
Sign up to save your podcasts
Or


ഈ ലക്കം ദില്ലി -ദാലി ഒരു ഗാനത്തോടൊപ്പം എത്തുന്നു .
നമുക്കറിയാം കൊടുങ്ങല്ലൂർകാരനായ പി ഭാസ്കരൻ എഴുതിയ 'വയലാർ ഗർജ്ജിക്കുന്നു' എന്ന കവിത സി .പി . രാമസ്വാമി അയ്യർ 1946 ൽ തിരുവിതാംകൂറിൽ നിരോധിച്ച കാര്യം. അന്ന് ഭാസ്കരന് 22 വയസ്സ് . 1968 ൽ മലയാളത്തിൽ 'പുന്നപ്ര-വയലാർ' എന്ന സിനിമയിൽ കെ .രാഘവൻ മാസ്റ്റർ സംഗീതം നൽകി ഭാസ്കരന്റെ ഗാനം പാടിയത് അന്ന് 38 വയസ്സുണ്ടായിരുന്ന ബാലമുരളീകൃഷ്ണ.
അതേക്കുറിച്ച് രാഘവൻ മാഷിനോടും ബാലമുരളികൃഷ്ണയോടും സംസാരിക്കാനവസരം ലഭിച്ചതിന്റെ ഓർമ്മയാണ് ഈ പോഡ്കാസ്റ്റ് .
സ്നേഹത്തോടെ
എസ് . ഗോപാലകൃഷ്ണൻ
ഇന്ത്യാ -ചൈനാ തർക്കങ്ങളുടെ ചരിത്ര പശ്ചാത്തലം ആഴത്തിൽ പരിശോധിക്കുന്ന ഒരു പോഡ്കാസ്റ്റ് .
നെഹ്റുവിലെ സ്വപ്നജീവിയ്ക്ക് തെറ്റിയതെവിടെ ? മോദിയും അതേ തെറ്റ് ആവർത്തിക്കുന്നുവോ ? എത്രയാണ് ഇന്ത്യയുടെ സുരക്ഷാഭൂപ്രദേശവ്യാപ്തി ? വാജ്പേയി വിശ്വസിച്ചിരുന്നത് എന്ത് ? ഇന്ദിരാ ഗാന്ധിയുടെ വിജയങ്ങൾ ? കിഴക്കൻ ബംഗാൾ , സിക്കിം പാഠങ്ങൾ ? മാവോ - ഡെങ് - ഷീ ജിൻപിങ് തുടർച്ചകൾ . കേൾക്കേണ്ട ചരിത്രാവലോകനം. ആർ പ്രസന്നൻ , The Week വാരികയുടെ ഡൽഹി ബ്യുറോ തലവനും ഇന്ത്യയിലെ പ്രമുഖ സായുധ-വിദേശനയ ഗവേഷകനും വിദഗ്ദ്ധനുമാണ്
ലോകാവസാനം വരെ പുടിൻ ഭരിക്കുമോ ? അദ്ദേഹം അങ്ങനെ ആഗ്രഹിക്കുന്നുവോ ? റഷ്യയിൽ അധികാരകേന്ദ്രീകരണം ഒരു ശീലമോ ? എന്താണ് ആ രാജ്യത്തിന്റെ രഹസ്യാത്മകത ? ഇന്ത്യാ -റഷ്യ ബന്ധം സമകാലത്തിൽ ?
ബിനോയ് വിശ്വം എംപി സംസാരിക്കുന്നു
ഡോക്ടർ ഷംഷാദ് ഹുസൈൻ സംസാരിക്കുന്നത് കേൾക്കുമ്പോൾ മനസ്സിലാകും എങ്ങനെയാണ് പുരുഷന്മാർ എഴുതിയ ചരിത്രം സ്ത്രീകൾ വാമൊഴിയാൽ റദ്ദാക്കുന്നത് എന്ന് . ഓർമ്മകൾ മരിക്കുന്നില്ല . ഡോ . ഷംഷാദ് ഹുസൈൻ ശ്രീശങ്കരാചാര്യ സർവകലാശാലയിൽ മലയാളം അസോഷിയേറ്റ് പ്രൊഫസ്സർ . വാമൊഴിചരിത്രത്തിൽ ഡോക്ടറേറ്റ്. പുസ്തകങ്ങൾ : മുസ്ലിമും സ്ത്രീയും അല്ലാത്തവൾ . ന്യുനപക്ഷത്തിനും ലിംഗപദവിക്കും ഇടയിൽ
പ്രീയ സുഹൃത്തേ ,
