
Sign up to save your podcasts
Or


സത്യജിത്ത് റേ ജന്മശതാബ്ദി പോഡ്കാസ്റ്റ് പരമ്പരയിലെ മൂന്നാം ഭാഗമാണിത്. റേ യുടെ ശബ്ദലോകത്തെ കുറിച്ച് അവഗാഹത്തോടെ സംസാരിക്കുന്നത് ചലച്ചിത്ര ചരിത്രകാരനായ ശ്രീ ഐ ഷൺമുഖദാസ് ആണ് . സത്യജിത്ത് റേ തന്നെ ഒരിക്കൽ പറഞ്ഞിട്ടുണ്ട് സിനിമ കേൾവിയുടെ കൂടി മാധ്യമം ആണെന്ന് . പഥേർ പാഞ്ചാലി മുതൽ അഗാന്തുക് വരെയുള്ള അദ്ദേഹത്തിൻറെ ഫീച്ചർ- ഡോക്യുമെന്ററി സിനിമകളെ സസൂക്ഷ്മം വിശകലനം ചെയ്ത് അദ്ദേഹം സിനിമകളിൽ സംഗീതേതര - സംഭാഷണേതര ശബ്ദത്തെ എങ്ങനെ സമീപിച്ചു എന്ന് അന്വേഷിക്കുകയാണ് ഈ പോഡ്കാസ്റ്റ് . ഇന്ന് വിൻസെന്റ് വൻഹോഹ് ചരമദിനമാണ് . അദ്ദേഹം അവസാന ചിത്രത്തിൽ വരച്ചത് വേരുകളാണ്. വേരുകളെ ഏറ്റവും സ്മരിക്കേണ്ട ഒരു കാലത്ത് നമുക്ക് സത്യജിത്ത് റേയുടെ ശബ്ദലോകത്തെ സ്മരിക്കാം . പോഡ്കാസ്റ്റിലേക്ക് സ്വാഗതം .
അശ്ലീലമാണ് തെറ്റുതിരുത്താൻ തയ്യാറാകാത്ത നമ്മുടെ ധർമ്മസങ്കടങ്ങൾ . വൃത്തികേടാണിത് .
lockdown ഒരു ആഗോള വ്യവസ്ഥാ തകർച്ചയിലേക്ക് വിരൽ ചൂണ്ടിയില്ലേ ? അടിസ്ഥാനപരമായ ചോദ്യങ്ങൾ ചോദിക്കാതെ ഏത് അരക്ഷിതഭാവിയിലേക്കാണ് നാം നമ്മുടെ കുഞ്ഞുങ്ങളെ തള്ളിവിടുന്നത് ?
സാധാരണനിലയിലേക്ക് പോകാൻ ലോകനേതാക്കൾക്കും സാമ്പത്തികശക്തികൾക്കും ധൃതിയാണ് ...പക്ഷേ , ആരുടെ സാധാരണനില ? അതാണ് ജനങ്ങൾ സ്വയം ചോദിക്കേണ്ട ചോദ്യം .
ഇംഗ്ലണ്ടിൽ ഒരു ഹിതപരിശോധന പറഞ്ഞത് വെറും പന്ത്രണ്ടു ശതമാനമാണ് കോവിഡിന് മുൻപേയുള്ള നില വീണ്ടും ആഗ്രഹിക്കുന്നത് എന്നാണ് ...പക്ഷേ നമുക്കും നമ്മെ ഭരിക്കാൻ നാം ഏൽപ്പിച്ചവർക്കും ഇടയിൽ ഒരു സാമൂഹ്യ അകലം ഇല്ലേ ? ലോകത്തെവിടെയും ?
നമ്മുടെ കുഞ്ഞുങ്ങൾക്കായി ഒരു പോഡ്കാസ്റ്റ്
ആധുനിക ഇന്ത്യയിലെ നൃത്തത്തിന്റെ നൂറുകൊല്ലത്തെ ചരിത്രത്തിലേക്ക് ഒരു വിശദ വീക്ഷണമാണ് ഈ ലക്കം ദില്ലി -ദാലി .
