Dinngiral rewɓe

Toɓɓere yewtere ndee no haala fii defte ɗe rewɓe binndi. Yalli ɗi binndi baawii wallude ngam teddingol hakkeeji rewɓe? Holko woni yi’annde mon e toɓɓere ndee?E jonnde nde, eɗen tawdaa e Aminata Pilimini JALLO, jaayndiyankeejo jeeyaɗo Gine, ko o haɓanoowo teddingol hakkeeji rewɓe. Ko kanko woni koɗo taskaram Dinngiral Rewɓe hannde.En keɗoto seeditanɗe rewɓe winndooɓe defte tawanooɓe to dinngiral defte hertinanaangal rewɓe binndooɓe e nder jantoore nde Fadima SI waɗani en.

Toɓɓere yewtere men hannde ana haala ko faatii e dewgal e jannde. Ko honno debbo wawirta hawridinde walla hiɓɓindirde ɗii ɗiɗi: dewgal e jannde? Yalla debbo ana waawi wonude e dewgal jokka janngude? E jonnde ndee eɗen tawdaa e Dikkoru Bah jeeyaɗo Mali, ko dewlaaɗo wonuɗo e janngude. Amina Dikko mo burkina faso kañun waawaali jokkitaade jannde mun.Koɗo yewtere nden hannde yo Umaar El-haj CAAM jeeyaaɗo Moritani jannginoowo e duɗe jannginirɗe to laamorgo leydi ndi.

Tedduɓe heɗiiɓe RFI Fulfulde on calminaama, bismilla mon e taskaram men Dingiral Rewɓe. Hannde yewtere men no yowitii  alhaali  feeñugol walla yi'egol rewɓe e mejaaje hono teleeji e rajooji.  Holko saabi rewɓe ɗuuɗaaka yi'eede e nder mejaaji ? Ko peeje  honɗe haanaa wallitoreede ngam ittude walla ustude oo alhaali ? Fii ko ɓeyda ɓannginde ndee toɓɓere, hiɗen jaɓɓii rewɓe gollooɓe e dow mejaaje ɗee.  Aminata Piilimini JALLO, jayndeyankeejo jeyaaɗo Gine, daraniiɗo hakkeeji rewɓe.  Mariyam Selli Kaan, jeyaaɗo e fedde Debbo Senegaal. Ko fedde hawtindirnde rewɓe gollooɓe e mejaaje e karalle kese.

E ndee yontere en kaalan ko faati e martaaji toowuɗi e golle ɗi rewɓe toppitotoo e baŋŋe laamu. Tiiɗallaaji e saɗteendeeji ɗi ɓe keɓata fii hewtugol e nden darnde e ñiiɓugol e mayre. Fii yeewtugol e ndee toɓɓere, mbismoto Fatu Balde Yasaane, debbo ginenaajo hooreejo fedde renndo e oo ɗoo wakati ko koolaaɗo kuuɓal to jaagorgal jannde teknik e eltugol gollooɓe. Men yeewtidii kadi e Binta SOW, gardiiɗo fedde wi’eteende “GIE PELLITAL” tafaande to kaaƴon, wuro wonngo to diiwal Senluwi rewo senegal. Njoofiniren e konngol Jeynaba Dikko, jeyaaɗo Burkina Faso.

Toɓɓere taskaram men hannde no yewta fii battane ɓeydagol cogguuli e nder aduna oo e dow golleeji walla kuuɗe rewɓe. Ko holno rewɓe gollanooɓe hoore mum wuuriri ngol ɓeydagol ɗii cogguuli, wano fariin, nebbam e waɗɗeteeɗi  wonande yeeyooɓe gato e beeñe? Aaminata Barro ko jeeyaaɗo Senegal, ko o gooto e teral fedde darniide hakkeeji soodooɓe Daramaan Tammbura ko gooto e nultondiraaɗo rfi Fulfulde waɗanii en jantoore e dow ngure rewɓe somotooɓe ( yahooɓe e luumo sooda ñamri ɓeynguure) Burkina Faso. Ko woni alhaali maɓɓe e wakati ngol ɓeyɗagol cogguuli? Heɗoɗen jantoore makko.

Ko ngal lamndal ndee yewtere men hannde etotoo jaabaade. E jonnde ndee eɗen tawdaa e Mahamuudu Keraba Tarawore jannginoowo  ñeenal to suudu jannginirdu ñeenal Dakar. E keɗoto yoga miijooji yimɓe hawraaɓe e mum e nder ngol koolol sappo e nayaɓol noddirteengol "Biennale" wonugol e waɗude ɗoo e Senegaal.

Hannde Dinngiral rewɓe no yewta ko faati e ɓee rewɓe moƴƴinooɓe nebbam puɗi no jeyaa e majjam nebbam kaare (bulanga).  Ko holno ɗee golle maɓɓe woniri e holɗum e caɗeele ɓe heɓata e mum?  Minata Tarawore hooreejo walde "Afrik Wisiyon", fedde daraniinde  wallugol waylooɓe ɓiɓɓe leɗɗe e nder Afrik wano nebbam kaare. En keɗoto kadi Muumini Konaate ardiiɗo salndu moƴƴinooɓe nebbam kaare e nder Burkina Faso.

Toɓɓere yewtere men hannde e ndee talataare 24 lewru 5ɓuru faati ko alhaali rewɓe ɓe ɓiɓɓe mum wuuraani. Ko ɗum woni rewɓe ɓe ɓiɓɓe mum maayi caggal nde ɓe jibinaa. Holko woni sabu  maayugol koy boobohoy keccoy caggal balɗe walla jonte seeɗa nde ɓe jibinaa ? Ko holno neeniraaɓe ɓen woni wuurdude e ndee sunaare? Holno ɓe poti wallireede haa ɓe mbaawa heññude ɗum ? En keɗoto seeditannde rewɓe nguurduɓe e ndee annde, debbo ñawndoowo. Koɗo men hannde ko Dokteer Alhassaan Sheriif pisikoloogjo jeyaaɗo Gine.

Toɓɓere yewtere ndee no haala fii defte ɗe rewɓe binndi. Yalli ɗi binndi baawii wallude ngam teddingol hakkeeji rewɓe? Holko woni yi’annde mon e toɓɓere ndee?E jonnde nde, eɗen tawdaa e Aminata Pilimini JALLO, jaayndiyankeejo jeeyaɗo Gine, ko o haɓanoowo teddingol hakkeeji rewɓe. Ko kanko woni koɗo taskaram Dinngiral Rewɓe hannde.En keɗoto seeditanɗe rewɓe winndooɓe defte tawanooɓe to dinngiral defte hertinanaangal rewɓe binndooɓe e nder jantoore nde Fadima SI waɗani en.

Toɓɓere yewtere ndee hannde no haala fii alhaali wiriis Sida hol e peeje kaana ɓammeede ngam reenude rewɓe hettinaaɓe sera sabu wonndugol ɓe e nguu ñawu . Holko wono yi’annde mon e yewtere ndee. E jonnde ndee, eɗen tawda e Muusa JALLO jeyaaɗo Burkina Faso, ko o dokkotoroojo golloowo e yiilirde diiwal cuuɗi cellal. Ko kanko woni koɗo men e yewtere dinngiral rewɓe. En keɗoto seeditanɗe debbo heɓɓuɗo sida, hettinaaɗo seera.Bismilla mon e heɗaade taskaram oo.