Dilli Dali

Dilli Dali

By S GopalakrishnanSociety & Culture
Download on the App Store

Dilli Dali episodes

  • തമിഴാ ...തമിഴാ ... : ഭാഷയും വാക്കും

    അസാധാരണ ഭംഗിയിൽ തമിഴിൽ സംസാരിക്കുമായിരുന്ന കരുണാനിധി വെറുതേയല്ല മകൾക്ക് കനിമൊഴി എന്ന് പേരിട്ടത് .1953 ൽ മാത്രം ജനിച്ച മകന് സ്റ്റാലിൻ എന്ന് പേരിട്ടപ്പോൾ അദ്ദേഹത്തിന് സ്റ്റാലിൻ ഭരണത്തെക്കുറിച്ച് വിപരീതാഭിപ്രായങ്ങൾ കിട്ടിത്തുടങ്ങിയിരിക്കില്ല. അതേതായാലും ആഴ്ചകൾക്കു മുൻപ് കനിമൊഴിക്ക് ഒരു വിമാനത്താവളത്തിൽ നിന്നുണ്ടായ അനുഭവം തമിഴ് ഭാഷാഭിമാനചർച്ചകൾക്ക് വീണ്ടും വഴി വെച്ചു.പുതിയ വാക്കുകൾ മെനഞ്ഞെടുക്കുവാനുള്ള ഒരു ആന്തരിക ഗതികോർജ്ജം ആ ഭാഷയ്ക്കുണ്ട് . ഇന്നായിരുന്നെങ്കിൽ മലയാളി തീപ്പെട്ടി എന്ന വാക്കുണ്ടാക്കാൻ ശ്രമിക്കില്ലായിരുന്നു . തമിഴൻ കഴിഞ്ഞ പത്താണ്ടുകളിൽ ഉണ്ടാക്കിയ 25 വാക്കുകൾ ആണ് ഇന്ന് ദില്ലി -ദാലിയിൽ .

    Internet, Cyber-Space, Facebook, Twitter, Key-Board, Laptop, E-mail, Whatsapp, Virus, Infection, Computer Mouse, Video Games, Face Mask, Lockdown തുടങ്ങി നിരവധി വാക്കുകൾ ...പോഡ്‌കാസ്റ്റിലേക്ക് സ്വാഗതം .

    സ്നേഹപൂർവ്വം

    എസ് . ഗോപാലകൃഷ്ണൻ

    9 min
  • മല കയറുമ്പോൾ

    മലകയറ്റം നമ്മുടെ മനസ്സിലോ നടക്കുന്നത് ?

    എവറസ്റ്റ് ബേസ് ക്യാമ്പ് , കിളിമഞ്ചാരോ , മർദ്ദി ഹിമാൽ എന്നീ പർവ്വതാരോഹണാനുഭവങ്ങൾ  പങ്കുവെയ്ക്കാനാണ് പ്രസന്ന കെ . വർമ്മയോട് അഭ്യർത്ഥിച്ചത്. 

    മറുപടികൾ മനോഹരമായി മാറി. മനസ്സാണ് എല്ലാ മലകയറ്റങ്ങളും നടത്തുന്നത് എന്ന് പറയുന്ന മറുപടികൾ .

    'എന്റെ ലോകത്തിനു ചുറ്റും ഞാൻ തീർത്ത സുരക്ഷിതത്വങ്ങളിൽ നിന്നുമുള്ള പിടഞ്ഞോട്ടം' ജാഗ്രതയും സ്വക്ഷേത്രബലവും സ്നേഹവും നിറഞ്ഞ മറുപടികൾ. 