കഴിഞ്ഞ ദിവസം കൊൽക്കത്തയിൽ നൂറ്റിയൊന്നാം വയസ്സിൽ അന്തരിച്ച അമല ശങ്കറിന്റെ വിയോഗത്തോടെ അസ്തമിച്ച ഒരു കാലഘട്ടത്തെ കുറിച്ച് ആധികാരികമായി സംസാരിക്കുന്നത് പ്രശസ്ത കലാനിരൂപകനായ ശ്രീ സദാനന്ദ് മേനോനാണ് .
ദേശീയ പ്രസ്ഥാനവും , കലാരംഗവും , 1920 -1930 കളിൽ ലോകനൃത്തരംഗം , ഉദയ് ശങ്കർ സംഘത്തിന്റെ ആവിർഭാവം , ഇന്ത്യ എന്ന ആശയവും ലാവണ്യലോകവും , ഓറിയന്റലിസവും ഇന്ത്യൻ നൃത്തവും , Marius Petipa , Nijinsky, Ruth St Denis, Alice Boner, Anna Pavlova തുടങ്ങിയവർ , വള്ളത്തോളും ആലീസ് ബോണറും , ടാഗോറും നൃത്തവും , 1948 ലെ കൽപ്പന എന്ന ചലച്ചിത്രം , എങ്ങനെ ഇന്ത്യൻ നൃത്തരംഗം പിന്നോട്ടു പോയി ...45 മിനിറ്റ് ദൈർഘ്യമുള്ള പോഡ്കാസ്റ്റ് . ഒരു കാലഘട്ടത്തിലേക്ക് തിരിച്ചുവെച്ച കണ്ണാടി
ഗുരുവിന്റെ ദൈവദശകം ജീവിതത്തിലേക്ക് വന്ന നിരവധി സന്ദർഭങ്ങൾ ഉണ്ട്. അവയിൽ രണ്ടെണ്ണമാണ് ഈ ലക്കം ദില്ലി -ദാലി യിൽ. 25 വർഷങ്ങൾക്കു മുൻപ് രാംപൂരിൽ കൂടെ തീവണ്ടിയിൽ കയറിയ ഒരു അവധൂതൻ എന്നോട് പറഞ്ഞു ഞാൻ കഴിഞ്ഞ ജന്മത്തിൽ ഒരുപാടു പെറ്റ ഒരു പെൺപൂച്ച ആയിരുന്നുവെന്ന്...അദ്ദേഹം കബീറും ദൈവദശകവും സംസാരിച്ചു ...
മറ്റൊന്ന് ദൈവദശകം ടി എം കൃഷ്ണ പാടുംവേളയിൽ സഹകരിക്കുവാൻ അവസരം ലഭിച്ചത്.
Nool Archive നു വേണ്ടി കൃഷ്ണ പാടിയ ദൈവദശകഭാഗവും ഈ പോഡ്കാസ്റ്റിൽ ഉൾപ്പെടുത്തിയിട്ടുണ്ട്
ജൂലായ് 22
ഇന്ത്യൻ കൊടിയുടെ എഴുപത്തിമൂന്നാം പിറന്നാൾ
ചെറിയ കാറ്റിലും ഓരോ കൊടിയും പറഞ്ഞുകൊണ്ടിരിക്കും ഞാൻ പ്രവാചകന്റെ കൊടി , ഞാൻ പാണ്ഡവന്റെ കൊടി , ഞാൻ കോളമ്പസിന്റെ കപ്പൽക്കൊടി, ഞാൻ രാഷ്ട്രത്തിന്റെ കൊടി എന്നൊക്കെ ...
ഇന്ത്യൻ ദേശീയപതാകയുടെ ചരിത്രമാണ് ഈ ലഘു പോഡ്കാസ്റ്റിൽ.
മാഡം ബിക്കാജി കാമ , ഹൻസ മേഹ്ത, സിസ്റ്റർ നിവേദിത തുടങ്ങിയ വനിതകൾ പങ്കു വഹിച്ച പതാകാചരിത്രം ...
