讲：

“生得真系好似靓靓啊，系靓靓就好了”

好了，今晚的故事，就说到这里。又到了跟一天说再见的时候了。

好人好梦。