വലിയ സന്തോഷത്തോടെയാണ് ഈ പോഡ്കാസ്റ്റ് ഞാൻ താങ്കളിലേക്ക് എത്തിക്കുന്നത് .
പ്രൊഫസ്സർ കെ പി ശങ്കരൻ ( ഡൽഹിയിലെ St Stephen's കോളേജിലെ ഫിലോസഫി അദ്ധ്യാപകൻ ആയിരുന്നു ) വൈക്കം മുഹമ്മദ് ബഷീറിനെ കുറിച്ചെഴുതിയ കുറിപ്പ് . ഇരുപതാം നൂറ്റാണ്ടിൽ ഇന്ത്യ സംഭാവന ചെയ്ത രണ്ട് മൗലിക ദാർശനികർ ഗാന്ധിയും ബഷീറും ആണെന്ന് അദ്ദേഹം പറയുന്നു . അശാന്തമനസ്സിനെ ശാന്തതയിലേക്ക് നയിക്കുന്ന ബഷീർ. ഓരോ അപരിചിതനും അപരനും അല്ലാഹുവിന്റെ സൃഷ്ടി ..ഓരോ പാമ്പും . ഓരോ ഉറുമ്പും .
ബഷീറിന് സ്നേഹപൂർവ്വം ഈ പോഡ്കാസ്റ്റ് .
സംഗീതഖണ്ഡം : പണ്ഡിറ്റ് കുമാർ ഗന്ധർവ
സ്നേഹപൂർവ്വം
എസ് . ഗോപാലകൃഷ്ണൻ
അതിമനോഹരമായി സംസാരിക്കുന്നു ഈ നർത്തകി . എന്തുകൊണ്ട് ബാലസരസ്വതിയും ചന്ദ്രലേഖയും തന്റെ ഇഷ്ടപ്പെട്ട നർത്തകർ ആണ് എന്നതിനെ കുറിച്ച് .
ഒരേ നൃത്തഭാഷ പഠിച്ചിട്ട് തികച്ചും വേറിട്ട നൃത്തനിമിഷങ്ങളിൽ ജീവിച്ചവർ. പരിശ്രമികളായിരുന്ന രണ്ടു നർത്തകർ . ഉടൽമൊഴികളെ മാറ്റിത്തീർത്തവർ. കേൾക്കൂ , വേറിട്ട ഈ പോഡ്കാസ്റ്റ് .
നന്ദി , രാജശ്രീ .
എസ് . ഗോപാലകൃഷ്ണൻ
റേഡിയോ കേൾക്കുന്നെങ്കിൽ
ബോസിന്റേയും ടെസ്ലയുടെയും കഠിന ഏകാന്തതകൾ അറിഞ്ഞിരിക്കണം.
മർക്കോണിയുടെ കൊച്ചുമകൻ പറഞ്ഞു , എന്റെ മുത്തച്ഛന് റേഡിയോ കണ്ടുപിടിച്ചതിന് നോബൽ സമ്മാനം നൽകുകയും ജഗദീഷ് ബോസിനെ അംഗീകരിക്കാതിരിക്കുകയും ചെയ്തതിൽ അനീതി ഉണ്ടായി എന്ന് .
ആധുനിക മനുഷ്യന്റെ ഏകാന്തതകളിൽ അവന്റെ ഏറ്റവും വലിയ ചങ്ങാതിയായി മാറിയ റേഡിയോ ഉണ്ടായത് നിരാലംബരായി നടന്ന രണ്ടു ശാസ്ത്രകാരന്മാരുടെ , നിക്കോള ടെസ്ല , ജഗദീഷ് ചന്ദ്ര ബോസ് എന്നിവരുടെ കഠിനമായ ഏകാന്തതകളിൽ നിന്നാണ്.
അതുകൊണ്ടുതന്നെയാണ് വൈകിയെത്തിയ നോബൽ സമ്മാനം ടെസ്ല നിരസിച്ചത്
അല്ലെങ്കിൽ തന്നെ ഗാന്ധിയ്ക്ക് കിട്ടാതെ പോയ നോബൽ സമ്മാനവും ബഷീറിനും ഓ വി വിജയനും കിട്ടാതെ പോയ ജ്ഞാനപീഠവും ചെറിയ പുരസ്കാരങ്ങളല്ലെ ?
രണ്ട് ഏകാന്തതകളെ കുറിച്ച് ഒരു പോഡ്കാസ്റ്റ്