    ചോദ്യങ്ങൾ ഇവയായിരുന്നു : ഒന്ന് : ഒരാൾ ഒറ്റയ്ക്ക് യാത്ര ചെയ്യുമ്പോൾ ലോകം എവിടെയാണ് ?, രണ്ട് : മല കയറാൻ തീരുമാനിച്ചത് എന്തുകൊണ്ട് ? എന്തുകൊണ്ട് കടൽ തെരഞ്ഞെടുത്തില്ല ?, മൂന്ന് : ആദ്യമലകയറ്റം ഏതായിരുന്നു ?, നാല്  : ഇതു വരെ ചെയ്ത യാത്രകളിൽ ഏറ്റവും ആയാസകരം ഏതായിരുന്നു ?, അഞ്ച്‌: എഡ്‌മണ്ട് ഹിലാരി ഒരിക്കൽ പറഞ്ഞു , മനുഷ്യൻ കൊടുമുടികൾ എല്ലാം കീഴടക്കി കഴിഞ്ഞു. ആധുനിക മനുഷ്യന്റെ ഏറ്റവും വലിയ വെല്ലുവിളി മനസ്സ് കീഴടക്കുകയാണ് എന്ന് . എങ്ങനെ പ്രതികരിക്കുന്നു ?, ആറ്: ഭയത്തെ എങ്ങനെ അതിജീവിക്കുന്നു ?, ഏഴ്: യാത്ര ചെയ്യുമ്പോൾ പ്രസന്ന സ്ത്രീയാണോ ? , എട്ട്: ഭൂമിയിൽ പർവതങ്ങൾ  ഇല്ലായിരുന്നെങ്കിൽ ? പോഡ്‌കാസ്റ്റിലേക്ക് സ്വാഗതം .

    (പ്രസന്ന കെ . വർമ്മ : യാത്രിക , എഴുത്തുകാരി. മനു എസ് പിള്ളയുടെ The Ivory Throne: Chronicles of the House of Travancore, The Courtesan, the Mahatma, and the Italian Brahmin: Tales from Indian History എന്നീ പുസ്തകങ്ങൾ , യുവാൽ ഹരാരിയുടെ Sapiens: A Brief History of Humankind മലയാളത്തിലേക്ക് തർജ്ജുമ ചെയ്തു . ടോണി ജോസഫിന്റെ Early Indians: The Story of Our Ancestors and Where We Came From  എന്ന പുസ്തകം ഇപ്പോൾ മൊഴിമാറ്റം ചെയ്തുകൊണ്ടിരിക്കുന്നു )  

    20 min
  • ഞങ്ങളുടെ കുടുംബത്തിലെ പൂർവ്വ പുണ്യം

    .ഇന്ന് ആഗസ്ത് 23 : അയ്യപ്പപ്പണിക്കർ ചരമദിനം

     'നിറവേറിയ വാഗ്ദാനം' എന്ന പുസ്തകത്തിലെ ഒന്നാം അദ്ധ്യായത്തിലെ കുറച്ചു ഭാഗങ്ങൾ ഇന്ന് 'ദില്ലി -ദാലി' അവതരിപ്പിക്കുന്നു .

    മലയാളിയുടെ സംവേദനക്ഷമതയെ മാറ്റത്തീർത്ത പ്രതിഭാശാലിയുടെ ജനനത്തേയും മരണത്തേയും ഓർക്കുകയാണ് ഇളയ സഹോദരി എം . ലക്ഷ്മിക്കുട്ടിയമ്മ ഈ ജീവചരിത്രക്കുറിപ്പിൽ .

    തിരുവനന്തപുരത്തു കിംസ് ആശുപത്രിയിൽ കിടക്കുന്ന കൊച്ചേട്ടന് മൃത്യുഞ്ജയ ഹോമം കഴിച്ച പ്രസാദവുമായി അനിയത്തി ചെല്ലുന്നു ...മൃത്യുമൃത്യു ജയ ! എന്ന് മൃത്യുപൂജയിൽ എഴുതിയ ആളല്ലേ !

    ഒരാൺതരി ഉണ്ടായിക്കാണാൻ തകഴി അയ്യപ്പക്ഷേത്രത്തിൽ 41 ദിവസം ഭജനമിരുന്ന കഥയും !

    കേട്ടാലും ഈ ആദര പോഡ്കാസ്റ്റ്

    14 min
  • ഒരാൾ ഒരു മിത്തായി മാറുന്നതെങ്ങനെ ?

    1948 ജൂൺ ഏഴാം തീയതി മാതൃഭൂമി പത്രത്തിൽ മട്ടാഞ്ചേരിയിൽ നിന്നും റിപ്പോർട് ചെയ്ത വാർത്ത :

    " 685 വയസ്സായ യതിവര്യൻ പോലീസ് കസ്റ്റഡിയിൽ .

