Dokumentarar

- føroyskur dokumentarur

Í nærum 38 ár hevur hann sagt Føroya fólki tíðindi úr øllum heimsins herðashornum, og dag um dag hevur hann sagt okkum, hvat veðurmenninir hava spátt um veðrið á okkara leiðum.

Fram um allar er hann útvarpsrøddin. Útvarpsmaðurin Ívar Iversen fylti 67 ár í 1998, og tað bar í sær, at hann var loystur úr starni í Útvarpinum 1. mars hetta árið.

Sítt lívsstarv tók Ívar umborð á postbátinum av Oyri til Havnar. Hann arbeiddi hetta tíðarskeiðið á Loranstøðini á Eiði, men hevði gjørt av at fara til skips aftur, tá hoyggingin var av.

Sendingin snýr seg um kirkjur, bygdar í nýggjari tíð. So við og við verða krøvini til kirkjubygging broytt. Menn, sum stílaðu fyri, hava verið burturi í londum og fingið sær kunnleika til bygging, og teir seta sín serliga dám á tær kirkjur, sum verða bygdar í okkara øld. Ein teirra var Magnus á Kamarinum, sum fekk sær lærdóm í danska býnum Vallekilde. Magnus stóð fyri byggingini av Sandavágs kirkju, sum bæði innan og uttan er sermerkt á mangan hátt.

Lagt til rættis: Malan Johannesen.

Sætta sending um kirkjubygging í Føroyum snýr seg um tær nýggjastu kirkjurnar. H.C.W. Tórgarð, arkitektur, er ein teirra, sum hevur sett sín serliga dám á kirkjubygging í Føroyum. Hann bygdi millum aðrar gomlu katólsku kirkjuna í havn. Katólska kirkjan hevur í seinastuni fingið nýggja kirkju, sum annar arkitektur, Árni Winther, hevur staðið fyri. Sum tað sæst verða kirkjurnar alt meira merktar av, at tey, sum standa fyri, vilja hava kirkjuna at vera ein bygning, sum skarðar fram úr á onkran hátt.

Lagt til rættis: Malan Johannesen.

- føroysk sending

Jóannes Madsen var dómari, violinleikari og kórsangari. Eitt óhapp eitt heystarkvøld í 2012 gjørdi enda á yrkisleiðini hjá honum. Hann hevur síðani stríðst fyri at endurvinna so nógv sum gjørligt av tí, hann hevur mist.

Dagmar Joensen-Næs og Jens Jákup Hansen gjørdu sendingina.

Dótturfeløg hjá Samherja á Kypros hava verið nýtt sum skattaskjól hjá øðrum feløgum í samtakinum í fleiri ár.

Tað sigur Jóhannes Stéfansson, varskógvari og fyrrverandi stjóri fyri virkseminum hjá Samherja í Namibia.

Og nýggj skjøl vísa, at fleiri føroysk feløg, sum Samherji eigur í, hava peningaligt tilknýti til somu feløg á Kypros.

Lagt til rættis: Jan Lamhauge og Barbara Holm, saman við Una Holm Johannesen, Jógvan Eli Dam og Georg L. Petersen.

Sendingin er gjørd við stuðli frá IJ4EU.

- føroyskur dokumentarur

Óttin fyri ókenda virusinum í Fjareystri, sum kundi menna seg til eina alheims farsótt, gjørdi, at nøkur klók høvd í Føroyum av sínum eintingum brynjaðu føroyska samfelagið móti komandi sóttini.

Uppgávan eydnaðist, tí at vit valdu at halda fast og trúgva upp á egna vitan.

Lagt til rættis: Kenneth Jørgensen og John Johannessen.

Nærum hvønn dag fær ein føroyingar boð um, at hann ella hon hevur krabbamein. Nøkur gerast frísk, nøkur liva leingi við sjúkuni, og nøkur doyggja av henni.

Millum tey nógvu, ið hava kent sviðan av krabbameini seinastu árini, eru ein smábarnamamma í Havn, ein smágenta í Hvalvík og ein kona í Havn, sum misti mann sín.

Sendingina gjørdu Dagmar Joensen-Næs og Jens Jákup Hansen.