Ás dez da noite na Igrexa de San Domingos ofrecerá un recital de piano Maurizio Moretti dentro do IKFEM. Maurizio Moretti é tamén un dos profesores das masterclases que teñen lugar ao longo do festival. Destacaba estas clases coma unha oportunidade formativa para os alumnos. No concerto desta na Igrexa de San Domingos ofrecerá un repertorio romántico.

Hoxe é a segunda xornada do IKFEM, o Festival Internacional de Instrumentos de Tecla. A programación comezará ás 19.30h no Auditorio do Seminario Menor de Tui coa charla “Granados”. Correrá a cargo de Miriam Perandones quen disertará sobre “Enrique Granados al teclado: piano, órgano y ¿clave? en su repertorio”

O próximo luns 25 de xullo comeza o IKFEM que ao longo de 6 días oferta concertos, obradoiros, charlas e clases maxistrais cos instrumentos de tecla coma protagonistas. A súa directora Andrea González falounos desta ampla oferta que se desenvolverá na Eurocidade Tui-Valença ata o sábado 30. Viu acompañada por Ibonne Riveiro da Academia da Música da Fortaleza de Valença e de Rubén López, director do Conservatorio Profesional de Música de Tui, xa que os seus alumnos ofrecerán o primeiro concerto, na primeira colaboración entre ambos centros.

Dende o pasado luns 28 e ata o venres 29 deste mes un total de 28 nenos están a participar no I Campus de Fúbtol Sala Antonio Martín que se está a celebrar no pavillón do IES San Paio. Compañeirismo, respecto e amizade son os tres piares desta actividade segundo hoxe explicou o exxogador profesional de fútbol Sala, Antonio Martín. Viu acompañado do concelleiro de Deportes e Turismo, Laureano Alonso, quen deu conta da posta en marcha un ano máis do tren turístico.

O Concello do Rosal prepárase para celebrar con distintos eventos as festas patronais na honra á Virxe do Pilar que teñen coma lugar central a Praza do Calvario. Os actos comezan hoxe cunha tarde de xogos, mañá haberá cine e o sábado baile e música. O domingo destaca o concerto de Roi Casal e o luns día gran o concerto da Agrupación Musical do Rosal e o Encontro dos Pobos. Así o explicou a concelleira de Cultura, Charo Tabales.

A praza de San Fernando acolle ás 21.30h o espectáculo "A Lingua na boca" da man de Limiar Teatro dentro da programación do Ano Castelao. Brais Iriarte e Fran Núñez serán os encargados de achegarnos de xeito divertido e cómico á vida de obra de Castelao.

O torreiro de festas de Malvas acolle este sábado, 23 de xullo, ás 20.30h o III Concerto Arume de Malvas coa participación da Banda de Gaitas Arume de Malvas, o Rancho Folclórico Alvorge Ansiao de Portugal e o grupo 6TÁS9 de Valença. O evento está organizado pola Asociación Arume de Malvas da que Aurelio Rodríguez é o presidente e Joaquín Valverde o vicepresidente. Ambos déronos conta de todos os detalles deste evento.

Este venres comeza en Tomiño a Programación Cultural Verán 2016 baixo o título de “O Son da Praza” a meirande parte dos espectáculo de cinema, música e outros terán lugar na remozada Praza do Seixo coma explicaba a alcaldesa de Tomiño, Sandra González. TAmén contemplan para este verán visitas guiadas ao Monte Tetón, ás fortalezas e unha visita nocturna denominada "Ouro, estrelas e lobos" o 10 de agosto.

Con 14 anos é o reporteiro sensación do Tour de Francia. David Fletcher rompe tódolos récords e crea tal expectación que até protagoniza as páxinas de diarios deportivo como o francés L’equipe. A súa prematura carreira xornalística centra os micrófonos de reporteiros de todas partes do mundo.

Hoxe e mañá esta en Tui a unidade móbil de doazón de sangue na Praza de Galicia en horario de 10 a 14h e de 16 a 21h. O ano pasado acadouse unha media de 62 doazóns por cada 1.000 habitantes. Así nolo contou Ángeles Pazos, responsable de prensa do Centro de Transfusións de Galicia.