    കണ്ടാൽ മുപ്പതുവയസ്സുതോന്നും . ലോക്കപ്പിലുണ്ട് . വയസ്സുചോദിച്ചപ്പോൾ  685എന്നു പറഞ്ഞു . കഴിഞ്ഞ പതിനൊന്നു കൊല്ലങ്ങളായി കടലിനടിയിലായിരുന്നു താമസമെന്നും പോലീസിനോട് പറഞ്ഞു."

    ചെറിയ ചെറിയ വാചകങ്ങളിൽ സാധാരണ മനുഷ്യരുടെ നമ്മുടെ ജീവിതത്തിന്റെ താളം തെറ്റിക്കുന്ന ആളുകളിൽ ഒരാൾ ...സ്രാവുകളുടെ കൂട്ടുകാരൻ ..ഹിമാലയൻ യതിയെ ഉണ്ടാക്കിയവൻ ..ദിവാൻ സി പി രാമസ്വാമി അയ്യരുടെ പരിചയക്കാരൻ .

    ഇന്നത്തെ പോഡ്കാസ്റ്റ് അദ്ദേഹത്തെ കുറിച്ചാണ് ...വർത്തമാനം പറഞ്ഞുയർന്ന ഒരു കൊളോസസ് .

    കേട്ടാലും


    www.dillidalipodcast.com

    13 min
  • ബംഗ്ളാദേശ് വിമോചനവും പണ്ഡിറ്റ് രവിശങ്കറും

    ഇത് പണ്ഡിറ്റ് രവിശങ്കർ ജന്മശതാബ്ദി വർഷം .

    കിഴക്കൻ ബംഗാളിലെ ജനങ്ങളുടെ ദുരിതങ്ങളെ കുറിച്ചും മുക്തിബാഹിനി നടത്തുന്ന വിമോചനസമരത്തെ കുറിച്ചും ഇന്റർനെറ്റ് ഇല്ലാത്ത കാലത്ത് ലോകം അറിഞ്ഞത് അമേരിക്കയിൽ നടന്ന  ഒരു സംഗീതമേളയിലൂടെയാണ്.

    അതേക്കുറിച്ച് ദില്ലി -ദാലി യിൽ സംസാരിക്കുന്നത്  കേണൽ ഡോക്ടർ  DPK Pillay (ശൗര്യചക്ര ) ആണ്.

    കൂടെ ജോർജ് ഹാരിസൺ പാടിയ പ്രശസ്തമായ 'ബംഗ്ലാദേശ്' എന്ന ഗാനവും .

    സ്നേഹത്തോടെ ,

    എസ് . ഗോപാലകൃഷ്ണൻ

    27 min
  • പണ്ഡിറ്റ് ജസ്‌രാജ് : ശ്രദ്ധാഞ്ജലി

    ദില്ലി-ദാലി ആദരപൂർവം ഈ പോഡ്കാസ്റ്റ് സമർപ്പിക്കുന്നു .

    1987 ൽ ഒരു വൈകുന്നേരം അദ്ദേഹം പാടുമ്പോൾ ഒരു കൃഷ്ണമൃഗം വേദിക്കു മുന്നിൽ വന്ന് കാതോർത്തു നിന്നു .

    ഇനി ആ സംഗീതം കേൾക്കാൻ അനശ്വരകാലം കാതോർത്തു നിൽക്കും .

    ഈ പോഡ്‌കാസ്റ്റിൽ അദ്ദേഹം 1960 -85 കാലങ്ങളിൽ പാടിയ ഗാനങ്ങളും , അദ്ദേഹത്തിൻറെ പ്രീയപ്പെട്ട ബേഗം അഖ്തർ ഗാനവും ഉൾപ്പെടുത്തിയിട്ടുണ്ട് .

    സ്നേഹത്തോടെ

    എസ് . ഗോപാലകൃഷ്ണൻ

    15 min
  • ചതികളുടെ ചരിത്രം : ഒരു ശബ്ദരേഖ

    ദില്ലി-ദാലിയുടെ പ്രീയപ്പെട്ട ശ്രോതാക്കളേ, നമുക്കറിയാം . ഇസ്രായേലും  United Arab Emirates ഉം കഴിഞ്ഞ ദിവസം ഒരു ഉടമ്പടിയിൽ ഒപ്പു വെച്ചത്. എഡ്വേഡ് സയ്ദ് പറഞ്ഞതുപോലെ എല്ലാ ഉടമ്പടികളിലും ചതിക്കുഴികളുണ്ടോ ?

