Dinngiral rewɓe

Hannde Dinngiral Rewɓe no yewta fii rewɓe rimarɓe (ndimaro) ko woni debbo mo jibintaa mo dañataa ɓiɗɗo.  Ko waɗi  e nder ɓesnguuji (genndaaji) ko rewɓe tan sappetee  honndu si ɓiɗɗo heɓaaki? Aamadu SIISe renndoyankeejo. O aran ɗoo jaaboo ngal lamngal.  Koɗo men ko Dokteer Abdulaaye JALLO, jeyaaɗo Burki Faso, Jenikoloogjo. O laɓɓinan en yoga e oo alhaali.

Tedduɓe keɗiiɓe RFI Fulfulde, on jaaraama, bismilla mon e yewtere men Dinngiral Rewɓe Toɓɓere yewtere ndee hannde no faati e laamu ngu alaa rewɓe. Yalli laamu ana wawi waɗeede tawa rewɓe ngalaa e maggu ngu nafa?  E jonnde ndee, eɗen tawdaa e Aamadu Siise jeyaaɗo Teneku, Mali. O laatinooke jaagorɗo kalfinanooɗo oogirɗe (ngalu nder leydi). Ko sarɗinkoojo kiɗɗo. Eɗen jaɓɓoo kadi Jeeneba Dikko ko o ñaawoowo to suudu ñaawirndu Burkina Faso, ko  gooto e teral walde rewɓe ñaawooɓe leydi ndii.Dr Hawa Bokar LI-Tall ko o renndoyanke wiɗtiyanke e winndiyanke, kanko woni koɗo men hannde e ndee yewtere.Ko nii lelori toɓɓe mawɗe e taskaram oo, bismilla mon.

Toɓɓere Taskaram Dinngiral Rewɓe no haɓɓodi e darnde mejaaje ɗee ngam jeertingol walla waajagol fii ɗii fitinaaji faweteeɗi e rewɓe. Holko ko foti wonde darnde mejaaje ɗee fii haɓugol doolugol rewɓe? E nder yewtere ndee, en bismoto Yakuba Dummbuya golloowo Onifam, Woppaa JALLO, debbo daraniiɗo hakkeeji neɗɗanke jeyaaɗo Senegaal. Ko Tijjaani SI, jaayndeyankeejo jannginoowo, jooma lekkol jaayndekewol "Ejicom".

Tedduɓe keɗiiɓe RFI Fulfulde, on jaaraama, bismilla mon e yewtere men Dinngiral Rewɓe dow rfi Fulfulde.

Yewtere ndee toɓɓeere mum ana haala ko faati e rewɓe ɗanniiɓe. Holko saabi ɓee rewɓe ana ngaɗe ko boni? Holko woni sabaabu yoppugol ɓe cuuɗi maɓɓe e sukaaɓe yaha e leyɗe janane?

Hamaat JALLO jooɗaniiɗo rfi fulfulde Moritani waɗanii en jantoore e dow ɗanniiɓe. Moritani ana tawaa e leyɗe ɗe ɗannotooɓe ƴaɓɓortoo. Fadima SI nultondiraaɗo RFI Fulfulde Dakar, yewtidii e sukaaɓe ɗanniinoɓe.

Aysata Njaye yo gooto e rewɓe ɗanniiɓe ngartiraaɗo. Omo tawaa e walde wi’eeteede Nelaaɗo Ɗanniiɗo. Fedde adunaru daraniide ɗanniiɓe OIM moƴƴinii nduu sandu ɗanniiɓe ngam yimɓe heɓa kabaaruuji e tiiɗallaaji kañun e torraaji ngonɗi e ɗannagol.

Tedduɓe keɗiiɓe RFI Fulfulde, on jaaraama, bismilla mon e yewtere men Dinngiral Rewɓe e dow rfi Fulfulde.

Yewtere toɓɓere nden hannde ana haala ko faati e rewɓe wonɓe e baale walla dente kafayɗe kalisi ko ɗe gollilara. Holno ɗee pelle gollirta ? Holko woni nafa majje e faggudu leyɗe ɗee ?

E ley yewtere, eɗen tawdaa e Haajara Maamuudu hooreejo walde rewɓe Kamerun daraniinde wallugol sukaaɓe alyatiima no janngira. No tawaa e yewtere ndee kadi Aysata Jibi Tall jeyaɗo e fedde wi’eeteede Ɓamtaare rewɓe ko Podoor nder Senegal.

Dr Haamidu Bari jeeyaɗo Gine yo hertorɗo faggu e ɓantaare woni koɗo men hannde e yewtere.

E yewtere men garoore ndee, en kalan ko faati e rewɓe ɗaniiɓe heɓuɓe tiiɗalaaji. Holko woni sabu yoppugol ɓe cuuɗi maɓɓe e sukaaɓe maɓɓe ɓe yaha e leyɗe janane?