പോലീസ് ഇഞ്ചോടിഞ്ചു മർദ്ദിച്ചിട്ടും പി കൃഷ്ണപ്പിള്ള കൈവിട്ടുകളയാഞ്ഞ പതാക
കേരളത്തിലെ സ്വർണക്കടത്തു വിവാദം ദില്ലി -ദാലിയിലേക്ക് മുൻപ് കടന്നുവന്നത് എം ടി വാസുദേവൻ നായരുടെ പിറന്നാളിന്റെ അന്ന് അറബിപ്പൊന്നിന്റെ സ്മരണയുമായാണ്. ഇന്ന് 'സ്വർണത്തിൽ ഒരു അഭിജാത' എന്ന ലോകപ്രശസ്തമായ ഒരു ചിത്രമാണ് കടന്നുവരുന്നത് . ദുർലഭമായ ഒരു മഞ്ഞലോഹം ലോക സമ്പദ്ഘടനയുടെ ആധാരശിലകളിൽ ഒന്നാണ് . എന്നാൽ കലയിലും സ്വർണമുണ്ട്. മരക്കുരിശിൽ കിടന്ന ക്രിസ്തു സ്വർണ്ണക്കുരിശിലേക്ക് ചേക്കേറിയതും നമുക്കറിയാം . ഗുസ്റ്റാവ് ക്ലിംത് എന്ന മഹാചിത്രകാരൻ അനശ്വരയാക്കിയ എഡ്ലെ എന്ന സ്ത്രീ ആരായിരുന്നു ? The Lady in Gold എന്ന ചിത്രത്തിൻറെ പ്രാധാന്യം എന്താണ്. പോഡ്കാസ്റ്റിലേക്ക് സ്വാഗതം
ഇതു ഒരു വിഭാഗം മലയാളികൾക്ക് രാമായണമാസം . ആധുനിക മലയാളകവികളിൽ എഴുത്തച്ഛനും അദ്ധ്യാത്മരാമായണവും വലിയ സ്വാധീനം ചെലുത്തിയ ബാലചന്ദ്രൻ ചുള്ളിക്കാടാണ് ഇന്ന് ദില്ലി -ദാലിയെ സമൃദ്ധമാക്കുന്നത്.
ഈ വിഷയത്തിൽ അഞ്ചുപേരുടെ ഓരോ ചോദ്യങ്ങൾക്ക് അദ്ദേഹം മറുപടി പറയുന്നു.
കെ സി നാരായണൻ, സുനിൽ പി ഇളയിടം, ജെ . ദേവിക, കവി ബൈജു, എസ് . ഗോപാലകൃഷ്ണൻ .
കൂടെയുണ്ടായിരുന്ന എല്ലാവരും നാരായണഗുരുവിന്റെ കാൽ തൊട്ടുവന്ദിച്ചു. ബാലനായിരുന്ന നടരാജൻ കൂട്ടാക്കിയില്ല പാദനമസ്കാരത്തിന്. ഇതു കണ്ട ഗുരു പറഞ്ഞു : " ഡോക്ടറുടെ (ഡോ .പൽപ്പു ) മകനല്ലേ , ആരേയും കുമ്പിടാൻ ഇഷ്ടമല്ല "
പിൽക്കാലത്ത് നടരാജഗുരുവിന്റെ ജീവിതത്തെ ഏറ്റവും സ്വാധീനിച്ച ഒരു നിഗൂഢപുരുഷനുമായുള്ള ആദ്യ സമ്പർക്കം അഥവാ സമ്പർക്കരാഹിത്യം അതായിരുന്നു . പിന്നീടും ഗുരു എങ്ങനെ ഒരു പ്രഹേളികയായി അവശേഷിച്ചു ? അങ്ങനെ ഒരു ദിവസം ഗുരു അടുത്തമുറിയിൽ ...സിംഹം നേരിട്ടു നിങ്ങളുടെ ഗുഹയിൽ വന്നുകയറുമ്പോലെ ...മെരുങ്ങാത്ത ഒരു മാൻപേട നിങ്ങളുടെ കൈക്കുമ്പിളിൽ നിന്നും വെള്ളം കുടിക്കുംപോലെ ...നിങ്ങളുടെ അടുക്കളയിലെ ജനാലയ്ക്കപ്പുറം പെട്ടെന്ന് ഒരു ഹിമവൽ ശൃങ്ഗം ഉയരുമ്പോലെ ...