    ആരാണ് പലസ്‌തീൻ ജനതയെ ചതിക്കുന്നത് ? മഹാത്മാ ഗാന്ധി സർവകലാശാലയിലെ  School of Gandhian Thought and Developmental Studies ൽ ഡയറക്ടറായ പ്രൊഫസ്സർ എം എച് ഇലിയാസ് ചരിത്രത്തെ അഗാധമായി സ്പർശിച്ചുകൊണ്ട് സംസാരിക്കുന്നു.

    പാലസ്തീനെ ലോകം ചതിച്ച നാലു ഘട്ടങ്ങൾ, ആദ്യമായി ഇസ്രയേലുമായി സന്ധിയായ അറബ് രാഷ്ട്രങ്ങൾ ഏതൊക്കെ ?   Khadim Al-Haramain പട്ടവും സൗദിയും,Balfour Declaration ലെ ചതി , സ്വാതന്ത്ര്യത്തെ കുറിച്ച് പാടിയ കവികളുടെ ആവിർഭാവം ,  Bayt al-Maqdis നു വേണ്ടിയുള്ള നീക്കങ്ങൾ, 1905 ൽ ഉഗാണ്ടയിൽ ജൂതരാഷ്ട്രം ഉണ്ടാക്കാനുള്ള ശ്രമം പരാജയപ്പെട്ടത് . ഒരു രാജ്യം തേടി   1917 ലെ ജൂത കുടിയേറ്റങ്ങൾ, 1940 കളിൽ ഗാന്ധിയുടെയും നെഹ്‌റുവിന്റെയും നിലപാടുകൾ , 1950 കളിൽ പലസ്‌തീൻ ജനതയിൽ ഉയർന്നുവന്ന സ്വയം നിർണ്ണയ ബോധ്യങ്ങൾ , 1967 ലെ യുദ്ധം , കൊളോണിയൽ ഇടപെടലിൽ ഉയരുന്ന അറബ് ഉപദേശീയതാ ബോധങ്ങൾ , നാസ്സറിന്റെ അറബ് സോഷ്യലിസ്റ്റ് ദേശീയത തകർന്നത് എന്തുകൊണ്ട് ? എണ്ണയും 1973 ഉം , അടിയന്തിരാവസ്ഥക്കാലത്ത് ഇന്ത്യ ഇസ്രയേലിനെ അംഗീകരിച്ചത് , 1979 ലെ നാലാം അറബ് ചതി, ഇൻതിഫാദയുടെ ഉയിർപ്പ്, ഗൾഫ് രാജ്യങ്ങൾ എന്നെങ്കിലും പാലസ്‌തീനെ സ്നേഹിച്ചിരുന്നുവോ ? നിഷ്കളങ്കരായ അറബികളെ എന്തിനാണ് കൊല്ലുന്നത് എന്ന് ചോദിച്ചപ്പോൾ ഏരിയൽ ഷാരോൺ നൽകിയ മറുപടി എന്തായിരുന്നു ? ഒരു ജനത പരാജയപ്പെടുമ്പോൾ ഒറ്റുകാർ വിജയിക്കുന്നുണ്ടോ ? വിശദമായ ചരിത്രവിശകലനത്തിലേക്ക് സ്വാഗതം . ( പ്രൊഫസ്സർ എം എച് ഇലിയാസ് ഡോക്ടറേറ്റ് നേടിയത്  Middle Eastern Studiesലാണ്, ഡൽഹിയിലെ ജവഹർലാൽ നെഹ്‌റു സർവകലാശാലയിൽ നിന്നും . ഓസ്‌ഫോർഡ് സർവകലാശാലയിൽ ഉന്നതപഠനവും നടത്തി )

    1 hr 2 min
  • ആരുടേതാണീ  പതാക ?

    പ്രീയ സുഹൃത്തേ ,

    2020 ആഗസ്ത് പതിനഞ്ചിന്റെ ദില്ലി - ദാലിയിലേക്ക് സ്വാഗതം.