 Oɗon baawi hokkunde mijjoji mon e tonngoode amen WhatsApp 00 221 76 644 12 74.

E talaata kala e yeewtere « Dinngiral Rewbe » no jogii toɓɓere hesere. Hannde ko alhaali wintaari woni yewtere nden. Woɓɓe wi'a ɗum canke walla solo walla depansi. E nguu ɗoo Jamaanu ngu wonɗen mbela potal wonde hakkunde debbo e gorko nder galle, ko faati e wintaari ?Koɗo men e ndee yewtere ko  Abdulaay JALLO renndoyankejo jeyaaɗo Burkina Faso, ngam laɓɓinande en toɓɓere ndee, o aran ɗoo o laɓɓina en pos.Eɗen ngondi kadi e  Jeynaba Njuum, jeyaaɗo Moritani gooto e sukaaɓe daraaniiɓe wallude rewɓe nder fedde no wi'ee Pallewol sukaaɓe debbankooɓe e nder hirnaage Afrik (Réseau des Jeunes Féministes d'Afrique de l'Ouest) e ɗemngal Faransiire, no jaaboo e toɓɓere nden. Talaata garoowo toɓɓere men na yowiiti  e Holko sabu  si tuumol dimarankaagal (anngal jiidagol) ko e debbo tan heewaa faweede ?

Tedduɓe keɗiiɓe RFI Fulfulde, on jaaraama, bismilla mon e yewtere Dinngiral Rewɓe dow RFI Fulfulde.E nga’al toɓɓeere yewtere ndee ina kaala ko faati e  rewɓe gollooɓe e demal. Ko hoɗum woni darnde maɓɓe e ndema ? Ko tiiɗɗallaaji honɗi ɓe heɓata e ngal gollal.E ley taskaram kaa, eɗen ngonndi e Faatu Kande golloowo e baŋŋe demal jeeyaɗo e diiwal Seeju Senegaal. Dada Amadu BAH yo Malinaajo tawaaɗo e rewɓe yiɗuɓe gollude ngam heɓude ndimu e ɓamtaare mum.Koɗo men hannde e yewtere ndee yo Abdulaay JALLO wiɗtotonoowo  suudu  wiɗto e demal Timmbi Madiina Gine.E taskaram men ngaroowo en kaalan ko faati e rewɓe doolaaɓe. Hol ceɗeele  ɓe ngonndi, e holko renndo ngoo haani waɗude ngam wallude ɓee rewɓe ? On jaaraama e heɗaade oo Taskaran, men okkii ahdi e yonntere warore.

On njowtaama tedduɓe heɗiiɓe RFI Fulfulde.Bisimila mon e yewtere men Dinngiral Rewɓe e RFI Fulfulde.Hannde en kaalan sunninngol sukaaɓe rewɓe, bonanda ko ɗum jogii. Darnde sarooɓe (mawɓe) kañun e laamu nguu faa yottaade dokotoro’en.E ley yewtere meeɗen, eɗen tawdaa e Alhajji Boubakar Balde almaamiijo Labe  e nder leydi Gine. Maymuuna JALLO, depiteejo Gudomp leydi Senegal. O haalana en darnde wotooɓe sariyaji e ngal gollal. En keɗoto mijooji maɓɓe e sunningol sukaaɓe rewɓe.En cilminan ɗoo Dokteer Abduramaan JALLO yo Jinikolooguujo, jeeyaɗo leydi Gine.

Yewtere ndee  ana haala woɗɗodirgol njibingol sukaaɓe. Hol ko woni naffa woɗɗodirgol  ɓesngu? Laawi waala peeje  debbo e gorko kaani ɓamude ngam waɗude ngal gollal?

Toɓɓere yewtere Dinngiral Rewɓe no faati e ñiddingol walla serindagol rewɓe doolaaɓe. Ko honɗum e tiiɗallaaji ɓe ngondi ? Holko renndo ngoo haani waɗude ngam wallude hono ɓee rewɓe ? E ley taskaram kaa, eɗen jaɓɓii Fatumata BARI yo gooto e rewɓe doolaaɓe e jeyaaɗo Gine. Sonna Njaay Fatumata CAAM yo ginenaajo jooɗiiɗo Senegaal. Ko horeejo walde daraniinde nanodiral ginenaaɓe. Dr Hawa Bokar LI-Tall yo renndoyankeejo, o wiɗtiyankeejo to iniwersite OTTAWA Kanada anndinan en mojooji mum e ndee toɓɓere. Koɗo men hannde e yewtere ndee yo Fatumata Sow dokotoroojo e pisikolooguujo to Faransi. O sifonto en caɗeele ɗe doolugol rewɓe  waawi waddude e hakkilaaji doolaaɓe.