നടരാജഗുരുവിന്റെ ആത്മകഥയിലെ നാലാം അദ്ധ്യായത്തിലെ പ്രസക്തഭാഗങ്ങൾ.
ഗുരുവിന്റെ ആദ്യദൃശ്യങ്ങൾ
ജൂലായ് 15 . ഇംഗ്ലീഷ് കലണ്ടർ പ്രകാരം എം ടി യുടെ പിറന്നാളാണ് ഇന്ന് . ഇന്നത്തെ ദില്ലി -ദാലി വലിയ എഴുത്തുകാരനുള്ള പിറന്നാൾ ഉപഹാരം . കേരളം ഒരു സ്വർണക്കള്ളക്കടത്തിന്റെ വിവാദത്തിൽ നിൽക്കുമ്പോൾ ഒരു എം ടി അനുഭവത്തിലേക്ക് ശ്രോതാക്കളെ ക്ഷണിക്കുന്നു.
" അതിലിടയ്ക്ക് ഒരു സംഭവമുണ്ടായി. നല്ലവനായ ഒരു സുഹൃത്തിന് അലിവുതോന്നി. അറബിപ്പൊന്നു വ്യാപാരത്തിൽ പങ്കുചേരാൻ വിളിച്ചു . 'രണ്ടു സാഹിത്യകാരന്മാർ സ്വൽപം കാശുണ്ടാക്കി രക്ഷപ്പെടട്ടെ' എന്നായിരുന്നു സുഹൃത്തിന്റെ ആലോചന. എൻ . പി . എന്റെ സമീപത്ത് ഓടിക്കിതച്ചെത്തി . പണമുണ്ടാക്കുക മാത്രമായിരുന്നില്ല ലക്ഷ്യം . ഒരു സാഹസകൃത്യം ചെയ്യുന്നതിലുള്ള കോരിത്തരിപ്പായിരുന്നു പ്രധാനം ..."
എൻ പി മുഹമ്മദുമായി ചേർന്ന് എം ടി എഴുതിയ നോവൽ 'അറബിപ്പൊന്നി'ന്റെ ആമുഖം മുഴുവനായി ദില്ലി -ദാലിയിൽ. എം ടി എഴുതിയതിന്റെ ശബ്ദരേഖ
അഡ്വക്കേറ്റ് ഹരീഷ് വാസുദേവൻ കോടതിവിധി മുഴുവൻ വായിച്ച് ഗൃഹപാഠം ചെയ്തതിനു ശേഷം നൽകിയ അഭിമുഖം. എന്താണ് കോടതി പറഞ്ഞത് , പറയാഞ്ഞത് . എന്തായിരുന്നു ഭക്തനായിരുന്ന സൗന്ദരരാജന്റെ പരാതി ?എന്തായിരുന്നു ഇന്ത്യ സ്വാതന്ത്രമായതിനു ശേഷം രാജ്യം തിരുവിതാംകൂർ രാജവംശത്തിന് ക്ഷേത്രത്തിനു മേൽ നൽകിയ അവകാശം ? എന്തായിരുന്നു കാലാകാലങ്ങളായി കേരളസർക്കാർ നയം ? കേരളാ ഹൈക്കോടതി നിർദേശിച്ച പുരാവസ്തുസ്മാരകത്തെ കുറിച്ച് സുപ്രീം കോടതി എന്തെങ്കിലും പറഞ്ഞോ ? അമിക്കസ് ക്യൂറി ഗോപാൽ സുബ്രഹ്മണ്യം കണ്ടെത്തിയ സ്വർണനഷ്ടത്തെ കുറിച്ച് സുപ്രീം കോടതി എന്തു പറഞ്ഞു ? ഇനി മുതൽ ക്ഷേത്രഭരണം എങ്ങനെയായിരിക്കും ? ഒരു കോടതിവിധിയുടെ സമഗ്രാവലോകന പോഡ്കാസ്റ്റ്
From the publisher's feed

0 Listeners

2 Listeners

2,413 Listeners

3 Listeners

2 Listeners