    1925 ൽ രാഷ്ട്രീയ സ്വയം സേവക സംഘം ഉണ്ടായതു മുതൽ ഇന്ത്യയുടെ ഒന്നാം സ്വാതന്ത്ര്യദിനം വരെയുള്ള കാലത്തെ ഈ പോഡ്കാസ്റ്റ് തിരിഞ്ഞുനോക്കാൻ ശ്രമിക്കുന്നു. ഇന്ത്യൻ സ്വാതന്ത്ര്യ സമരത്തിന്റെ ഉപ്പ് എങ്ങനെയാണ് പരിവാർ സമുദ്രത്തിൽ ഇല്ലാതെ പോയത് ?  തീവ്രഹിന്ദു ആശയലോകത്തിൽ   ഇന്ത്യൻ സ്വാതന്ത്ര്യദിനം എന്നാൽ  എന്താണ്? ആരുടേതാണീ  പതാക ?

    സ്നേഹത്തോടെ

    എസ് . ഗോപാലകൃഷ്ണൻ


    11 min
  • ഇന്നത്തെ ശ്രീലങ്കയും ഇന്ത്യയും ലോകവും

    ശ്രീലങ്കയിൽ അടുത്തകാലത്ത് നടന്ന തെരഞ്ഞെടുപ്പു ഫലം നൽകുന്ന സൂചനകൾ എന്തൊക്കെയാണ് ?

    ചൈന കരയിലും കടലിലും പിടി മുറുക്കുന്നുവോ ?

    മതദേശീയതയിൽ അടിസ്ഥാനമായ വലതുപക്ഷ വ്യതിയാനം എന്ന ആഗോള പ്രവണതയിൽ ഈ ദ്വീപും ഉൾപ്പെടുന്നുവോ ?

    ഇസ്‌ലാം തീവ്രവാദത്തിനെതിരെ തമിഴ് -സിംഹള ഐക്യം ഉണ്ടാകുന്നുവോ ?

    ഇന്ത്യ  look east  പോളിസിയിൽ നിന്നും  act east  പോളിസിയിലേക്ക് മാറിയതിനാൽ ചൈന ഇന്ത്യൻ സമുദ്രത്തിൽ കൂടുതൽ ശ്രദ്ധിക്കുന്നുവോ ?

    ഇന്ത്യയുടെ അയൽരാഷ്ട്രീയത്തിൽ താൽപര്യമുള്ളവർ കേൾക്കേണ്ട വിശകലനങ്ങൾ .

    ചരിത്രാദ്ധ്യാപകനും കണ്ണൂർ സർവ്വകലാശാല പരീക്ഷാ കൺട്രോളറുമായ ഡോ . പി ജെ വിൻസൻറ് സംസാരിക്കുന്നു

    24 min
  • ഉദകമണ്ഡലം  റെയിൽവേ ക്വാർട്ടേഴ്‌സിലെ ചിന്നൻചിരുകിളി

    ആണ്ടാൾ അഴകി എന്ന എൺപതുകാരിയുമായി ചെലവഴിച്ച  ഒരു വൈകുന്നേരമാണ് ഈ ലക്കം ദില്ലി -ദാലി പ്രതിപാദിക്കുന്നത്.

    ഒരു  ഭാരതിയാർ   പാട്ടാണ് അവരുടെ ജീവിതത്തെ എന്നോട് അടുപ്പിച്ചത്. പിന്നെ  ജീവിതത്തിലെ ഭാഗ്യ -ദൗർഭാഗ്യങ്ങളും.

    മഹാരാജപുരം സന്താനവും , എം എൽ വസന്തകുമാരിയും ടി എൻ ശേഷഗോപാലനും ഈ പോഡ്‌കാസ്റ്റിൽ വിരുന്നെത്തുന്നു ചിന്നൻ ചെറുകിളിയുമായി

    16 min

About Dilli Dali

From the publisher's feed

Dilli Dali is a podcast initiative from Delhi, India on contemporary society and culture

More shows like Dilli Dali

MALAYALAM NEWS by G Ravi

MALAYALAM NEWS

0 Listeners

Truecopy THINK - Malayalam Podcasts by Truecopythink

Truecopy THINK - Malayalam Podcasts

2 Listeners

Empire: World History by Goalhanger

Empire: World History

2,413 Listeners

Out Of Focus - MediaOne by Mediaone

Out Of Focus - MediaOne

3 Listeners

Professional Malayali by Vinod Narayan

Professional Malayali

2 Listeners