തുടക്കത്തിനും ഒടുക്കത്തിനുമിടയിലെ ശൂന്യതയുടെ മേൽ മനുഷ്യൻ ഉണ്ടാക്കിയ പാലം ? രണ്ട് പൂജ്യങ്ങളും അവയ്ക്കിടയിലെ ദുർഗ്രഹത്രികോണവും ? ആരുടെ കണ്ണടയുടെ വികാസമാണ് ബൈസിക്കിൾ ?
കാൽനൂറ്റാണ്ടു മുൻപ് കെ ജി ശങ്കരപ്പിള്ള എഴുതിയ അസാധാരണ സൈക്കിൾ കവിതയിലേക്ക് ഒരു പോഡ്കാസ്റ്റ് സവാരിയാണ് ഈ ലക്കം ദില്ലി -ദാലി . കവി തന്നെ കവിതയും ചൊല്ലുന്നു.
കൂടെ , കണ്ണൂരിലെ എന്റെ റേഡിയോ ജീവിതത്തിൽ ശബ്ദത്തിന്റെ തരംഗദൈർഘ്യത്തിലേക്ക് സൈക്കിൾ സ്വപ്നവുമായി ചവുട്ടിക്കയറിയ ഒരു കൗമാരക്കാരന്റെ കഥയും
സ്നേഹപൂർവ്വം
എസ് . ഗോപാലകൃഷ്ണൻ
സ്നേഹത്തോടെ
എസ് . ഗോപാലകൃഷ്ണൻ
ആർ ഉണ്ണി നടത്തുന്ന നവതി പോഡ്കാസ്റ്റ്
വിജയൻ ജീവിച്ചിരുന്നിരുന്നു എങ്കിൽ ഇന്ന് തൊണ്ണൂറു വയസ്സ് . നാലുപതിറ്റാണ്ടിലേറെ പ്രായവ്യത്യാസത്തിൽ ആർ . ഉണ്ണി.
ഉണ്ണി സംസാരിക്കുന്നു , വിജയനെ ആദ്യം കണ്ടപ്പോൾ ആനന്ദമന്ദിരത്തിൽ നിന്നും ചമ്മന്തിപ്പൊടി വാങ്ങിക്കൊടുത്ത കഥ , കമ്മ്യൂണിസ്റ്റുകാർക്ക് മനസ്സിലാകാതെ പോയ വിജയൻ , സംശയങ്ങളും ചോദ്യങ്ങളും അടിസ്ഥാനരാസമൂലകങ്ങൾ ആയിരുന്ന ജന്മം , വിജയനെ ഹിന്ദുത്വവാദിയായി തെറ്റിദ്ധരിക്കുന്നതിന് ഇടതുപക്ഷം നൽകിയ മൗനാനുവാദം, വിജയനോട് സക്കറിയ കലഹിച്ചത് , സക്കറിയ സങ്കടപ്പെട്ട ഒരു ദിവസം , പത്രക്കാർക്കും നിരൂപകർക്കും പിടി കൊടുക്കാതെ വഴുതിപ്പോയ വിജയൻ എന്ന ബഹുമുഖി ...
ആർ . ഉണ്ണി ഗുരു ദക്ഷിണപോലെ നൽകുന്ന ഒരു വിജയൻ നവതി ചിന്ത
അടിയന്തിരാവസ്ഥക്കാലത്ത് വിദ്യാർത്ഥിരാഷ്ട്രീയത്തിലൂടെ പൊതുപ്രവർത്തനത്തിലേക്ക് കടന്നു വന്ന സുരേഷ് കുറുപ്പ് ഒരു അഭിമുഖസംഭാഷണത്തിൽ ഇനി പറയുന്ന ചോദ്യങ്ങൾക്ക് മറുപടി നൽകുന്നു:
ഇന്നത്തെ ഇന്ത്യൻ രാഷ്ട്രീയസാഹചര്യവും അടിയന്തിരാവസ്ഥ സ്മരണകളുടെ വെളിച്ചത്തിൽ
ഇന്ത്യൻ ഭരണഘടനയും ഇന്നത്തെ ഇന്ത്യയും
ഇന്ത്യൻ കോടതികൾ അടിയന്തിരാവസ്ഥക്കാലത്തും ഇന്നും
അന്ന് ജയപ്രകാശ് നാരായണൻ , ഇന്ന് ഭരണഘടന ?
ജനകീയമുന്നേറ്റം പ്രത്യാശിക്കാമോ ?
From the publisher's feed

0 Listeners

2 Listeners

2,413 Listeners

3 Listeners

2 Listeners